Спорт
Сега е официјално: Аморим е нов менаџер на Манчестер jунајтед

Португалскиот стручњак Рубен Аморим и официјално е претставен како нов менаџер на Манчестер јунајтед.
Клубот од „Олд Трафорд“ му плати 11 милиони евра обештетување на Спортинг Лисабон, а 39-годишниот тренер потпиша договор со англискиот гигант до летото 2027.
Овој стручњак имаше извонреден старт на сезоната со зелените и бели, без пораз. Во домашното првенство има девет победи во исто толку натпревари, а во Лигата на шампионите Спортинг триумфираше над Лил и Штурм и одигра нерешено со ПСВ.
It's done.
Bem-vindo ao Manchester United, Ruben Amorim 🇵🇹🤝🔴#MUFC
— Manchester United (@ManUtd) November 1, 2024
Од заминувањето на Фергусон, Јунајтед го предводеа Дејвид Мојс, Луис ван Гал, Жозе Мурињо, Оле Гунар Солскјер , Ралф Рагник и Ерик Тен Хаг.
Амор го очекува тешка работа, Јунајтед освои алармантни 11 бода во девет кола од Премиер лигата Во моментот на разделбата со Тен Хаг, Јунајтед падна од просечните 1,97 бода во првата на 1,22 бода во третата сезона на Холанѓанецот во клубот.
Последната капка беше поразот од Вест Хем, по што менаџерот ги обвини судиите и сопствениците на клубот решија да бараат ново решение.
Го најдоа во човекот кој на Спортинг му ги даде најдобрите сезони во последните две децении, во кои најмногу доминираа Бенфика и Порто.
Под водство на Аморим, кој пред да дојде на стадионот „Жозе Алваладе“ работеше во Каса Пиа и Брага, „лавовите“ освоија 2,27 бода на 227 натпревари.
Аморим ќе стане третиот португалски менаџер во Премиер лигата, покрај Марко Силва (Фулам) и Нуно Еспирито Санто (Нотингем Форест). Тој ќе биде седмиот Португалец на клупата на еден клуб од формирањето на Премиер лигата, бидејќи пред споменатите тројца Жозе Мурињо, Андре Вилаш Боаш, Карлос Карвајал и Бруно Лаж работеа во најсилната лига на светот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Марк падна, Алекс победи во Херез

Помладиот Маркез, Алекс, ја заблежа првата победа во кариерата на Големата награда на Шпанија во Херез. Возачот на Гресини Дукати, славеше пред возачите на Јамаха и Дукати, Фабио Квартараро и Франческо Бањаја.
Алекс Маркез победи во Херез и ја презеде лидерската позиција во шампионатот од свјот брат Алекс.
Марк направи голема грешка во третиот круг,излета од патеката кога го напаѓаше во тој момент лидерот Квартараро. Марк се врати во трката, на крајот го освои 12. место.
Квртараро беше на чело на колоната до 11 круг, кога Алекс си префектен маневар во првиот свиок успеа да го претекне.
Алекс во следните два круга создаде предност од една секунда, додека Квартараро седум ркуга се бореше со Бањаја, но успеа да ја освои втората позиција. За Квартараро ова е прв пласман на подиумот уште од октомври 2023 година.
Во генералниот пласман Алекс води со 140 поени, еден повеќе од Марк и 20 од Бањаја.
Спорт
Асефа постави светски рекорд на маратон

Тигст Асефа од Етиопија го собори светскиот рекорд во маратон, откако победи на 45-от Лондонски маратон со време од 2:15,50 часа. Асефа, освојувачка на сребрен медал на маратонот на Олимписките игри во Париз 2024, се одвои од Кенијката Џојсилин Џепкосгеи во последните неколку километри откако двете поставија исто темпо од самиот почеток.
Со денешниот резултат таа го подобри претходниот рекорд од 2:16,16, кој минатата година во Лондон го постави Перес Јепчирчир од Кенија. Џепкосгеи беше втора со време од 2:18,44, додека актуелната победничка на олимпискиот маратон, Сифана Хасан од Холандија, беше трета со време од 2:19,00.
Во машка конкуренција, Кениецот Себастијан Саве славеше завршувајќи ја трката со повеќе од една минута предност пред Џејкоб Киплимо од Уганда. Саве, кој го победи на маратонот во Валенсија пред четири месеци, ја помина целта по 2 часа, 2 минути и 20 секунди.
Јакоб Киплимо од Уганда, кој го собори светскиот рекорд во полумаратон во февруари, беше втор во своето деби во маратонските трки со време од 2:03,37, додека минатогодишниот победник Александар Мутисо Муњао заврши на третото место.
Спорт
Анчелоти е новиот селектор на Бразил?

Тренерот на Реал, Карло Анчелоти, е многу блиску до преземање на репрезентацијата на Бразил, објави британската телевизија „Скај Спортс“.
Анчелоти има договор со челниците на Реал до јуни следната година, но се поизвесно е дека ќе го напушти Мадрид на крајот од тековната сезона, пред Светското клупско првенство.
По неуспехот на Светското првенство во Катар 2022 година, Бразил имаше дури тројца селектори, а последниот беше Доривал Жуниор, кој беше отпуштен во март по само седум победи во 16 натпревари.
Бразил има скор од 6-3-5 во 14 квалификациски натпревари за Светското првенство, кое ќе се игра во САД, Мексико и Канада следното лето, а на четири кола пред крајот на квалификациите, теоретски сè уште не му е загарантирано место на Светското првенство, но сигурно е дека петкратниот светски шампион ќе се квалификува за Мундијалот. Бразил ја освои последната од петте титули светски шампион во 2002 година.
„Тренерот на Реал, Карло Анчелоти, е многу блиску до преземање на бразилската репрезентација, дознава „Скај Спортс“.
Изворот потврди дека преговорите меѓу двете страни ќе продолжат во мај. Анчелоти е на радарот на Бразилската фудбалска асоцијација од крајот на Светското првенство во 2022 година.
„Бразилската фудбалска асоцијација се надева дека Анчелоти би можел да ја предводи селекцијата веќе во јунските квалификации за Светското првенство во 2026 година“, соопшти денес реномираната телевизија.