Аргентинската кошаркарка Антонела Гонзалес стана главна атракција во татковината затоа што во текот на натпревар ја доеше својата 11-месечна ќеркичка.

Гонзалес која настапува за тимот на Томас де Рокамора на мечот против Велес Сарсфилд мораше да ја заврши „мајчината обврска“.

По мечот го објасни потегот.

„Секогаш ја хранам пред натпреварите. Понекогаш и неа, но и мене ми е потребно тоа. Го завршивме разговорот со тренерот, му реков дека ми треба малку време. Се беше принудно. Изненадена сум што нешто толку многу природно имаше таков оддек, но среќна сум поради тоа. Се надевам дека ова ќе е пример за мајките по бременоста и породувањето да можат да се вратат на активниот спорт“ изјави Гонзалес која споменатиот меч го заврши со 8 поени, а нејзиниот тим славеше триумф со 61:44.

Манчестер јунајтед во наредните шест натпревари нема да може да смета на услугите на првиот голман Давид Де Хеа. Шпанецот, не беше во тимот на Манчестер јунатед, синоќа, против Кристал Палас.

Медиумите во Англија, објавија дека Де Хема требало да реши некои „приватни проблеми“, а клубот му го дозволил тоа.

Се шпекулира дека Де Хема нема да се појави во тимот на Манчестер јунајтед до крајот на овој месец, што значи дека ќе ги пропушти и квалификациските натпревари на шпанската репрезентација.

Шпанецот ќе пропушти шест натпревари на на Манчестер јунајтед, вклучувајќи го и градското дерби со Сити, како и дуелите со Милан во Лига Европа.

На голот ќе го замени англискиот репрезентативец Дин Хендерсон.

Џерар Пике, поради повредата на десното колено, повторно ќе оди на пауза. Пике, се повреди, во второто продолжение на натпреварот со Севилја. Барселона, во драматичен натпревар ја елиминираше Севилја, а продолженијата ги избори Пике со голот што го постигна во 94.минута.

Пике, поради повредата на десното колено, паузираше три месци. Во тимот се врати пред десет дена, а сега ќе мора да отсуствува три недели. Денешните прегледи покажале истегнување на лигаментите во десното колено.

Пике, поради оваа повреда, ќе го пропушти осмина-финалниот реванш со ПСЖ, во Лигата на шампионите и тешкото гостување во Сан Себастијан, против Реал Сосиедад.