Арсенал стигна до 2:1 победа на гости кај Бурнемаут за да се пласира во осминафиналето на ФА купот каде што ги чека гостување кај второлигашот Портсмут.

Исходот на мечот беше решен во првите половина час, во кој блеснаа младите фудбалери на „топчиите“.

Во петтата минута, 18-годишниот Габриел Мартинели му асистираше на својот врсник, Букајо Сака за 1:0, а во 26. минута, Сака му асистираше на 20-годишниот Еди Нкетијах, кој се врати од позајмица, а 2:0. Сем Сариџ го постигна утешниот гол за домаќините во 91. минута од мечот.

Покрај дочекот во Загреб од десетина илјади навивачи, дел од хрватската ракометна репрезентација вечерва беше пречекана и во Мостар, во Босна и Херцеговина, каде што најголеми овации доби поранешниот вардарец Игор Карачиќ.

Ракометарите кои се по потекло од Херцеговина, а ги бранат боите на Хрватска, беа пречекани како херои.

„Посебна чест ми е што вечерва сум тука со вас, бидејќи без вас немаше да бидам ништо. Ние како деца на ова игралиште почнавме со спортот. Ви благодарам од срце и ви симнувам капа“, изјави Карачиќ.

Капитенот на Динамо Загреб и македонски репрезентативец Аријан Адеми се решил да не прави трансфер во клубот од Обединетите Арапски Емирати, Ал-Наср за да остане во хрватскиот шампион.

Хрватските медиуми претходно јавија дека го делат само часови од потпис за Ал-Наср од Дубаи, каде што тренер е Крунослав Јурчиќ, човекот кој го донесе во Динамо од Шибеник пред десет години, но сега тврдат дека тој решил да остане во клубот кој беше со него во тешките моменти по суспензијата по позитивниот допинг-тест.

Динамо претходно ја одби понудата од 2.5 милиони евра на Реал Бетис, а арапската понуда била повеќекратно поголема.