Спорт
Се бори со карцином, но сонува за настап на ОИ во Токио
Шпанската тенисерка Карла Суарез Наваро (32) минатата година објави дека боледува од Хоџкинов лимфом, но дека и понатаму сонува да настапи на големо натпреварување. Иако првично најави дека во 2020 година ќе се повлече од активното играње, сепак преовлада големата желба за настап на ОИ. Вели дека организмот одлично реагира на терапијата и карциномот се лекува.
Me toca afrontar una realidad complicada. Toca aceptarlo e intentar salir adelante confiando en el consejo médico. Siempre con positivismo ante la adversidad. ????
Patience and self-belief guided me through my career. Not the easiest rival to deal with. I’ll need my truly best. pic.twitter.com/lF9oVChWRh
— Carla Suárez Navarro (@CarlaSuarezNava) September 1, 2020
„Не сакам луѓето да ме запомнат во болнички кревет и би сакала повторно да играм на некој голем турнир. Тоа за мене е сонот, на ОИ да се простам од мојата тениска фамилија и од моите навивачи“ изјавила Суарез Наваро за ББС.
Некогашната шеста светска тенисерка не крие дека се радува што повторно ќе биде на теренот, но свесна е дека тој процес ќе е бавен поради физичкото опоравување.
„Ќе почувствувам толку среќа и радост кога ќе дојде тој момент. Ќе бидам помалку нервозна на теренот. Се надевам дека тоа може да се случи уште во Токио, се надевам дека ќе можам да играм заедно со Мугуруза. Ќе видиме“ рече шпанската тенисерка.
Нејзиниот последен настап е пред речиси една година, но и понатаму е 85. на ВТА листата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Салах: Ливерпул ме разочара, се поблиску сум до заминување
Мохамед Салах блеска оваа сезона во дресот на Ливерпул. Со два гола беше најзаслужниот за победата на својот тим од 3:2 против Саутемптон, со која „црвените“ стекнаа осум поени предност во однос на најблискиот пратител на табелата, Манчестер сити.
Салах има договоро со Ливерпул до крајот на сезоната. Не крие дека е разочаран од она што сега се случува. Досега клубот не ги започнал преговорите околу новиот договор.
„Речиси е декември, а се уште не сум добил понуда да останам во клубот. Во моментов сум поблиску до заминување отколку да останам. Во клубот сум со години. Нема друг клуб како Ливерпул. Но, на крајот на денот, ништо не е во мои раце. Ги сакам навивачите, и тие ме сакаат мене, но на крајот не одлучуваме ниту јас, ниту навивачите“, изјави Салах.
Запрашан дали е разочаран од раководството на клубот, популарниот Мо беше јасен.
„Нормално. Нема наскоро да се пензионирам, па само тренирам и играм. Фокусиран сум на сезоната, сакаме да ја освоиме Премиер лигата и се надевам и Лигата на шампионите. Разочаран сум, но ќе видиме што ќе се случи“.
Спорт
Барселона најде замена за повредениот Лапорвитола
Кошаркарскиот клуб Барселона најде замена за повредениот Николас Лапровитола. Аргентинецот поради тешка повреда ја заврши сезоната. Во Барселона на неговото место дојде поранешен НБА кошаркар.
Договор со Барселона до крајот на сезоната потпиша 32-годишниот Бразилец, Раул Нето.
Бразилецот помина осум сезони во НБА, каде одигра 464 натпревари за Јута Џез, Филаделфија, Вашингтон Визардс и Кливленд Кавалирс.
Тој имаше просек од 5,7 поени со 2,1 асистенции и 1,5 скока за околу 15:30 минути по натпревар во регуларниот дел од сезоната.
Во Барса пристигна од Пињерос, каде по рехабилитацијата од повредата во пет натпревари во бразилската лига просечно бележеше 16,8 поени со 5 асистенции, 3,2 скока и 1,6 украдени топки.
Ова нема да му биде прво искуство во Шпанија, бидејќи претходно играше за Сан Себастијан (2011-2014) и Мурсија (2014-2015) пред да замине во НБА.
Нето летото 2023 година потпиша договор со Фенербахче, но не играше за Турците бидејќи се повреди на Мундијалот, а потоа спогодбено го раскина договорот.
Важно за Барса е што Нето добро го познава дефанзивецот Томаш Саторански со кој беше соиграч во Визардс, а се очекува да дебитира во четврток во Евролигата, во дербито против Реал Мадрид.
Спорт
Аморим: Нè очекува долг период на страдање
Рубен Аморим не ја започна својата авантура во Манчестер јунајтед како што посакуваше. „Црвените ѓаволи“ во Ипсвич одиграа нерешено (1:1). Новиот тренер на Јунајтед имаше многу поплаки за перформансите на неговиот тим.
Аморим не криеше дека ситуацијата во клубот не е сјајна, и дека имаат уште многу работа да се вратата на вистинскиот пат.
„Знам дека е фрустрирачки за навивачите, но ние менуваме многу работи во моментов, со толку многу натпревари. Имаме долг период на страдање и обиди да победиме, ќе биде потребно време. Можевме да победиме против Ипсвич, но можевме и да загубиме да не беше Онана. Мораме да размислуваме и да бидеме прагматични за фактот дека овие момци имаа само два дена за тренинг, а треба да смениме толку многу работи“, рече Португалецот и додаде:
„Ова е лига која бара многу, тоа ви станува јасно веднаш што ќе дојдете овде. Моите играчи толку многу размислуваа за играта, што можеше да се почувствува. Не само кога ја имаа топката туку цело време размислуваа каде треба да бидат. И тоа е толку тешко кога имате само два дена да го тренирате тимот“.
Јунајтед е на 12. место со 16 бодови по 12 одиграни натпревари.