Францускиот напаѓач Уго Екитике (23) и официјално е играч на Ливерпул.

Англискиот шампион објави дека е постигнат договор со Ајнтрахт во врска со трансферот на Екитике, кој ќе стане втор највреден трансфер ова лето во Европа и Премиер лигата.

И највредниот го направи Ливерпул, за Флоријан Вирц на Баер му плати 125 милиони евра.

„Црвените“ платија за Екитике 80 милиони евра, со два бонус пакети.

Екитике успешно ги помина медицинските прегледи во својот нов клуб и наскоро ќе им се придружи на своите нови соиграчи на азиската турнеја.

Французинот зад себе ја има најдобрата сезона во кариерата, во 46 натпревари за клубот во сите натпреварувања, постигна 26 гола и беше избран во идеалниот состав на Бундеслигата.

Пред Ајнтрахт, тој играше за Ремс и Пари Сен Жермен.

Вкупно, Екитике е петтото засилување на Ливерпул ова лето, по Џереми Фримпонг, Милош Керкез, Флоријан Вирц и Георги Мамардашвили.

Фото/ Принскрин

Стефанос Циципас и Горан Иванишевиќ ја официјализираа својата соработка на 14 јуни, а на 24 јули ја завршија – по помалку од два месеци.

Тие беа на само два турнира заедно и почнаа да тренираат во Загреб, а по повлекувањето од Хале и Вимблдон, Циципас и Иванишевиќ се разделија.

Гркот се огласи на социјалните мрежи за сето ова:

„Работата со Горан Иванишевиќ беше кратка, но интензивно искуство кое навистина го ценам. Му сум благодарен за времето, посветеноста и енергијата што ја имаше за мене и мојот тим. Сега сите одиме по свои патишта. Немам ништо друго освен почит кон Горан, не само поради она што го направи во тенисот, туку и поради каква личност е. Му посакувам се најдобро во иднина“, напиша тој на Инстаграм.

Во еден момент, Горан Иванишевиќ беше тренер на Новак Ѓоковиќ, а таа соработка траеше околу пет години, а во тој период беа освоени девет Гренд слем титули.

Ова е резултат на изјавата на Иванишевиќ, по елиминацијата на Циципас во првото коло на Вимблдон. Хрватот тогаш рече дека „никогаш во кариерата не видел понеподготвен тенисер“.

На оваа изјава Циципас молчеше се до вчера кога меѓудругото рече:

„Многу е тешко да имаш диктатор и луѓе кои зборуваат негативно за тебе, а ти не чувствуваш дека ти се блиски како семејство“, рече Циципас.

Фото/ Принтскрин

Познатиот португалски тренер Жозе Мурињо е во врвниот фудбал две и пол децении и сè уште ја чувствува истата страст, не размислува за пензионирање.

Сè уште е гладен за фудбал.

„Што ме храни како тренер? Сè уште е желбата за победа. Сакам да победувам на секој следен натпревар, навистина си ја сакам работата. Не можам да најдам никаква причина да не продолжам, да не се чувствувам доволно млад. Не гледам никаква разлика помеѓу Мурињо кој започна пред 20 години и денес. Нема никаква разлика“, рече познатиот тренер во големо интервју за португалскиот „А Бола“.

Сепак, забележа дека во меѓувреме се случиле големи промени во светот на фудбалот, особено кај тренерите.

Тој, исто така, коментираше за денешните менаџери во најсилната лига во светот, Премиер лигата.

„Дојдов во Премиер лигата како победник на Лигата на шампионите во 2004 година. Таа година, во Премиер лигата имаше само двајца странски тренери: Бенитез и јас. Тој дојде во Ливерпул откако го освои Купот на УЕФА со Валенсија. (Во Премиер лигата тогаш беше и Арсен Венгер и уште двајца странски тренери). Сега во Премиер лигата доаѓаат тренери чии имиња дури и не ги знам. Не сакам никого да навредам, тоа е реалноста. Има тренери кои се избираат врз основа на некои податоци, бројки, а не поради победи. Се чини дека денес идеите се поважни од победите“, се чуди Жозе Мурињо.

Португалецот е на клупата на турски Фенербахче од минатото лето. Претходно работеше во Бенфика, Леирија, Порто, Челзи, Интер, Реал Мадрид, Манчестер јунајтед, Тотенхем и Рома.

Освои близу 30 титули и купови како главен тренер и уште десетина како асистент додека му помагаше на Боби Робсон во Порто и Барселона.

Фото/ Принскрин