Спорт
Седум плус во Барселона – Пораз на Леванте од Еспањол

Фудбалерите на Леванте и по 17 коло ќе останат единствениот тим без победа во Примера. Попладнево, во неверојатен меч, Еспањол го победи Леванте со 4:3. Македонскиот репрезентативец, Енис Барди, за поразениот тим одигра 84.минути.
Леванте, на теренот на Еспањол, два пати водеше, на крајот остана без бод.
Голот на Дардер во шестата минута, го поништи Де Фрутос пет минути подоцна, а потоа Леванте преку Сон во 26.минита направија пресврт.
Израмни Де Томас во 49.минута, а капитенот Моралес во 57.минута ја врати предноста за Леванте.
Само три минути подоцна на 3:3 израмни Хуадо, а истиот играч во 76.минута го режираше пресвртот на Еспањол.
Сон во 78.минута доби директен црвен каротон.
Со играч помалку, ветеранот Солдадо, во 98.минута имаше можност да му донесе бод на Леванте, но не успа да го совлада Диего Лопез.
Леванте се последни во лигата со само осум бода, Еспањол со оваа победа скокна на осмото место.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Олимпик Марсеј му приреди победничко деби на Тудор

Олимпик Марсеј победнички го стартуваше новиот шампионат на Франција, со надеж дека може да му парира на ПСЖ. Фудбалерите му приредија победничко деби на тренерот Игор Тудор на „Велодром“ откако со 4:1 го совладаа Реимс.
Фаес си даде автогол на самиот старт на мечот, а Нуно Тавареш зголеми на 2:0 пред полувремето.
Во вториот дел, Луис Суарез беше стрелец на два гола, а почесниот погодок за гостите беше дело на Фоларин Балогун.
Спорт
Левандовски постигна првенец, Барса блескаше на „Гампер куп“

Барселона е подготвена за почетокот на новата сезона во Ла Лига и во Лигата на шампионите. Традиоционално, последниот тест е „Гампер куп“ на „Камп Ноу“, а вечерва каталонскиот гигант го совлада Унам Пумас со 6:0.
Полскиот голгетер Роберт Левандовски погоди во третата минута и го постигна првенецот, а Педри зголеми на 2:0 само две минути подоцна. До крајот на првиот дел погодија и Осман Дембеле и повторно Педри.
Во второто полувреме Обамејанг и Френки де Јонг дадоа глазура на убедливиот триумф.
Спорт
Мората го растури Јувентус, Алегри го сака назад во Торино

Атлетико Мадрид во пријателски натпревар го декласираше Јувентус со 4:0, а првите три гола ги постигна поранешниот, а можеби и иден играч на Јувентус, Алваро Мората.
Тој во десеттата минута првпат ја погоди мрежата на „старата дама“. На 2:0 зголеми во 43. минута, а хет-трикот го комплетираше во 62. минута.
Конечниот резултат го постави Куња во 92. минута.
Тренерот на Јувентус, Масимилијано Алегри, се обидува да го врати Мората во Торино, а тој го потсети за каков врвен напаѓач се работи. Сепак, Атлетико ќе се согласи на договор само доколку комплетно го продаде 29-годишниот шпански фудбалер.
Мората последните две сезони ги мина на позајмица во Јувентус, а особено беше успешен во последната. Атлетико бара околу 35 милиони евра за Мората.