Душан Влаховиќ, ги мина успешно лекарските прегледи во Јувентус. Викендов, ќе ја има официјалната промоција во новиот клуб.

Трансферот на Влаховиќ од Фиорентина во Јувентус е тежок 75.000.000 евра. Влаховиќ стана најскапиот фудбалер од просторите на поранешна Југославија. Новиот играч на Јувентус од врвот го симна соиграчот од репрезентацијата на Србија, Лука Јовиќ.

Десет најскапи трансфери на фудбалери од поранешна Југославија:

1. Душан Влаховиќ (Србија), 2022 од Фиорентина во Јувентус за 75.000.000 евра
2. Лука Јовиќ (Србија), 2020 од Ајнтрахт во Реал за 63.000.000 евра
3. Миралем Пјаниќ (БиХ), 2019 од Јувентус во Барселона за 60.000.000 евра
4. Немања Матиќ (Србија), 2017 од Челси во Манчестер јунајтед 44.700.000 евра
5. Матео Ковачиќ (Хрватска), 2019 од Реал во Челси за 45.000.000 евра
6. Матео Ковачиќ (Хрвстска) 2015 од Интер во Реал Мадрид за 38.000.000 евра
7. Един Џеко (БиХ), 2011 од Волфсбург во Манчестер сити за 37.000.000 евра
8. Лука Модриќ (Хрватска) 2012 од Тотенхем во Реал Мадирд за 35.000.000 евра
9. Марко Пјаца (Хрватска) 2016 од Динамо Загреб во Јувентус за 29.400.000 евра
10. Немања Матиќ (Србија) 2013 од Бенфика во Челси за 25.000.000 евра
10. Лазар Марковиќ (Србија) 2014 од Бенфика во Ливерпул за 25.000.000 евра.

Возачот на Алфа Ромео, Валтери Ботас, открил дека минатата сезона во Мерцедес останал без одредени бонуси. Финецот не заработил дополнителни пари бидејќи Луис Хамилтон не успеа да ја освои шампионската титула.

„Одредени бонуси беа поврзани со одредени успеси на тимот. Среќа то не ми платија однапред“, рекол Блтас, но не открил дали станува збор за илјадници или милиони евра.

Финецот по пет години го напушти Мерцедес, кариерата ќе ја продолжи во Алфа Ромео. Ботас го вперил прстот во Мерцедес велејќи дека по заминувањето му станало јасно како се чувствувал Нико Розберг.

„Се сеќавам дека Нико и Луис се бореа со години, дуеи во еден момент работите добија политичка димензија. Но кога дојдов во Мерцедес се запрашав зошто Нико одеднаш запре. Сега можам да се ставам во негова кожа“, рекол Ботас и дополнил.

„Кога имате чувство дека на вратот ви држат нож, работите не се сјајни“.

Селекторот на ракометната репрезентација на Данска, Николај Јакобсен, одговори на обвинувањата дека неговата репрезентација ги пуштила Французите да победат, во последното коло од втората фаза на Европското првенство.

Данците, против Франција, имаа предност од пет гола на 13 минути до крајот на мечот, а во последните пет минути влегоа до предност од три гола. На крајот Франција победи со еден гол и се пласираше во полу-финалето.

Победата на Франција го елиминира Исланд од борбата за медали.

„Го дадовме максимумот против Франција. Стојам зад овие мои зборови. Немаат врска приказните дека намерно загубивме за да играме против Шпанија, а не против Шведска. Шпанија е одличен микс на младост и искуство со одличен тренер. Истото може да се каже и за Шведска. Не гледам логика за такви обвинувања. Најважно ни беше да се пласираме во полу-финалето“, рекол Јакобсен.

Полу-финалните натпревар на Еп во ракомет ќе се одиграат вечерва. Данска, во првото полу-финале од 18 часот, ќе игра против Шпанија. Второто полу-финале, Франција-Шведска ќе започне во 20.30 часот.