Спорт
Сари: Знам дека пушам премногу, некогаш и 60 цигари се малку

Маурицио Сари вели дека неговото лидерство на Јувентус сака да биде мешавина на новото и старото, објаснувајќи ја задачата во првото ТВ-интервју во четвртокот.
„Првото чувство е свесноста дека дојдов во многу важен клуб. Имав среќа што дојдов од Челси, кои последните години станаа многу важен клуб, но со поинаква историја. Тука таа е подолга и побогата. Чувството кое го добиваш од клубот го прават луѓето и во Торино запознав група со одличен менталитет и посветеност. Клуб со голема хармонија и компактност“, вели Сари.
Тој се осврна и на навиката која го прави препознатлив – пушењето цигари. Во Челси имаше посебен проблем бидејќи пушењето на англиските стадиони е забрането и честопати беше забележуван како грицка филтер од цигара.
„Пушам по 60 цигари дневно и знам дека тоа е премногу. Не чувствувам голема потреба да пушам на натпреварите, но веднаш по крајот цигарата ми е навистина потребна“, објаснува Сари.
60-годишниот Сари доаѓа по само една сезона во Премиер лигата, каде што успеа на „сините“ да им донесе пласман во топ 4 и титула од Лига Европа.
„Премиер лигата е најдобрата лига на светот според видливоста и техничкото ниво на работа со фантастични услови. Атмосферата на стадионите е фантастична, со деца и семејства на клупите. Лигата е многу силна и тешко е да го достигнеш тоа ниво. Но, кога посакав да е вратам дома, Јувентус беа најпосветени. Дојдов во клуб со кој до пред една година бев голем ривал и се борев за титулата“, додава Сари.
Поранешниот прв човек на Наполи исто така се осврна и на фактот што за неколку години од ниските италијански лиги дојде во клуб кој освои осум титули во низа.
„Има постојан раст во квалитетот на клубовите во кои работев. Полесно е голем фудбалер да направи менаџер, откако обратно. Кога почнуваш на 35 години веруваш дека ќе имаш влијание, но подоцна сфаќаш дека зависиш од квалитетот на своите фудбалери. Тие се поважни од мене“, завршува Сари.
??? Maurizio Sarri’s first words in English as Juventus coach!
? FULL interview ➡️ https://t.co/lPyCqPz8kf#WelcomeSarri pic.twitter.com/uJF18Z5SXg
— JuventusFC (@juventusfcen) June 27, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ги елиминира Фенербахче од Лигата на шампионите, па потпиша договор со нив

Во денот кога Фенербахче му врачи отказ на тренерот Жозе Мурињо, турските медиуми објавија дека клубот го договорил трансферот на поранешниот играч на Галатасарај, Керем Актуркоглу.
Бенфика ќе добие фиксни 22.500.000 и низ бонусите уште 2.500.000 евра.
Интересно, Актуркоглу на некој начин му го потпиша отказот на Жозе Мурињо.
Во средата, тој го постигна единствениот гол во плејоф двомечот меѓу Бенфика и Фенербахче. Овој гол и овозможи на Бенфика да игра во Лигата на шампионите, а Фенербахче го испрати во Лига Европа.
Актуркоглу од семејни причини инсистираше да трансферот.
Foto/ EPA/ERDEM SAHIN
Спорт
Миовски се враќа во Шкотска, ќе потпише за Глазгов Ренџерс

Македонскиот репрезентативец Бојан Миовски се враќа во Шкотска. Џирона и Глазгов Ренџерс го договориле трансферот. Миовски ќе гоо стави потписот на договорот со „полицајците“ кога ќе ги мине лекарските прегледи, кои се најавени до крајот на денот.
Бојан Миовски две сезони блескаше во дресот на Абердин, во кои постигна 44 гола. Минатото лето реши да се пресели во Шпанија, за да игра во Лигата на шампионите. Џирона за него на Абердин му плати 8.500.000 евра.
Во Каталонија немаше добра сезона, постигна четири гола во 25 натпревари во сите натпреварувања, но речиси не играше во вториот дел од сезоната, поради повредите, но и поради одлука на тренерот.
Неговиот статус не се смени ниту во новата сезона и покрај тоа што беше стартер во првото коло против Рајо Ваљекано (0:2). Миовски одигра 45 минути, а потоа беше заменет кога голманот Газанига доби црвен картон.
Во второто коло и убедливиот пораз од Виљареал, Миовски воопшто не беше во составот на Џирона и тогаш беше јасно дека во клубот повеќе не сметаат на него.
Џирона реши да го продаде напаѓачот и покрај тоа што имаше до јуни 2028 година.
Глазгов Ренџерс за Миовски на Џирона ќе и плати 5.000.000 евра.
Foto/ EPA
Спорт
Челниците закажале состанок со Аморим

Манчестер јунајтед, во средата доживеа шокантна елиминација од Лига купот од членот на Четвртата лига Гримзби.
Поразот во медиумите беше означен како најголем срам во клупската историја. Логично е дека елиминацијата предизвика потреси во клубот.
Рубен Аморим не успева да ги спроведе своите идеи, а за време на репрезентативната пауза се очекува да разговара со клупските челници, објавува „Дејли меил“.
Португалецот истакна дека нешто мора да се промени, но да се сменат 22 играчи е невозможно. Медиумите оваа изјава ја протолкуваа како знак на заминување.
Сепак, во клубот не размислува за такво сценарио, иако Аморим нема победа во првите две кола од Премиер лигата. Ќе видиме дали оваа шлаканица во Купот ќе ги раздвижи „црвените ѓаволи“, кои потрошија повеќе од 200.000.000 евра во овој преоден рок.
Фото/ Принтскрин