Спорт
Саутгејт ги откри картите за СП

Селекторот на англиската репрезентација Герет Саутгејт го објави списокот на репрезентативци кои ќе патуваат на Светското првенство во Катар.
Име по име на речиси едночасовната прес-конференција Саутгејт наведе на кого смета за третиот голем турнир на кој ќе ја води Англија.
Спискот на Саутгејт изгледа вака:
Голмани: Џордан Пикфорд, Ник Поуп, Арон Рамсдејл
Дефанзивци: Трент Александар-Арнолд, Конор Коди, Ерик Даер, Хари Мегваер, Лук Шо, Џон Стоунс, Киеран Трипиер, Кајл Вокер, Бен Вајт
Среден ред: Џуд Билингем, Мејсон Маунт, Калвин Филипс, Деклан Рајс, Џејмс Медисон, Џордан Хендерсон, Конор Галагер
Напад: Маркус Рашфорд, Фил Фоден, Џек Грилиш, Хари Кејн, Букајо Сака, Рахим Стерлинг, Калум Вилсон.
На спискот немаше место за Џо Гомез, Џерод Боуен, Ајван Тони, Џејмс Вард-Проус, Фикајо Тимори, Теми Абрахам…
На претходното Светско првенство што се одржа во Русија во 2018 година, Англија беше поразена од Хрватска во полуфиналето, а потоа беше поразена од Белгија во мечот за третото место.
Англија на СП е во групата Б, во која се и Иран, Велс и Соединетите Американски Држави. Првиот натпревар избраниците на Саутгејт ќе го одиграат на 21. ноември против Иран.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мареска потврди дека Палмер ќе паузира уште шест недели

Фудбалерот на Челзи, Кол Палмер (23), нема да може да им се придружи на соиграчите уште шест недели поради повреда на препоните, објави тренерот Енцо Мареска.
Палмер не играл од поразот на Челзи од Манчестер Јунајтед на 20 септември.
Тој го напушти теренот во првото полувреме, а Мареска потоа објави дека ќе го одмори до октомвриската репрезентативна пауза, која сега е завршена.
„Згрешив. За жал, тој ќе биде надвор од терените веројатно шест недели“, рече Мареска, исклучувајќи ја можноста за операција.
„Се обидуваме да го заштитиме Кол колку што е можно повеќе и најважно е тој да биде целосно закрепнат кога ќе се врати“, додаде италијанскиот стручњак.
Челзи, кој моментално е седми на табелата во Премиер лигата, во сабота гостува кај Нотингем Форест, кој е 17-ти на табелата.
Спорт
Флик негира дека претседателот на клубот му се меша во работата

Ханси Флик, на прес конференцијата, пред натпреварот со Џирона, бурно реагираше на прашањето дека претседателот на Барселона барал Ламин Јамал да игра против ПСЖ во Лигата на шампионите.
Шпанските медиуми со денови шпекулираат за наводниот конфликт во врвот на каталонскиот клуб, според кој претседателот Џоан Лапорта наводно му наредил на Ханси Флик да го вклучи Ламин Јамал во почетниот состав за натпреварот против ПСЖ, иако 18-годишникот, според изворите, доцнел на задолжителниот состанок на тимот пред дуелот.
„Би сакал да знам од каде доаѓаат тие глупости. Никој во клубот никогаш не ме замолил да направам нешто слично. Тие ми веруваат целосно. Немам што да кријам, познато е дека во Барселона тренерскиот штаб носи спортски одлуки“, рече Флик.
Тој нагласи дека Ламин Јамал не бил казнет и дека неговото место во почетниот состав против ПСЖ е спортска одлука, а не резултат на каков било притисок од раководството.
Да потсетиме дека шпанските таблоиди претходно објавија дека Флик прво планирал да го казни младиот напаѓач затоа што доцнел и дека му рекол дека нема да биде во првиот состав. Сепак, според овие шпекулации, раководството на клубот наводно инсистирало Јамал да го започне натпреварот.
Инаку, Барселона во второто коло загуби од ПСЖ со 1:2.
Спорт
(Видео) Папајанис во солзи го напушти дуелот со Панатинаикос

Играчот на Панатинаикос, Јоргос Папајанис, ја доживеа можеби најлошата и најтешката повреда во спортот.
Не беше во дуел со противнички играч, но се повредив слетувајќи во обид да постигне кош во акција „алеј уп“.
Најверојатно станува збор за повреда на вкрстените лигаменти.
Поанешниот грчки репрезентативец ја напушти салата во Истанбул.
Инаку Анадолу Ефес загуби од Панатинаикос со 81:95 во петтото коло во Евролигата.