Тренерот на Барселона, Роналд Куман признава дека неговата иднина на клупата на каталонскиот гигант е неизвесна, објаснувајќи дека секогаш има притисок кога си тренер на така голем клуб.

Холандската легенда на Барселона е врати во својот стар клуб минатото лето во обид да донесе стабилност во тимот по катастрофалниот 8:2 пораз од Баерн Минхен во ЛШ минатата година и отказот за Кике Сетиен.

Меѓутоа, Барса не блеска оваа сезона – тие се трети во Ла лига зад Атлетико Мадрид и Реал Мадрид, а во првиот меч од осминафиналето на ЛШ загубија дома од Пари Сен-Жермен со 1:4.

„Знам дека има многу притисок кога си тренер на Барса. Ако не победуваш, тогаш вината е кај тренерот. Не знам што ќе се случи во иднина, но има време да се размислува за тоа“, изјави Куман, пред да ја прекине прес-конференцијата поради крварење од носот, последица на лекарствата кои ги зема за срцевите проблеми.

Куман имаше срцев напад во мај 2020 година, но бргу се опорави и продолжи да биде селектор на Холандија додека не го повикаа од Барса.

Човекот кој помина шест одлични сезони како фудбалер во Каталонија досега ги предводеше Барса во 37 меча, од кои победи во 23, но имаше и 8 порази. Покрај резултатите, за неизвесноста влијаат и претседателските избори во клубот, откако еден кандидат, Виктор Фонт постојано тврди дека ќе го смени Куман со Чави.

😥 Rueda de prensa accidentada…

🩸 Koeman rompe a sangrar en mitad de su comparecencia

📺 #Golazo pic.twitter.com/b0nsiTdxFx

— El Golazo de Gol (@ElGolazoDeGol) February 26, 2021

Лара Гут-Бехрами, победи на спуст трката, која се возеше во Вал ди Фаса. Овој италијански ски-центар, прв пат во историјата, беше домаќин на трка во рамките на Светскиот куп. Гут-Бехрами ја забележа 31 победа во кариерата, десетта во спуст. Сезонава таа има пет победи во Светскиот куп.

Лара Гут-Бехрами, патеката „Ла Волата“, долга 2.350 метри, ја мина со време 1:23.93 минути. Швајцарката со освоените 10 поени го презеде челновот мест во генералниот пласман во Светскиот куп.

Гут-Бехрами, на крајот за само две стотинки беше побрза од Рамона Зибенхофер од Австрија, додека со време 1:24.19, третото место го освои Корин Сутер од Швајцарија.

Во вкупниот пласман Гут-Бехрами има 1.047 поени, 29 помалку на второто место има Петра Влхова од Словачка.

Ракометниот клуб Порто, објави дека од последиците на срцевиот удар, починал 32-годишниот голман, Алфредо Кинтана.

Голманот, во понеделникот, за време на тренингот, доживеал инфаркт. Поради сериозноста на ситуацијата тој бил ставен во вештачка кома. За жал неговото срце не издржа и тој почина во петкот, во болницата „Сао Жоао“.

„Никогаш не очекувавме дека ќе објавиме ваква порака, нашиот драг Алфредо Кинтана не напушти денеска. Засекогаш ќе го паметиме како еден од нас. Вистински змеј. Почивај во мир“, објави клубот на социјалните мрежи.

Квинтана е роден на Куба, но бил и португалски државјанин десет години, забележал над 70 настапи за португалската репрезентација.