Вардар го победи Металург, во Атокоманда, со 31:27, во дербито на коло во домашното првенство. Актуелните шампиони, со максимални седум победи, го завршија првиот дел од шампионатот. Металург, во првите седум кола победија само еднаш, имаат две нерешни средби и четири порази.

Металург, имаше сили да му се спротивстави на фаворитот само во првото полувреме. Тимот од Автокоманда, имаше предност од три гола, 14:11, во 27.минута. Сепак на одмор тимовите заминаа израмнети (15:15).

Во вториот дел, Вардар максимално ја искористи поголемата ротација. Во 42.минута, Вардар водеше 19:23, Металург се доближи на гол негатива, а овој налет на домаќинот го одбија Дибиров, Чупиќ и Калараш.

На крајот заслужена победа на „црвено-црните“ 31:27.

Најефикасни играчи на натпреварот беа хрватските репрезентативци Иван Чупиќ (Вардар) и Златко Хорват (Металург) со по седум гола.

Фото: Денис Дуковски/РК Вардар1961

Фудбалерите на Баерн, со денешната победа во Волфсбург (2:3), направија голем чекор кон одбраната на шампионската титула. По мечот тренерот Ханс-Дитер Флик објави дека ќе го напушти клубот по завршувањето на сезоната.

„Би сакал да ја раскинам соработката по завршувањето на сезоната. Тоа е факт, ми беше важно јас ова да им го соопштам на играчите“, рекол Флик.

Тренерот кој минатата сезона, со Баерн ја освои Лигата на шампионите, не сакал да открие зошто донел ваква одлука. Се шпекулира дека Флик сака да ја преземе репрезентацијата на Германија.

Исто така, медиумите претпоставуваат, дека одлуката да замине од Баерн, ја донел и поради несогласувањата што ги има со спортскиот директор Хасан Салихамиџиќ.

Ханс-Дитер Флик, стана тренер на Баерн во ноември 2019 година. На клупата, на славниот клуб, седна на местото на Нико Ковач.

Флик, досега го предводел Баерн на 81 натпревар, забележал 67 победи, само шест порази, а осум пати под палката на Флик, Баерн одиграл нерешено.

УЕФА, во понеделник, официјално ќе го претстави редизајнот на Лигата на шампионите. Елитното натпреварување, во новиот формат, ќе започне да се игра од сезоната 2024/2025.

Изминатите неколку години, УЕФА со најбогатите европски клубови преговараше околу измените на форматот, стравувајќи дека тие ќе се отцепат и ќе формираат своја лига. Клубовите бараа да играат повеќе натпревари, за да добиваат повеќе пари и на крајот УЕФА попушти пред заканите и барањата.

За УЕФА е најважно што не дозволи богатите европски клубови сами да си организираат своја лига.

Од сезоната 2024/2025 ќе се игра една лига со 36 екипи. Според актуелниот систем, во Лигата на шампионите се натпреваруваат 32 екипи, поделени во осум групи. Клубовите пред почетокот на сезоната 2024/2025 ќе бидат поделени во четири квалитативни групи. Секој клуб ќе одигра по 10 натпревари, со различни противници од четирите квалитативни групи.

Првите осум клуба на табелата, по 10 одиграни натпревари, ќе изборат пласман во осмина-финалето, а клубовите пласирани од 9. до 24. место ќе играат плеј-оф за пласман во осмина-финалето. Сезоната ќе ја завршат најлошите 12 клуба.

Првата фаза е предвидено да се игра од септември до јануари. Натпревари во новата Лига на шампиони покрај во вторник и среда ќе се играат и во четврток.

Во првата фаза, дневно ќе се играат по 18 натпревари, наместо досегашните 16, а вкупно ќе се одиграат 108, наместо досегашните 96 натпревари. Според актуелниот формат, во една сезона во ЛШ се играат 125 натпревари, а според новиот формат ќе се 225 натпревари (180 во првата фаза, 16 во плејофот и 29 во нокаут фазата).