Спорт
Салах: Бајчетиќ е нашиот најдобар играч

Ливерпул го победи Евертон со 2:0 на „Енфилд“ во градското дерби од 23. коло на Премиер лигата. Избраниците на тренерот Јирген Клоп доживеаја три порази на последните четири натпревари, но со победата во градското дерби ја вратија надежта за добар крај на сезоната.
По мечот тема во Англија е 18.годишниот играч на Ливерпул, Стефан Бајчетиќ. За многумина тој беше најдобар на теренот, а доби пофалби од менаџерот Јирген Клоп и напаѓачот Мохамед Салах.
„Стефан е одлична личност и врвен играч. Тој дава се од себе на секој натпревар. Откако почна да игра за нас, тој е најдобриот играч во тимот“, изјави Салах по натпреварот.
Стефан Бајчетиќ е роден во Виго кога неговиот татко Срѓан, поранешен играч на Црвена звезда го носеше дресот на Селта. Има шпански пасош и досега играл за младинските селекции на Шпанија.
Stefan Bajcetic’s game by numbers vs. Everton:
100% aerial duels won
51 touches
10/12 final third passes completed
5 ball recoveries
4 ground duels won
3 long balls completed
2 key passesLooked right at home in midfield tonight. 🏠 pic.twitter.com/S9ZwexjlM2
— Statman Dave (@StatmanDave) February 13, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Вулверхемптон одби уште една понуда од Њукасл за Ларсен

Фудбалскиот клуб Вулверхемптон ја одби и втората понуда од Њукасл за норвешкиот напаѓач Јорген Странд Ларсен, кој постигна два гола во вчерашната победа над Вест Хем во Лига купот.
Њукасл овој пат понуди 55 милиони фунти, откако претходно беше одбиена и понуда од 50 милиони фунти.
Управата на Вулверхемптон не сака да се откаже од 25-годишниот репрезентативец на Норвешка, пред сè поради краткото време за наоѓање замена, бидејќи шреодниот рок завршува за четири дена.
Странд Ларсен беше купен од Селта минатото лето за 23 милиони фунти и постигна 14 гола во Премиер лигата минатата сезона.
Спорт
Бојан Димоски се сели во ТСЦ

Левиот бек Бојан Димоски кариерата ќе ја продолжи во ТСЦ. Клубот од Бачка Топола ќе издвои 100.000 евра за неговиот трансфер од Акрон, дознава „Моцарт Спорт“.
Во ТСЦ процениле дека им е потребно засилуваеа на левата страна, бидејќи Немања Петровиќ сè уште не се вратил на теренот поради сериозна повреда од минатата сезона.
Димоски одигра четири натпревари оваа пролет за Партизан, на кој му се приклучи од Акрон како позајмен играч.
Пред тоа, ги бранеше боите на Брера од Струмица и на Вардар. Одигра 20 натпревари за репрезентацијата на Македонија.
Спорт
Кристал Палас го заврши трансферот на Јереми Пино

Шпанскиот репрезентативец Јереми Пино е новото засилување на Кристал Палас, во кој ќе ја наследи улогата на доскорошниот лидер на „орлите“ Еберечи Езе.
Езе, минатата недела се пресели во Арсенал, а освојувачот на ФА Купот од трансферот заработи 79.000.000 евра. Менаџерот Оливер Гласнер експресно најде замена за Езе. Кристал Палас ќе му плати на Виљареал 30.000.000 евра за Пино.
Момчето од Канарските Острови одигра 170 натпревари за „жолтата подморница“, со напаѓачки настап од 22 гола и 23 асистенции. Тој ја освои Лигата на Европа во 2021 година, но и Лигата на нации во 2023 година со Шпанија, за која играше 15 пати.
На почетокот на сезоната, клубот од главниот град на Англија го изненади Ливерпул и го освои Комјунити Шилд, додека во Премиер лигата освои два бода во првите два натпревари.