На амбициите на Пари Сен-Жермен очигледно им нема крај. Според француските медиуми, катарските сопственици на клубот, „Катар спортс инвестментс“, подготвуваат понуда која Пеп Гвардиола нема да може да ја одбие и покрај неговите тврдења дека е задоволен во Манчестер сити.

Според британскиот „Експрес“, оваа понуда може да значи Каталонецот да си замине на крајот на оваа сезона, која сигурно ќе биде неговата најнеуспешна во англискиот фудбал. Семејството на Гвардиола се врати во Барселона минатото лето, најмногу поради бизнисот со мода на неговата сопруга, но Пеп неодамна изјави дека нема намера да си оди од Манчестер.

„Не се работи само за тоа дали сме победиле во последните два меча. Дури и да биде лошо, не одам никаде. Ниту еден менаџер не победува постојано, а јас уживам во работата со овие фудбалери“, изјави Гвардиола.

Трансферот може да има и политичка позадина. Сопственици на сити се кралското семејство на Абу Даби, инаку дел од Обединетите Арапски Емирати (ОАЕ), кои не се во најдобри односи со Катар (дури ги имат и прекинато дипломатските односи).

Сегашниот тренер на ПСЖ, Германецот Томас Тухел има над 75 отсто успешност во неговите мечеви, но не е тајна дека газдите ќе бидат задоволни само со освојувањето на Лигата на шампионите, каде што и лани тие потфрлија. ПСЖ игра со поранешниот тим на Тухел, Борусија Дортмунд во осминафиналето во февруари.

PSG 'ready to make Pep Guardiola massive offer to leave Man City' if they sack Thomas Tuchel https://t.co/3lg1Xt4FNn

— Sun Sport (@SunSport) January 19, 2020

Ракометната репрезентација на Норвешка е на чекор до пласман во полуфиналето на Европското првенство, откако во скандинавското ерби со 23:20 ја совлада Шведска за да се одвои на првото место во групата 2 по три меча.

Норвежаните од стартот покажаа дека одат на победа, поведувајќи со 5:2 по десет минути игра и заминувајќи на пауза со пристојни четири гола предност (12:8). Во второто полувреме, Норвежаните повторно не дозволија „трите круни“ да се доближат резултатски за конечна 23:20 победа. Сагосен беше лидер на Норвежаните со осум голови, додека Пелас и Толбринг имаа по три гола за Шведска.

По комплетното коло, Норвежаните се први со шест поени, Унгарците и Словенците имаат по четири, Исланд и Португалија по два, а Швеѓаните се веќе „отпишани“.

ЕП РАКОМЕТ 2020, ГЛАВНА ФАЗА

ГРУПА 2

Португалија – Исланд 25:28 (12:14)

Словенија – Унгарија 28:29 (16:13)

Норвешка – Шведска 23:20 (12:8)

Табела: 1.Норвешка 6, 2.Унгарија 4, 3.Словенија 4, 4.Исланд 2, 5.Португалија 2, 5.Шведска 0

Watch the Game Highlights from Norway vs. Sweden, 01/19/2020 pic.twitter.com/PZ1ghUCH7G

— EHF EURO (@EHFEURO) January 19, 2020

Is Petter Overby playing beach handball? 🤔🏖️@NORhandball 🇳🇴#ehfeuro2020 #dreamwinremember pic.twitter.com/vWUKmjaIml

— EHF EURO (@EHFEURO) January 19, 2020

💯@SanderSagosen hits his 100th goal to head @NORhandball's 🇳🇴 top EHF EURO scorers list 👏#ehfeuro2020 #dreamwinremember pic.twitter.com/x9HTtNnQTM

— EHF EURO (@EHFEURO) January 19, 2020

Горан Пандев уште еднаш покажа дека е мајстор на фудбалскатa игра со убав гол за неговата Џенова, но на Грифоне сериозно им се заканува испаѓање од Серија А, откако дома загубија со 1:3 од Рома.

Рома дојде на водство на „Луиџи Ферарис“ уште во шестата минут преку Ченгиз Ундер, за во 44. минута, Бираги да си постигне автогол за 0:2. Само една минута подоцна Пандев доби одлична топка и во шестнаесетникот со фантастичен удар го совлада голманот Пау Лопез.

Сите надежи на Џенова дека ќе освојат барем поен беа уништени во 74. минута, кога Един Џеко стрелаше за 1:3 по катастрофалната грешка на домашниот голман Перин.

Со победата, Рома се врати на четвртото место на табелата со 38 поени, седум помалку од градскиот ривал Лацио, додека Џенова се претпоследни со 14 поени, два помалку од безбедната зона.