Долгогодишниот прв голман на германската репрезентација Мануел Нојер денеска објави дека става крај на репрезентативната кариера!

По Илкај Гундоган, а претходно и Томас Крос и Томас Милер, од „панцерите“ се прости уште еден столб на Германија – Мануел Нојер.

Голманот на Баерн помина 15 години на голот за Германија, а за тоа време забележа 124 настапи и го освои најважниот трофеј – Светското првенство во Бразил во 2014 година.

Германските медиуми истакнуваат дека сега веќе нема никаква дилема и дека голманот на Барселона Марк-Андре Тер-Штеген по 10 години ќе ја дочека позицијата број 1 меѓу стативите.

Аргентинскиот голман Емилијано Мартинез го продолжи договорот со Астон Вила.

Легендарниот Дибу ваквата успешна кариера ја продолжува во тимот од Бирмингем со кој минатата сезона избори пласман во Лигата на шампионите.

Мартинез моментално е еден од најдобрите голмани во светот. Ова особено се однесува на настапите во репрезентацијата на Аргентина, со која ги освои Светското првенство и Копа Америка.

🟣🔵🇦🇷 Emiliano Martínez has signed new deal at Aston Villa valid until June 2029.

Dibu has accepted conditions offered by #AVFC. pic.twitter.com/pno2kQcZpY

— Fabrizio Romano (@FabrizioRomano) August 21, 2024

Аргентинецот во тимот на Астон Вила дојде во 2020 година и според новиот договор ќе остане во тимот до 2029 година.

Пред тоа, тој помина речиси осум години во тимот на Арсенал, но за сето тоа време одигра само 15 натпревари, додека кариерата најмногу ја мина на позајмица во други клубови.

Португалскиот фудбалер Жоао Феликс потпиша за Челзи, соопшти лондонскиот клуб.

Како што е соопштено, 24-годишниот крилен напаѓач потпиша договор со челниците на Челзи до јуни 2030 година со опција за дополнителна сезона. Како што пренесуваат англиските и шпанските медиуми, трансферната цена е 50 милиони евра.
Феликс на тој начин се врати во клубот за кој настапуваше како позајмен играч во вториот дел од сезоната 2022/23. Португалецот потоа одигра 20 натпревари за сините и постигна четири гола.

Home again. pic.twitter.com/rIVHTYHCVO

— Chelsea FC (@ChelseaFC) August 21, 2024

Во 2019 година, португалскиот репрезентативец се пресели од Бенфика во Атлетико за 120 милиони евра. И покрај фактот дека не се снајде најдобро во Мадрид, тој постигна 34 гола на 131 натпревар за Атлетико во сите натпреварувања.
,
Освен како позајмен во Челзи, тој беше позајмен и во Барселона, за која минатата сезона одигра 44 натпревари во сите натпреварувања и постигна 10 гола.