Серена Вилијамс, осовојувачка на 23 Гренд слем трофеи, објави дека се повлекува од Ролан Гарос.

Помладата од сестрите Вилијамс во првото коло ја совлада сонародничката Кристи Ан со 7/6, 6/0. Во второто коло таа требаше да игра против Цветана Пиронкова од Бугарија.

По мечот со Ан, Серена рекла дека тешко се движи и дека има проблеми со ахиловата тетива.

Серена Вилијамс во кариерата три пати победила на Ролан Гарос (2002, 2013, 2015).

Сјака Сварт, менаџерот на фудбалерот на Манчестер Јунајтед Дони ван де Бек, рекол дека неговиот клиент не требало да биде резерва на натпреварот против Брајтон, кој „црвените ѓаволи“ го добија од пенал во 100 минута.

„Тој да биде резерва? Тоа не ми се допаѓа. Искрено не би го трпел тоа да сум на неговото место. Да влегувам во игра на четири минути до крајот на мечот? Нема шанси“, рекол Сварт.

Од доаѓањето во Јунајтед Ван де Бек одиграл само 23 минути во Премиер лигата.

„Иако малку беше на теренот успеа да направи три добри работи, што е многу повеќе од повеќето играчи во тимот. Извлече пенал кој ѝ претходеше на победата. Во нормални околности Брајтон требаше да го прегази тој Јунајтед со 7:1. Манчестер Јунајтед имаат добар тим но такви работе не треба да им се случуваат“.

Ван де Бек само во Лига купот беше во стратниот тим, менаџерот Солскјер на средината ги форсира Матиќ, Погба и Бруно Фернандеш.

Според англиските медиуми Холанѓанецот ќе биде резерва и викендов кога Јунајтед ќе го пречекаат Тотенхем.

Репрезентативецот на Босна и Херцеговина Сеад Колашинац (27) по три години го напушта Арсенал. Кариерата ќе ја продолжи во Баер Лееркузен.

Клубовите успешни ги завршиле преговорите, Арсенал од трансферот на Колашинац ќе заработи 11.000.000 евра.

Колашинац во 2017 година во слободен трансфер од Шалке пристигна во Арсенал. За клубот од „Емирејтс“ одиграл 107 натпревари, постигнал пет гола.