Спорт
Саудиското преземање на Њукасл јунајтед наскоро ќе стане реалност

Преземањето на Њукасл јунајтед од страна на богатите саудиски шеици повторно е тема во британските медиуми, откако Саудиска Арабија ги реши проблемите со „БеИН спортс“, носителот на ТВ-правата на Премиерлигата.
Летото 2020 конзорциумот предводен од Саудискиот јавен инвестициски фонд (ПИФ), браќата Реубен и Аманда Стевели се обиде да го преземе Њукасл, но Премиерлигата не го одобри тоа откако не успеаја да докажат дека не се поврзани со саудискиот принц Мохамед бин Салман.
Ова беше по загриженоста на катарскиот „БеИН“ за пиратирањето на мечевите од Премиерлигата, но сега тој случај е решен со исплата од 1 милијарда долари до компанијата и нема да има потреба да се оди на арбитрација која ја побара сегашниот газда на Њукасл, Мајк Ешли.
ПИФ ќе преземе 80 отсто од клубот, додека Стевели и Дејвид и Симон Реубен ќе ги имаат преостанатите 20 отсто од акциите.
Секако, ова повторно предизвика возбуда кај навивачите на Њукасл, кои се незадоволни од 14-годишното водење на клубот од Ешли, откако се претпоследни во Премиерлигата и без победа во првите седум кола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ова не Јувентус не му се случило 16 години

Хрватскиот тренер Игор Тудор беше поразен со Јувентус на гостувањето кај Реал Мадрид со резултат од 1:0 во третото коло од Лигата на шампионите. Единствениот гол на натпреварот го постигна Џуд Белингам во 57-та минута.
Поразот во Мадрид, ја продолжи црната серија на италијанскиот тим. Јувентус е седум натпревари без победа во сите натпреварувања.
Сè започна со нерешен резултат 4:4 против Борусија Дортмунд во Лигата на шампионите, а продолжи со нерешените резултати против Верона (1:1), Аталанта (1:1), Виљареал (2:2), Милан (0:0) и кулминираше со порази против Комо (2:0) и синоќа против Реал (1:0).
Седум последователни натпревари без победа е низа каква што клубот немал цели 16 години, кога Клаудио Раниери беше на клупата на „Старата дама“.
Легендарниот Италијанец одигра осум натпревари без победа помеѓу април и мај 2009 година, со шест нерешени резултати и два порази.
La #Juventus non vince per la SETTIMA gara di fila: non capitava da più di SEDICI anni (aprile-maggio 2009) , in panchina al tempo sedeva Claudio #Ranieri.
Igor #Tudor riscrive la storia bianconera. pic.twitter.com/4rvY7lAFoQ
— Guido Olivares🇮🇹 (@Guidolino8) October 22, 2025
Спорт
Мекси блескаше во Бостон, Вембањама во Далас

Во ноќта помеѓу среда и четврток, во НБА беа одиграни 12 натпревари, а вечерта ја одбележа ѕвездата на Филаделфија, Тајрис Макси, во победата на Бостон над Селтикс од 117:116.
Експлозивен почеток на Истокот во дербито на Атлантската дивизија. Бостон Селтикс ја пречека Филаделфија, која се покажа како тврд орев за кршење и, и покрај прогнозите победи од Ти Ди Гарден.
Имаше многу промени во резултатот, а Селтикс благодарение на одличната трета четвртина, која ја добија со 35:18, пред последните 12 минути имаа +11 – 86:75. Гостите одиграа брилијантна четврта четвртина, добивајќи со 42:30 и на крајот извојувајќи голема победа.
Валдес Еџкомб, можеше да биде трагичар и покрај тоа што одигра одличен натпревар, постигнувајќи 34 поени и земајќи седум скока. Имаше две слободни фрлања на девет секунди до крајот при резултат 117:116. Тој ги промаши двете и му даде можност на Причард да има шанса за победа. За среќа на гостите, тој промаши и на крајот Фила се радуваше на голем триумф.
Херој на победата на Филаделфија беше Тајрис Макси со 40 поени и шест асистенции. Од другата страна, Браун и Вајт запишаа по 25 поени.
Ентони Едвардс блескаше во победата на Минесота на гости против Портланд од 118:114. Атомската мравка броеше до 41. По него следеа Рендл со 19 и МекДениелс со 18 поени. Од другата страна, Грант запиша 29 поени, а Дени Авдија 20 поени со седум скока.
Купер Флаг, првиот избор на драфтот, исто така го имаше своето деби. Неговиот Далас беше поразен дома од Сан Антонио со 125:92 во тексашкото дерби. Флаг ќе го памети своето деби по неговиот дабл-дабл учинок од 10 поени и исто толку скока. Сепак, сето тоа беше во сенка на одличниот Виктор Вембањама кој забележа 40 поени, 15 скока и три блокади.
НБА, резултати:
Шарлот Хорнетс – Бруклин Нетс 136:117
Њујорк Никс – Кливленд Кавалирс 119:111
Орландо Меџик – Мајами Хит 125:121
Атланта Хокс – Торонто Репторс 118:138
Чикаго Булс – Детроит Пистонс 115:111
Мемфис Гризлис – Њу Орлеанс Пеликанс 128:122
Милвоски Бакс – Вашингтон Визардс 133:120
Јута Џез – ЛА Клиперс Клиперс 129:108
Феникс Санс – Сакраменто Кингс 120:116
Спорт
(Видео) Реал го победи Јувентус, Ливерпул ја прекина црната серија, Баерн лансираше ново тинејџерско чудо

Комплетирано е третото коло во Лигата на шампионите. Максимален учинок досега имаат само шампион Пари Сен Жермен, финалистот од минатата сезона Интер, водечкиот тим во Премиер лигата, Арсенал, односно Баерн Минхен и Реал Мадрид.
Дербито се одигра на „Сантијаго Бернабу“ во Мадрид. Реал го пречека Јувентус и славеше со 1:0 со голот на Белингем во 57-та минута.
Реал доминираше, создаваше шанси, но и Јувентус неколку пати беше иксклучително опасен пред голот на Куртоа. Непосредно пред голот на Белингем, Влаховиќ не реализираше во ситуација „еден на еден“ со Куртоа.
Ливерпул во Франкфурт, против најлошата одбрана во Лигата на шампионите ја прекина низата од четири порази. Ајнтрахт први постигнаа гол, но потоа Ливерпул жестокот одговори. До крајот на мечот „црвените“ постигнаа пет гола.
Баерн со 4:0 славеше во дуелот со Клуб Бриж. Натпреварот го обележа тинејџерот Ленарт Карл. Дебитираше во Лигата на шампините и по само четири минути постигна гол. Стана најмладиот стрелец за Баерн во историјата на елитното натпреварување.
Тинеџерите го обележаа и натпреварот меѓу Челзи и Ајкас (5:1). „Сините“ доминираа бидејќи од 15-та минута играа со фудбалер повеќе. Тројца тнејџери: Гиу, Естевао и Џорџ постигнаа по еден гол.
Резултати: Ајнтрахт Франкфурт – Ливерпул 1:5, Монако – Тотенхем 0:0, Баерн – Клуб Бриж 4:0, Реал Мадрид – Јувентус 1:0, Аталанта – Славија Прага 0:0, Челзи – Ајакс 5:1 и Спортинг Лисабон – Олимпик Марсежј 2:1.