Спорт
Сан Антонио го избра Виктор Вембањама за прв пик на драфтот
Сан Антонио Спарс очекувано го избра Виктор Вембањама како прв пик на драфтот 2023. Французинот кој е висок 225 сантиметри, е најисчекуваниот нов играч во НБА по Леброн Џејмс, и тој стана првиот што Спарс го избраа како прв пик од 1997 година и Тим Данкан со кој освоија пет шампионски титули.
Шарлот Хорнетс го избра крилото Брендон Милер од Универзитетот во Алабама за втор пик, па Скут Хендерсон, за кој многумина велат дека би бил прв пик на повеќето драфтови, падна на третото место, во рацете на Портланд Трејл Блејзерс. Но, сѐ уште не е јасно дали Блејзерс ќе го задржат или ќе го разменат за етаблирана ѕвезда.
Хјустон и Детроит ги избраа близнаците Амин и Аусар Томпсон за четврти и петти пик, кои тргнаа по неконвенционален пат до НБА и играа во Overtime Elite, која се појавува како нов начин за младите играчи да го пробијат својот пат до професионална кариера заобиколувајќи ја колеџ кошарката.
Беа направени и неколку трејдови, а Далас Маверикс учествуваше во два. Тие го отстапија десеттиот пик на Оклахома Сити и го зедоа неговиот 12-ти, со идно обештетување и го добија 24. пик од Сакраменто Кингс, а со нив го избраа најдобриот центар на генерацијата, Дерек Лајвли и Канаѓанецот Оливие-Максенс Проспер.
Редослед на НБА драфтот
1. Виктор Вембањама (Сан Антонио)
2. Брендон Милер (Шарлот)
3. Скот Хендерсон (Портланд)
4. Амин Томпсон (Хјустон)
5. Аусар Томпсон (Детроит)
6. Ентони Блек (Орландо)
7. Билал Кулибали (Вашингтон, преку Индијана)
8. Џерис Вокер (Индијана, преку Вашингтон)
9. Тејлор Хендрикс (Јута)
10. Кејсон Валас (Оклахома Сити преку Далас)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Македонија со пораз од Данска го започна Европското првенство
Ракометната репрезентација на Македонија, со пораз го започна настапот на 17-то Европско првенство во Данска, Шведска и Норвешка. Во првото коло, во Б групата, Данска ја победи Македонија 36:24 (17:12).
Македонските репрезентативци, во Хернинг, дадода се од себе, но Данска го демонстрираше својот квалитет и покажа зошто е најдобриот тим во светот.
Македонија се држеше во првото полувреме, најмногу поради тактички добрата игра во нападот, одбраната не можеше да ги задржи ѕвездите на данската селекција.
Десет минути беше нерешено, а потоа Данците со молскавична серија 5:0 се одвоија на 8:3. Успеа Македонија да фати каков таков приклучок, намали на три гола и не реализира напад за минус два. На крајот првиот дел заврши 17:12.
Во вториот дел Данците го засилија темпото во одбраната, во првите 15 минути Македонија тешко доаѓаше до чисти позиции. Данците стекнаа двоцифрена предност и забележаа очекувана победа.
Најефикасни играчи во македонската репрезентација беа Серафимов со шест, односно Кузмановски и Митев со по четири гола. Најдобрите Данци, Питлик и Гидсел со девет осносно осум гола ја предводеа својата репрезентација.
Второто коло во Б групата на програмата е в недела, Македонија од 18 часот ќе игра против Португалија, а од 20.30 Данска ќе се соочи со Романија.
Foto/ EPA
Спорт
Тер Штеген пред трансфер во Џирона
Марк-Андре тер Штеген ќе ја напушти Барселона до крајот на преодниот рок. Германецот мора да брани доколку сака да биде во германската селекција на Мундијалот во САД, Мексико и Канада.
Според шпанските медиуми, речиси сè е договорено, германскиот голман да се пресели во Џирона. Тер Штеген ги прифатил условите, а сè што останува е клубовите да ги дефинираат деталите за позајмицата.
Тер Штеген го загуби местото како прв голман со доаѓањето на Џоан Гарсија, а се мачеше и со повреди во претходниот период.
Бидејќи сè уште има што да покаже, логичниот следен чекор беше да ја напушти Барса, засега само привремено, а ќе видиме на лето кои ќе бидат следните чекори.
Foto/ depositphotos
Спорт
Скандал на ЕП во ватерполо – Покрената е истрага поради обложување
Неколку ватерполисти од репрезентацијата на Малта се под истрага поради сомнение дека се обложувале на гол-разликата на натпреварот од Европското првенство против Црна Гора во Белград.
Информацијата ја објави порталот „Тајмс оф Малта“. Според истиот извор, по повод настанот е покрената истрага, а повеќе детали ќе бидат познати во наредните денови.
Селекцијата на Црна Гора го доби споменатиот дуел од групната фаза со резултат 21:12. Малта беше поразена во Белград од Франција (22:13), Унгарија (21:6), а денес во битката за пласман од 13-то до 16-то место го победи Израел 16:15.
Foto/ EPA

