Двајца спортисти од Битола добија признанија на манифестацијата „Спортисти на годината 2025“ што се одржа синоќа.

Боксерите од Битола – Адријан Рустемовски е прогласен за млад спортист на Македонија, а Ален Рустемовски избран за спортист на годината на Македонија.

„Со ова уште еднаш Битола покажа и докажа дека е спортски град, а изградбата на боксерската сала е вистинска инвестиција на Општина Битола“, вели градоначалникот на Битола, Тони Коњановски.

Тој најави дека со 1 милион денари од буџетот, Општината ќе го поддржи Рустемовски на неговите подготовки за обезбедување пласман на Олимписките игри.

По 71-ви пат беа доделени спортските награди на најдобрите спортисти, тренери и тимови од Македонија за 2025 година, а беа доделени и 500 стипендии „Спортска надеж“. Настанот го организираа Министерството за спорт и Сојузот на спортски федерации на Македонија.

Александар Зверев, бурно протестираше, во финишот на третиот сет, во дуелот со Карлос Алкараз, јасно ставајќи до знаење дека Шпанецот и Јаник Синер добиваат посебен третман од судиите.

Зверев и Алкарас го играат полуфиналето на Австралија опен. Во третиот сет при водство на Шпанецот од 2:0 во сетови и 5:4 во третиот сет, Шпанецот побара медицински тајм аут.

Поради ова, Зверев ја нападна главната судијка на овој натпревар, Србинката Маријана Вељовиќ, прекорувајќи ја што не го пушти часовникот за мерење на дозволената пауза.

„Зошто не го пушти часовникот? Грчеви се, зошто времето не почнува?“ и викаше Германецот на судијката, а таа се обиде да се одбрани:

„Не можам да кажам дали се грчеви или повреда.“

Зверев луто и одговори.

„Секогаш ги штитите нив двајца“, рече тој, мислејќи на Алкараз и Јаник Синер.

И додека Алкараз комуницираше со судијката, Зверев на германски викаше: „Гчеви, грчеви“.

Според тениските правила, кога станува збор за гчеви не е дозволем медицински тајм-аут.

Alexander Zverev: “This is bullshit. Carlos Alcaraz can’t take an MTO for cramps. He’s not injured.”pic.twitter.com/D3vPc2PtZg

— Danny (@DjokovicFan_) January 30, 2026

Изминатата ноќ во НБА ја обележааа дебитантите Кон Кнупел и Купер Флег. Шарлот Хорнетс го победија Далас со 123:121.

Пресметката на најдобрите дебитанти во лигата оваа сезона му припадна на Кон Кнупел. Тој беше херојот на Шарлот, постигна34 поени, вклучувајќи ги и победничките слободни фрлања на четир секунди до крајот.

На спротивната страна Купер Флег натпреварот го заврши со 49 поени. Флег го сруши рекордот на НБА, кога се во прашање дебитантите, кој го држеше Клиф Робинсон од 1980 година со 45 поени.

Но, во финишот, тој направи клучна грешка и промаши шут за продолжение.

Резултати:

Филаделфија – Сакраменто 113:111
/Макси 40 – Шредер 27/

Вашингтон – Милвоки 109:99
/Џорџ 23 – Тарнер 21/

Атланта – Хјустон 86:104
/МекКалум 23 – Дурант 31/

Чикаго – Мајами 113:116
/Досунму 23 – Пауел 21/

Далас – Шарлот 121:123
/Флег 49 – Кнупел 34/

Денвер – Бруклин 107:103
/Мари 27 – Портер Џуниор 38/

Финикс – Детроит 114:96
/Брукс 40 – Канингем 26/