Ленс Армстронг, човекот кому му беа одземени рекордните седум титули од Тур де Франс, вели дека во својата кариера најмногу жали за однесувањето кон поранешната асистентка Ема О’Рајли, дури повеќе отколку за допингувањето.

Во вториот дел од документарниот филм ЕСПН, Армстронг призна дека направил огромна грешка кога ја нарекувал О’Рајли курва и алкохоличар кога таа излезе со детали за неговото допингување.

О’Рајли беше масажерка, физиотерапевт и личен асистент на Армстронг во тимот на УС Постал од 1996 до 2000 по што во 2004 изјави дека помагала да се покријат деталите за неговото допингување. По ова, следуваа вербалните напади кон неа.

„Ќе одговорам на тоа прашање веднаш. Најлошото беше моето однесување кон Ема О’Рајли. Најверојатно најлошото“, изјави Армстронг.

Во самиот документарец О’Рајли вели дека проговорила затоа што ѝ била лута на Интернационалната велосипедска унија (УЦИ) бидејќи создале услови за допингување.

„Мислев дека ако проговорам. ќе направам нешто добро. Проблемот беше со УЦИ бидејќи тие го создадоа тоа. Целиот систем беше тука да го заштити велосипедистот“, вели О’Рајли.

Капитенот Лионел Меси сигурно не заминува од Барселона ова лето откога Аргентинецот реши да не ја искористи клаузулата во својот договор, која му дозволуваше да си замине пред крајот на договорот следниот јуни.

Како дел од четиригодишното продолжување на договорот во 2017, Меси вметна опција да си замине од клубот бесплатно на крајот на секоја сезона доколку го информира клубот за својата намера пред 1 јуни секоја година.

Шпекулациите за неговото заминување од „Камп ноу“ повторно се појавија пред неколку месеци кога поранешниот претседател на Интер, Масимо Морати, изјави дека е можно „неаѕурите“ да се обидат да го донесат. Преку социјалните мрежи самиот Меси го демантира ова и потврди дека планира да остане во Барселона барем до летото 2021 година.

За тоа дали ќе продолжи по крајот на овој договор, останува да се види, особено по јавните критики што ги упати кон водството на клубот и актуелниот тренер Кике Сетиен.

Ветеранот Сеск Фабрегас вели дека неговиот поранешен тренер Жозе Мурињо, дури и со гушкањето на одредени пораки си играл ментални игри со својот состав.

Во разговор со Рио Фердинанд, Фабрегас зборуваше за славните тренери со кои работел и кои ги вклучуваат Мурињо, Пеп Гвардиола и Арсен Венгер. Фабрегас беше јуниор под Венгер во Арсенал по што играше под Гвардиола во Барселона пред да работи со Мурињо во Челси. Со Мурињо тој ја освои титулата во 2014/2015 и се потсети на првата средба со него.

„Жозе е најтактичкиот тренер бидејќи има еден систем што го работи навистина добро, но само со вистинските фудбалери на тие позиции. Кога првпат се сретнав со него, ми рече: ’Ми требаат двајца фудбалери, ќе го донесам Диего Коста и тебе ако сакаш’. Ми го нацрта составот на лист и ми рече дека ќе освоиме титула. Тој најдобро го играше мојот ум. Голем тренер за големи фудбалери поради тоа. Те стимулира. На пример, еден ден ќе ти прати СМС да те пофали колку добро играш, а следниот ќе ти пише дека си ѓубре. Еден ден не ме пушта за лига-купот, па ќе играш, па ќе ти даде четири дена пауза. Ако си играл добро, но сте загубиле, ќе дојде, ќе те гушне бидејќи си бил негов воин. Кога ќе видите дека тренерот гушка некој друг, а не вас, следниот ден ќе бидете подобро подготвени. Имав многу добра врска со него“, вели Фабрегас.