Спорт
Седумка! Лео Меси со нова „Златна топка“ во неверојатната кариера
Без големи изненадувања, Лионел Меси вечерва во „Театарот Шателе“ во Париз ја доби својата рекордна седма „Златна топка“ за најдобар фудбалер на светот, одбележувајќи уште една фудбалска година во која честопати беше на насловните страници.
И покрај лошата сезона со Барселона, која на крајот резултираше со драматично заминување од неговиот клуб од детството и трансфер во Пари Сен-Жермен, Меси беше најдобар стрелец минатата сезона во шпанската Ла лига, а летото му беше крунисано со најголемото остварување со аргентинската репрезентацијата, победата на Копа Америка над лутиот ривал Бразил за прво репрезентативно злато во кариерата.
Во изборот на „Франс фудбал“, Меси го победи својот најголем ривал за титулата, Роберт Левандовски, кој ја доби пак наградата за „напаѓач на годината“, додека трет беше италијанскиот ас на Челси, Жоржињо.
„Денеска сум тука во Париз и навистина сум многу среќен. Сакам да продолжам да се борам и да стигнам до нови цели. Не знам уште колку години имам пред себе, но уживам во моментов. Благодарност до моите колеги во Барса, Париз и Аргентина“, изјави Меси.
Мала контроверза на денот на прогласувањето на победникот предизвика реакцијата на Кристијано Роналдо преку социјалните мрежи во која го обвини претседателот на „Франс фудбал“ за лажење, а по конечниот пласман, тој првпат беше на 6. позиција на конечниот пласман.
Покрај оваа титула, Меси победуваше во изборот на „Франс фудбал“ и во 2009, 2010, 2011, 2012, 2015 и 2019 година. Со седум „Балон д’ор“ тој станува убедлив рекордер пред вечниот ривал, Португалецот Кристијано Роналдо, кој пет пати беше прогласуван за најдобар (2008, 2013, 2014, 2016, 2017). По трипати оваа награда била во рацете на Французинот Мишел Платини (1983, 1984, 1985) и Холанѓаните Јохан Кројф (1971, 1973, 1974) и Марко ван Бастен (1988, 1989, 1992).
ЗЛАТНА ТОПКА, КОНЕЧЕН ПЛАСМАН, ТОП 10
1.Лионел Меси (Барселона/ПСЖ, Аргентина)
2.Роберт Левандовски (Баерн Минхен/Полска)
3.Жоржињо (Челси, Италија)
4.Карим Бензема (Реал Мадрид, Франција)
5.Н’Голо Канте (Челси, Франција)
6.Кристијано Роналдо (Јувентус/Манчестер јунајтед, Португалија)
7.Мохамед Салах (Ливерпул, Египет)
8.Кевин де Брујне (Манчестер сити, Белгија)
9.Килијан Мбапе (ПСЖ, Франција)
10.Џанлуиџи Донарума (Милан/ПСЖ, Италија)
Графика: Sofascore за Топспорт.мк
When Luis Suarez gives the #ballondor to Messi! pic.twitter.com/uUHhMgtVfR
— Ballon d’Or #ballondor (@francefootball) November 29, 2021
When your dad wins an other Ballon d’Or ?#ballondor pic.twitter.com/UWKir71mX5
— Ballon d’Or #ballondor (@francefootball) November 29, 2021
HERE IS THE WINNER!
SEVEN BALLON D’OR FOR LIONEL MESSI! #ballondor pic.twitter.com/U2SywJmruC
— Ballon d’Or #ballondor (@francefootball) November 29, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Англија со најголемите ѕвезди ќе настапи на ЕУРО 2024
Селекторот на Англија, герет Саутгејт го објави спискот на фудбалери за ЕУРО 2024. На спискот има 33. фудбалери, што значи дека до почетокот на првенството ќе седуммина од кои еден сигурно ќе биде голман.
На ЕП нема да патува долгогодишниот член на националниот тим, Џордан Хендерсон.
Списокот на Саутгејт:
Голмани: Дин Хендерсон, Џордан Пикфорд, Арон Рамсдејл, Џејмс Трафорд
Одбрана: Џеред Брантвајт, Луис Данк, Џо Гомез, Марк Гуеи, Езри Конса, Хари Мегваер, Лук Шо, Џон Стоунс, Киеран Трипиер, Кајл Вокер.
Среден ред: Трент Александар-Арнолд, Конор Галагер, Кертис Џонс, Коби Мајно, Деклан Рајс, Адам Вартон, Џерод Боувен
Напад: Џуд Белингем, Џерод Бовен, Еберечи Езе, Фил Фоден, Џек Гралиш, Ентони Гордон, Хари Кејн, Џејмс Медисон, Кол Палмер, Букајо Сака, Ајван Тони, Оли Воткинс.
Англија на ЕП е во Ц групата заедно со Данска, Словенија и Србија.
Спорт
Димитиревски договорил четири годишна соработка со Валенсија
Репрезетативецот на Македонија Столе Димитиревски од наредната сезона ќе го носи дресот на Рајо Ваљекано. Бројни шапнски медиуми и најпознатиот транфер-инсајдер, Фабрицио Романо, објавија дека голманот со Валенсија потпишал четири годишен договор.
Столе Димитриевски по шест сезони, како слободен играч ќе го напушти Рајо Ваљекано. Од „Ваљехас“ ќе замине како голман со најмногу одиграни натпревари во клупската историја.
Во последното коло, против Атлетик Билбао на домашен терен Македонецот по 192. пат ќе застане на голот на Рајо Ваљекано.
Трансферот на Димитриевски значи дека Валенсија ќе ја напушти Грузиецот, Гиорги Мамрдашвили. Од неговиот трансфер Валенсија треба да заработи 30 или повеќе милиони евра.
Спорт
Тиквеш и Воска најавуваат голема борба за трофејот во Купот
Извор/ ffm.mk
Тиквеш и Воска Спорт утре од 19:00 часот на Националната арена „Тодор Проески“ во Скопје ќе се соочат во 31. финале од Купот на Македонија.
На денешната прес-конференција, тренерите и капитените на двата тима ги споделија своите очекувања во пресрет на утрешното финале.
„Кога сме веќе во финалето, секако дека сме тука и да го освоиме. Нема да бидеме скромни, сакаме да го освоиме пехарот. Верувам дека моите фудбалери ќе бидат максимално мотивирани и дека ќе ја заокружиме оваа сезона на најдобар можен начин. Победникот може да го реши еден момент, грешка или инспирација на одреден фудбалер“, изјави тренерот на Тиквеш, Ѓорѓи Мојсов.
„За разлика од Тиквеш ние сме млад клуб кој постои неколку години, ова е прва година во Прва лига за Воска и веднаш стигнуваме до историско финале што е голем успех. Првенството го завршивме на посакувано место, па сега одиме да се надигруваме против Тиквеш во Купот на Македонија. Тие се хит во пролетниот дел од сезоната и сакам да им честитам за четвртото место на табелата кое е одлично остварување за Тиквеш. Играат добро, но сепак и ние сме во добра форма, долго време сме без пораз и дојдовме во Скопје да се надигруваме и да го освоиме Купот на Македонија. Еднаш бев учесник во финале како тренер на Металург и загубивме од Работнички. Се надевам дека сега со Воска Спорт ќе бидеме поуспешни и дека ќе ги оствариме нашите цели“, рече тренерот на Воска Срѓан Захариевски