И покрај тоа што во Катар доживеаја дебакл и втора елиминација еднопоруго во групната фаза, Германија ќе се подготвува да биде домаќин на Европското првенство во 2024 со Ханси Флик на чело, потврдија од Германската фудбалска федерација (ДФБ).

По испаѓањето во Катар, по состанокот помеѓу претседателот на ДФБ, Бернд Ноендорф и шефот на Германската фудбалска лига, Ханс-Јоаким Вацке, беше одлучено Флик да добие доверба за во иднината.

„Сите сме сигурни дека ЕП на домашен терен ќе биде олична шанса за фудбалот во Германија. Целта е овој турнир да биде и спортски успех и имаме целосна доверба аво Ханси Флик. За наследникот на директорот на репрезентацијата, Оливер Бирхоф ќе се разговара понатаму“, откри Ноендорф.

Флик е сигурен дека лекцијата од Катар ќе биде научена.

„Мојот тренерски тим и јас сме оптимисти пред Европското првенство во нашата земја. Како тим, можеме да оствариме многу повеќе од тоа што го покажавме во Катар. Пропуштивме голема шанса таму, но мислам дека ја научивме лекцијата“, изјави Флик.

BREAKING

Despite an early World Cup exit, Hansi Flick will remain Germany's head coach through Euro 2024 — set to take place in Germany. pic.twitter.com/zl29u3ej9C

— DW Sports (@dw_sports) December 7, 2022

Во Пари Сен-Жермен едноставно „нема место“ за Кристијано Роналдо, бидејќи во тимот се Лео Меси, Нејмар и Килијан Мбапе, признава претседателот на францускиот шампион, Насер Ал-Хелаифи, кој, исто така додава дека е „нормално“ да се заинтересирани за англискиот талент, Џуд Белингем.

„Тројцата фубалери кои ги имаме напред… Тешко да се најде место, но му посакувам многу среќа во иднина“, изјави Ал-Хелаифи за „Скај спортс“.

Сепак, ПСЖ, како и „сите големи клубови“ се заинтересирани за 19-годишниот фудбалер од средниот ред на Борусија Дортмунд, Џуд Белингем, признава Ал-Хелаифи.

„Сите го сакаат, нема да го кријам тоа. Тој сега е во својот клуб и ќе го почитуваме тоа, така што ако го сакаме ќе зборуваме прво со клубот. Англија е среќна што има таков фудбалер, да бидам искрен. Еден од најдобрите на Светското првенство – смирен, релаксиран и самоуверен“, оценува Ал-Хелаифи.

Светската фудбалска федерација (ФИФА) не им прости на Србија и на Хрватска, казнувајќи ги финансиски за националистичките испади на Мунијалот во Катар. Хрватска е казнета со 50.000 швајцарски франци за однесувањето на своите навивачи кон канадскиот голман со српско потекло, Милан Борјан.

Борјан е роден во Книн, Хрватска, но неговото семејство избегало за време на војната во ова земја во 1990-тите.

„Хрватскиот фудбалски сојуз е казнет со 50.000 швајцарски франци за прекршување на членот 16. од дисциплинскиот кодекс на ФИФА – користење на зборови и предмети за пренесување на порака која не е прикладна на спортско натпреварување во текот на мечот против Канада“, објави ФИФА.

Србија, пак, доби помала казна од 20.000 швајцарски франци за прекршување на членот 11 на дисциплинскиот кодекс и правилникот на СП 2022 во „врска со истакнатото знаме во соблекувалната по мечот со Бразил“. По поразот од 2:0 во српската соблекувална имаше знаме со мапа на Косово во боите на српскот ознаме со порака: „Нема предавање“.

На крајот, казна добија и во Саудиска Арабија од 15.000 швајцарски франци поради недоличното однесување на нивните фудбалери.