Спорт
Се сеќавате на „новиот Пеле“ Фреди Аду? Вели дека бил подобар од Ди Марија
Американецот Фреди Аду, човекот кој беше најавуван како „новиот Пеле“, вели дека бил подобар фудбалер од Анхел ди Марија и дека најголемата грешка во неговата кариера била одлуката да си замине од Бенфика.
Аду беше најавуван како вистинска суперѕвезда кога пристигна во Бенфика во 2007 година со договор од 1 милион фунти од Реал Солт Лејк, но за португалскиот гигант одигра само 14 меча и четири пати беше позајмуван во други клубови (Монако, Белененсес, Арис и Ризеспор), пред да се врати во САД со Филаделфија јунион во 2011 година.
„Најголемата грешка во мојата кариера беше што заминав од Бенфика на позајмица во Монако. Го кажувам ова од срце. Тоа бше одлука за која навистина жалам. Во Бенфика имав три тренери во една година, а клубот беше во таква ситуација што сакав да заминам што е можно побргу. Но, тоа беше најлошата одлука. Се приклучив на клубот во исто време со Ди Марија. Првата година бев подобар од него, но решив да заминам, а тој остана. И што се случи? Тој доби шанса да биде стартер, а две години подоцна беше во Реал Мадрид. А јас бев позајмен во Белененсес“, вели Аду.
Првиот пик на МЛС драфтот и најмлад стрелец во американската лига со само 14 години во 2004, Аду беше сметан за најталентираниот американски фудбалер во историјата и во 2006 година доби проба со Манчестер јунајтед.
Сега, тој е во 15. клуб во својата кариера – шведскиот треголигаш Остерлен, кој му даде шанса во октомври откако тој две години беше без ангажман по настапите за Лас Вегас лајтс во 2018.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Дембеле исфрлен од тимот на ПСЖ
Францускиот репрезентативец, Усман Дембеле е исфрлен од тимот на ПСЖ и нема да игра на следниот натпревар од Лигата на шампионите против Арсенал, пишува новинарот на „РМЦ Спорт“, Фабрис Хокинс. Дембеле и тренерот на францускиот шампион Луис Енрике се скараа по првенствениот натпревар со Рен, во кој ПСЖ победи со 3:1.
Дембеле одигра добар натпревар, асистираше за првиот гол и ја напушти играта во 82. минута. Но, во текот на тој меч тренерот на Париз, тренерот Енрике, неколку пати беснееше во својот технички простор бидејќи неговиот крилен напаѓач не го слушаше во неколку акции.
На седум натпревари сезонава тој постигна четири гола и забележа четири асистенции. Дембеле има 27 години и треба да биде најголемата ѕвезда на клубот по заминувањето на Килијан Мбапе во Реал Мадрид.
Ова не е прв пат француски фудбалер да има проблеми со дисциплината. Во текот на неговата кариера, од Рен преку Борусија Дортмунд и Барселона, тренерите имаа одредени проблеми со него. Во Барселона, на пример, еднаш беше казнет со 100 илјади евра затоа што доцнеше два часа на тренинг.
Барселона го донесе од Борусија Дортмунд за 135 милиони евра во 2017 година. Не се покажа како засилување, туку разочарување, голем потенцијал што не ги оправда очекувањата. Од минатата година тој настапува за ПСЖ кој го купи од Барселона за 60 милиони евра.
Спорт
Гризман и кажа збогум на Франција
Антоан Гризман повеќе нема да игра за француската репрезентација. Еден од најдобрите напаѓачи во својата генерацијата дебитираше за репрезентацијата пред 10 години и за неа одигра 137 натпревари, постигна 44 гола и забележа 38 асистенции. Со Франција освои светско злато (2018) и сребро (2022), европско сребро (2016) и Лигата на нации (2020/21).
„Го затворам ова прекрасно поглавје од мојата кариера. Ви благодарам за спомените“, рече тој.
„После 10 неверојатни години, обележани со предизвици, успеси и незаборавни моменти, време е да ја свртиме страницата и да и отстапиме место на новата генерација. Да го носам овој дрес беше чест и привилегија. Од март 2014 година до минатиот септември имав можност да доживеам неверојатни моменти со исклучителни соиграчи. Споделивме победи кои засекогаш ќе останат врежани во нашите сеќавања“, додаде Гризман.
Антоан Гризман дебитираше за Франција под водство на Дидие Дешам во март 2014 година, на возраст од 22 години и 11 месеци. Тоа беше на натпреварот против Холандија, кога одигра 68 минути во победата од 2:0. Својот прв гол за Франција го постигна во третиот настап, кога беше стрелец против Парагвај во ремито 1:1.
Во својата клупска кариера, тој одигра најмногу натпревари за Атлетико Мадрид, чиј член е и денес. Со тој клуб најголемиот успех надвор од репрезентацијата го постигна со освојување на Лига Европа. Беше и играч на Барселона и Реал Сосиедад.
Кариерата на Гризман:
Франција – 137 натпревари, 44 гола, 38 асистенции
Атлетико Мадрид – 398 натпревари, 184 гола, 88 асистенции
Реал Сосиедад – 202 натпревари, 52 гола, 18 асистенции
Барселона – 102 натпревари, 35 гола, 17 асистенции.
Спорт
Баерн во Милано најде лев бек
Баерн Минхен се подготвува за летниот преоден рок во 2025 година. Приоритет на Баварците е да донесат лев бек, откако Алфонсо Дејвис ги одби да потпише нов договор. Канаѓанецот како слободен играч ќе го напушти Баерн по завршувањето на сезоната.
Баерн засилувањето на левата бековска позиција го најде во Милано. Според германските медиуми клубот е заинтересиран за фудвбалерите на Интер и Милан, Ди Марко, односно Тео Ернандез. Според овие извори еден од нив наредното лето ќе се пресели во Минхен.
Ди Марко неодамна го продолжи договорот со Интер до 2027 година, додека Ернандез има договор со Милан до 2026.
Наводно за Ди Марко Баерн ќе треба да издвои 50 милиони евра, додека цента на Ернандез изнесува 60 милиони евра.