Транспарентот на трибините на „Етихад“ пред почетокот на натпреварот Манчестер сити-Реал Мадрид прувлече големо внимание.

„Престани да плачеш (Stop crying your heart out) и слика на Родри со Златната топка, логично сите ги асоцираше на Винисиус Жуниор. Бразилецот, барем според медиумите и неговиот клуб беше главниот фаворит за Златната топка, на крајот таа заврши во рацете на фудбалерот на Манчестер сити, а Реал ја бојкотираше церемонијата на доделувањето.

„We are 1984“, навивачката група на Сити која го создаде транспарентот и го развиори на јужната трибина на „Етихад“, поттикнати од бројните толкувања дека пораката на транспарентот е наменета за Винисиус, се обрати до јавноста еден часот по полноќ.

„Никој во медиумите не сфати дека личноста на која и е упатена пораката на транспарентот воопшто не беше на теренот. Праката му беше наменета на Флорентоно Перез. Тој беше човекот кој ја започна кампањата за оцрнување на Родри и бојкот на Златната топка. Пораката треба да се испрати без оглед на резултатот од натпреварот”.

Инаку, „Stop crying your heart out“ е позната песна на култниот манчестерски бенд „Oasis“, чии водачи, браќата Ноел и Лиам Галагер, се големи фанови на Сити.

Текстописецот Ноел одамна објасни дека сакал да испрати порака, дека со животот треба да се продолжи дури и во тешки времиња и дека била упатена до пријател кој поминувал низ тешка ситуација со своите деца.

Европската фудбалска унија (УЕФА) соопшти дека започнала преговори за продажба на телевизиските права со американската агенција „Релевант спортс“ за периодот од 2027 до 2033 година.

УЕФА на тој начин планира да ја прекине соработката со швајцарската агенција „Тим Маркетинг“, која од 1992 година ги продава телевизиските права за Лигата на шампионите.

УЕФА додаде дека одлуката во корист на американската агенција била донесена по тендер, „во кој биле вклучени понуди од неколку светски и регионални агенции“.

„Нормално, ние сме разочарани, но остануваме неверојатно горди на работата што ја направивме заедно со УЕФА во последните 35 години. Заедно, изградивме глобално призната комерцијална програма која генерира над 50 милијарди евра приход за европскиот клубски фудбал“, соопштија од швајцарската агенција.

Договорот со американската агенција би можел да ги обнови шпекулациите дека финалето на Лигата на шампионите еден ден може да се игра во САД. Ова е редовна тема откако Словенецот Александар Чеферин беше избран на чело на УЕФА во 2016 година.

Американската агенција „Релевант спортс“ ја води Стивен Рос, сопственик на Мајами Долфинс, клуб кој се натпреварува во американскиот фудбал (НФЛ), а потпишувањето на договорот со УЕФА се очекува во следните неколку недели.

Првиот договор на „Релевант спортс“ со УЕФА беше постигнат во 2022 година и вклучува продажба на правата од Лигата на шампионите само за територијата на САД.

Според плановите, УЕФА треба да генерира бруто комерцијален приход од најмалку 4,4 милијарди евра до 2027 година, од продажбата на телевизиските права за Лигата на шампионите, Лига Европа, Конференциската лига и Суперкупот, сето тоа преку својот сегашен партнер од Швајцарија.

Оваа сезона 36-те екипи од Лигата на шампионите ќе поделат околу 2,5 милијарди евра од наградниот фонд на УЕФА.

„Престани да плачеш“, гласеше транспарентот кој навивачите на Манчестер сити го истакнаа пред почетокот на натпреварот со Реал, со кој му посакаа добредојде на Винисиус Жуниор.

Причина за транспарентт е изборот за Златната топка, која му припадна на Родри, а Реал во знак на протест што не таа не му припадна на Винисиус ја бојкотираше церемонијата на доделувањето.

Бразилецот, во победата на Реал 3:2, забележа две асистенции и беше прогласен за играч на натпреварот.

„Го видов тој транспарент, но сè што прават противничките навивачи ми дава само сила да одиграм одличен натпревар како што одиграв овде“, рече Бразилецот и откри како се псравува со провокациите од противничките навивачи и фудбалери.

„Понекогаш е комплицирано. Судиите не ги штитат играчите кои ги „тепаат“ на теренот. Мене ме тапаат, а јас добивам жолти картони. Моите соиграчи се обидуваат да ми помогнат да останам фокусиран, а исто така и тренерите. Јас не сум светец, но сакам да победувам како што знам и умеам“.