Спорт
Сакраменто го прекинаа 17. годишниот пост, Јанис и Холидеј ја растурија Индијана, нов пораз на Далас,
Со убедливата победа против Портланд во Орегон со резултат 120:80, кошаркарите на Сакраменто и дефинитивно обезбедија пласман во плеј-офот. „Кралевите“, кои имаат скор 46-30, моментално се трети во Западната конференција и се враќаат во плејофот по 17. годишно отсуство. Тимот од главниот град последен пат во плеј-офот учествуваше во сезоната 2005/06.
Сакраменто го забележа третиот триумф во последните четири натпревари против Портланд, а во преостанатите шест меча од регуларниот дел има шанса да го нападне Мемфис на второто место, но многу пореално е во плејофот да влезат од третата позиција.
Второто полувреме во Орегон Сакраменто го доби со неверојатни 70:34, а најдобри беа Малик Монкс со 19 поени и 6 скока и асистенции, Диарон Фокс со 18 и 6 асистенции, Хуертер со 17 и Сабонис со 15 поени, 12 скока и 4. асистенции.
Во неверојатен меч во Индијанаполис, Милвоки ги совлада Пејсерс со 149:136 и со учинок 55-21 го обезбеди првото место во Источната конференција.
Бакс во третиот период постигнаа дури 46 поени.
Џру Холидеј ги предводеше гостите со 51 поен (20/30 од поле) со по 8 скока и асистенции, Јанис Адетокумбо го следеше со 38 поени (14/18 од поле), 17 скока и 12 асистенции, а Брук Лопез додаде 21 поен и 8 скокови.
Филаделфија го победи Далас со 116:108, а Џоел Ембиид беше најдобар откако го прескокна дуелот со Денвер со 25 поени, 9 скока и 3 асистенции. На теренот се врати и Џејмс Харден се врати на теренот и во триумфот учествуваше со 15 поени, 4 скока и 12 асистенции.
Кај Далас се истакнаа Лука Дончиќ со 24 поени (9/20 од поле), 10 скока и 8 асистенции и Кајри Ирвинг со 23 поени (8/17 од поле), 6 скока и 5 асистенции.
Резултати:
Индијана – Милвоки 136:149
Бруклин – Хјустон 123:114
Њујорк – Мајами 101:92
Филаделфија – Далас 116:108
Чикаго – ЛА Лејкерс 121:132
Оклахома – Детроит 107:106
Сан Антонио – Јута 117:128
Феникс – Минесота 107:100
Портланд – Сакраменто 80:120
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Нула во италијанското дерби
Фудбалерите на Јувентус и Милан одиграа без голови во дербито од 34. коло од Серија А. Нерешениот резултат му оди во прилог на Милан, црвено-црните имаат пет бода повеќе од Јувентус и извесно е дека ќе ја задржат втората позиција до крајот на сезоната.
Првиот дел донес ерамноправна ира на двете страни, без серизно шанси, исклучок е обидот на Влаховиќ, кој се закани од слободен удар, но Спритиело одбрани.
Во вториот дел Јувентус беа подобри на теренот. Спортиело го одбрани ударот на Костиќ, а потоа и обидот на Милик. Меѓу двете шанси на Јувентус, госѕите се заканија преку Лофтус Чик по одличен удар од далечина.
Најдобрата шанса на мечот Јувентус ја имаше во 86.минута, кога единствениот кикс го имаше голманот на Милан, но удаорт на Рабио од гол-линијата го одбрани Тиао.
Спорт
Билд: Рангник има договор со Баерн
Почесниот претседател на Баерн Минхен, Ули Хенес, откри дека клубот наредната недела ќе го соопшти името на новиот тренер, но највлијателниот германски медиуми „Билд“, тврди дека веќе е познато кој ќе го замени Томас Тухел.
Најторфејниот германски клуб од наредната сезона ќе го предводи Ралф Рагник. Како што пренесува „Билд“, во саботата е одржан уште еден состанок по кој двете страни си заминале насмеани, а извор близок до клубот од Минхен тврди дека Ралф Рангник веднаш по завршувањето на Европското првенство, каде ќе ја води Австрија, ќе го преземе Баерн.
Баерн ќе мора да плати отштета, бидејќи тренерот има уште две години договор со ФС Австрија. Според „Билд“, челниците на Баерн ќе треба да одвојат три милиони, додека платата на австрискиот стручњак во Баерн ќе биде околу седум милиони евра годишно.
Рагник с Баерн ќе потпише двегодишен договор.
Спорт
(Видео) Гринвуд ја испрати Алмерија во Сегунда
Хетафе, во 33.коло забележа победа во Алмерија 3.1 Со овој пораз фудбалерите на Алмерија и официјално испаднаа од шпанската Примера.
Гостите поведоа во 27. минута со голот на Мејсон Гринвуд, а израмни Чоко Лозано на четири минути пред крајот на првото полувреме.
Најдобриот играч на натпреварот, Гринвуд му ја врати предноста на Хетафе со гол по само три минути игра во вториот дел.
Откако постигна два гола, Англичанецот во 61. минута му асистираше на Хаиме Мата за третиот гол на Хетафе.
Во последните моменти од играта нервозниот Виеира доби црвен картон и во самиот финиш ја остави Алмерија со играч помалку.
За Хетафе ова беше втората победа сезонава на гостински терен. Тимот на Хосе Бордалас се наоѓа на деветтата позиција со 43 бода.