Спорт
„Сефте“ гол на Чалханоглу и за Џеко – Пандев немоќен против „своите“
Италијанскиот фудбалски шампион Интер со победа со стил, од 4-0 на својот „Џузепе Меаца“ против Џенова ја започна новата сезона во Серија А и одбраната на титулата.
Иако сега веќе поранешниот македонски фудбалски репрезентативец ги одигра сите 90 минути за гостинскиот тим, сепак не успеа да го загрози голот на Хандановиќ.
Интер се две големи промени во составот, со Един Џеко во нападот и со Хакан Чалханоглу во средината на теренот тргнаа офанзивно против Џенова.
Првиот гол во новата сезона ќе биде запишан зад името на дефанзивецот на „Нероазурите“, Милан Шкрињар. Во шестата минута, по асистенција на Чалханоглу тој прецизно стрела во мрежата на Сиригу.
Токму Чалханоглу беше стрелец на вториот погодок на мечот, во 14 минута.
Артуро Видал се израдува на погодок во 74 минута за високи 3-0, а печат на првата победа на Интер сезонава стави „новајлијата“ Един Џеко (дојде од Рома) со голот во 88 минута, токму по асистенција на Видал.
Во истиот попладневен саботен термин, во Верона истоимениот домаќин загуби од Сасуоло со 2:3.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Во сообраќајна несреќа тешко повреден Бабнгида, брат му загина, сопругата и детето се во критична состојба
Поранешниот нигериски фудбалер Тијани Бабангида (50) имал тешка сообраќајна несреќа на автопатот во Нигерија, а во несреќата загинал неговиот три години помлад брат Ибрахим.
Тијани, неговата сопруга, син и куќна помошничка, кои исто така биле во автомобилот, со тешки повреди биле примени во болница.
Некои медиуми тврдат дека Тијани е свесен, а остатокот од семејството сѐ уште е во критична состојба, но закрепнува.
Тијани Бабангида беше репрезентативец на Нигерија од 1994 до 2004 година и играше на Светското првенство во 1998 година, а најголема трага во клупскиот фудбал остави во Ајакс во периодот од 1996 до 2003 година.
Тијани моментно е претседател на Здружението на професионалните фудбалери на Нигерија. Фудбал играше и трагично загинатиот Ибрахим. Најмногу играше за африкански клубови, но стигна и до холандски Волендам.
Спорт
Евролига: Прочида најдобар млад играч
Кошаркарот на Алба од Берлин, Габриеле Процида е прогласен за најдобар млад играч на Евролигата, објавено е на веб-страницата на елитното натпреварување.
Прочида е третиот Италијанец кој ја освоил престижната награда, по Андреа Барњани (2005/06) и Данило Галинари (2007/08).
Талентираниот кошаркар имаше голема конкуренција за наградата, особено од неговиот соиграч од Алба и сонародник Матео Спањоло.
Сепак, тој имаше поголема улога во тимот, поради што и го доби признанието кое го изгласаа тренерите на екипи во Евролигата.
Оваа сезона имаше просек од 8,3 поени, 1,6 скока и 1,4 украдени топки.
Сезонава 10 пати имаше двоцифрен учинок, а најдобра партија ја имаше против Макаби, кога мечот го заврши со 22 поени и три украдени топки.
Спорт
Дест се враќа во Барселона – ПСВ нема да го откупи неговиот договор
Сержињо Десет како позајмен од Барселона во ПСВ ја освои титулата во Холандија со клубот од Ајндховен. Сепак ПСВ нема да го откупи неговиот договор и покрај тоа што во клубот биле задоволни од неговите изданија. Причината е повредата на коленото од која репрезентативецот на САД се уште не се рехабилитирал.
Дест во јуни ќе се врати во Барселона каде ќе ја продолжи со рехабилитацијата по операцијата на коленото во Холандија.
Дест се пресели од Ајакс во Барселона во 2020 година, вкупно за Барселона одигра 72 натпревари и постигна три гола.
Тој минатата сезона замина на позајмица во Милан, незадоволен од својата минутажа во Барселона, а оваа сезона ја мина на позајмица во ПСВ.
Се очекува тој да се врати на терените на почетокот на 2025 година.