Фенербахче побара од турската фудбалска федерација да ангажира странски судии за првенствените натпревари.

Клубот од Истанбул смета дека домашните судии не можат да го издржат притисокот и да ги водат натпреварите според правилата.

„По 16 натпревари не може да се негира дека судиите влијаат на резултатите. Сезоната која започна со разговори за „правдата во фудбалот“ се претвори во мрачен театар на скандалозни судиски одлуки, секако на штета на нашиот тим. Турскиот фудбал систематски се уништува, особено со ВАР-от“, се вели во соопштението на Фенербахче.

Во жестокото писмо се нагласува дека судиите фаворизираат „еден тим“. Не се истакнува, но јасно е дека прстот е вперен во Галатасарај.

Капката што ја прли чашата беше натпреварот против Ејуп во петокот (1:1).

„На нашиот противник му беше дозволено да остане со единаесет играчи бидејќи судијата не покажуваше црвени картони. Бевме сведоци на судиски масакр кога на нашиот тим не му беа досудени два чисти пенали. Не можеме повеќе да го жртвуваме турскиот фудбал поради оваа бесрамна корупција. Тоа веќе не се грешки. Не го прифаќаме овој срам. Сакаме правда и бараме веднаш да се назначат странски судии“, се вели во соопштението на Фенербахче.

Фенербахче е втор на табелата со 36 бодови, осум помалку од лидерот Галатасарај.

Менаџерот на Манчестер сити, Пеп Гвардиола изјави дека има силна поддршка од клупските ќчелници, пренесува „Скај Спортс“.

Манчестер сити забележа една победа, две нерешени и девет порази во последните 12 натпревари во сите натпреварувања. И покрај серијата лоши резултати Гвардиола вели дека има поддршка од претседателот Калдун Ал Мубарак.

„Зборуваме секоја недела и чувствувам силна поддршка од него. И двајцата знаеме дека треба да донесеме некои одлуки кога ќе се случи нешто погрешно. Секогаш сме оптимисти кога решаваме за наредните чекори“, рече Гвардиола.

Фудбалерите на Манчестер сити се на седмото место на табелата во Премиер лигата со 27 бодови од 17 натпревари. Манчестер сити, во четврток, на домашен терен ќе го пречека Евертон во 18. коло од Премиер лигата.

Експериментот на Спортинг Лисабон со Жоао Переира доживеа фијаско. „Лавовите“, во понеделникот одиграа 0:0 со Жил Висенте, подоцна Бенфика победи и го презеде лидерското место на табелата.

Падот на Спортинг започна со заминувањето на Рубен Аморим во Манчестер јунајтед. Со Аморим, Спортинг имаше добра позоција да избори место меѓу најдобрите осум во Лигата на шампионите, во првите четири кола тимот освои 10 поени, но со Переира ги загуби наредните два.

Клупскиите челници свесни за грешката што ја направија решија експресно да делуваат, му врачија отказ на Переира. Негов наследник ќе биде Руи Боргес.

Станува збор за 43-годишник кој минатото лето пристигна во Виторија Гимараеш од Мореиренсе, со кој заврши на шестото место на табелата. Тој ја продолжи одличната работа во својот нов клуб, бидејќи Виторија во моментов е и шестопласирана во португалското првенство и првата фаза во Конференциската лига ја заврши без пораз, со четири победи и две нерешени, на второто место веднаш за Челзи.

Иако веќе има осум клуба во своето тренерско резиме, кариерата на Боргес допрва започнува. Се очекува Спортинг официјално да го промофира Боргес во текот на денот.