Спорт
Саутгејт очекувал поинаква Македонија

Англија, вчера направи уште еден чекор кон пласманот на ЕУРО 2024. Англичаните славеа и во четвртиот натпревар и со 12 бода ја предводат Ц-групата.
На „Олд Трафорд“, Англија ја декласира Македонија со 7:0. Натпреварот засекогаш ќе го памети Букајо Сака. Напаѓачот на Арсенал постигна хет-трик.
Поразот во Манчестер е најубедливиот во историјата на македонската фудбалска репрезентација.
Од лошото издание на избраниците на селекторот Благоја Милевски, изненаден бил и предводникот на Англија, Герет Саутгејт.
„Искрено, не очекувавме ваква Македонија. Знам дека можат да одиграат подобро. Мислам дека ние не им дозволивме да одиграат подобро. Пресреќен сум поради момците, за Сака, Кејн, и сите останати“, изјави Саутгејт по убедливиот триумф.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
ПСЖ се врати на победнички патеки во Франција

Пари Сен Жермен се врати на победнички пат во Лига 1 и брзо го заборави поразот во дербито со Олимпик Марсеј. На домашен терен, тимот на Луис Енрике со сигурни 2-0 го совлада Оксер.
Дебито на Забарњи во листата на стрелците донесе водство на ПСЖ уште во 32. минута, откако го искористи додавањето на Витиња. Со 1-0 се замина на полувреме, а во вториот дел дефанзивата на гостите не издржа повторно – уште еден гол од стопер донесе конечен резултат.
Лукас Бералдо се запиша како стрелец за конечни 2-0, постигнувајќи го својот прв гол сезонава, а третиот во кариерата за „светците“.
Спорт
Палиња е спасителот на Тотенхем

Тотенхем извлече реми (1-1) и освои бод против Вулверхемптон во Лондон, иако беше во губитничка позиција. Португалецот Жоао Палиња постигна гол за израмнување во 91. минута, спасувајќи го тимот на Томас Франк од пораз.
Тотенхем немаше најдобра вечер против последнопласираниот тим во Премиер лигата. Вулверхемптон поведе во 54. минута преку Сантијаго Буено, а „спарс“ долго време не успеваа да одговорат.
Сепак, добра акција во финишот од мечот резултираше со бод за тимот од Лондон.
Спорт
Интер рутински го победи Калјари

Интер со успех се враќа од гостувањето на Сардинија, откако го победи Калјари со 0-2. Тимот на Кристијан Киву го контролираше натпреварот и заслужено стигна до триумф.
Гостите од Милано поведоа уште во осмата минута преку Лаутаро Мартинез.
Победата ја потврди младиот Пио Еспозито со гол во 82. минута, по одличната асистенција на Федерико Димарко.