Спорт
Сејдини: Наша визија е да станеме редовни учесници на големите натпреварувања
Фудбалската федерација на Македонија (ФФМ), го одржа редовното Генерално собрание. Присутните делегати го усвоија извештајот на претседателот и Управниот одбор на ФФМ за 2022. година.
Највисокото тело на федерацијата ја усвои завршната сметка за минатата година и буџетот на федерацијата за идната година, а беше усвоен извештајот на независниот ревизор.
Делегатите на Собранието едногласно ги усвои извештајот од Администрацијата на ФФМ за исполнување на стратегискиот план 2021-2025, а беше усвоена и Стратегијата за социјална одржливост.
Работниот дел од денешното редовно Собрание на ФФМ го следеа претставници на УЕФА и ФИФА. Денис Бастари, претставник на одделот за Национални асоцијации ја претставуваше УЕФА, додека Елкан Мамадов и Лоренцо Каваљари беа претставници на ФИФА.
„Во изминатите години успеавме да реализираме голем број на проекти и би сакал да се заблагодарам на сите во фудбалското семејство кои дадоа свој придонес. Овој тим е синоним за успех и надеж. За федерацијата и понатаму стратешки важно е вложувањето во инфраструктурата. До сега вложувавме во терени насекаде низ Македонија, но она што е важно да се нагласи е дека во наредниот период ќе работиме на подобрување на условите и на нашиот тренинг центарот „Петар Милошевски“.
Со Управниот одбор ќе ја донесеме најдобрата одлука и мислам дека во наредниот период ќе можеме и поконкретно да зборуваме за тоа. Поентата не е само да се фотографираме, туку да ги покажеме конкретните чекори кои ги преземаме. Преку стратешки и проектен пристап, се подобрува фудбалската инфраструктура насекаде низ државата, градиме и уредуваме нови и постоечки стадиони, трибини и услови за тренинг.
Наша обврска е да создадеме максимални услови за нашите фудбалери и стручниот штаб на сите репрезентативни селекции. Да се чувствуваат комотно во нивната работа и да бидат секогаш најдобри на теренот како што и го покажуваат тоа и постојано го докажуваат.
Наша визија е пласман на големите натпреварувања да биде нормална работа и да станеме редовен учесник на истите. Успехот поставува нови стандарди на работа и професионалност, а тоа е и главна мотивација за новите генерации што доаѓааат.
На стара слава не се живее, имаме план и програма и одиме чекор по чекор. Нашата програма за работа е квалитетно осмислена и ја следи федерацијата во однос на целите и тоа што треба и што може да се направи. Во однос на тоа имаме голема поддршка и помош од УЕФА и ФИФА за што сме бескрајно благодарни.
Не бегаме од предизвиците кои се пред нас, напротив, подготвени сме и се радуваме на новите искушенија“, рече во своето обраќање првиот човек на ФФМ, Муамед Сејдини.
Извор/ffm.mk
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Најмладиот прв пик во историјата ги растури ЛА Клиперс
Младиот американски кошаркар Купер Флег го одигра најдобриот натпревар во својата НБА кариера во ноќта помеѓу саботата и неделата.
Флег ги предводеше своите Далас Маверикс до победа од 114:110 над Лос Анџелес Клиперс.
Суперталентираниот 18-годишник го заврши натпреварот со 35 поени (13/22), осум скока и две асистенции.
Флег со тоа стана најмладиот НБА играч во историјата со 35+ натпревари во својата кариера, на 18 години и 343 дена.
Покрај тоа, тој беше херој на својот тим бидејќи постигна осум поени во последните три минути и му даде можност на Далас да дојде до голема победа во пенал завршницата.
Ентони Дејвис повторно не играше, а покрај Флег се истакнаа и Клеј Томпсон со 23 и Наџи Маршал со 18 поени.
Од друга страна, 30-те поени и осум скока на Кавај Ленард, 29-те поени, осум скока и 11 асистенции на Џејмс Харден и 19-те поени и 11 скока на Ивица Зубац не беа доволни Клиперс да го избегнат поразот.
Двата тима се лоши од почетокот на сезоната, се наоѓаат на 12-то и 13-то место во Западната конференција, зад нив е само Њу Орлеанс.
Резултати:
Минесота – Бостон 119:115
/Едвардс 39 – Браун 41/
Шарлот – Торонто 118:111
/Бриџис 25 – Барнс 30/
Индијана – Чикаго 103:101
/Сијакам 24 – Гиди 17/
Мајами – Детроит 135:138
/Вигинс 31 – Канингем 29/
Милвоки – Бруклин 116:99
/Адетокунбо 29 – Волф 22/
Голден Стејт – Њу Орлеанс 104:96
/Батлер 24 – Вилијамсон 25/
Феникс – Денвер 112:130
/Брукс 27 – Јокиќ 26/
Спорт
(Видео) Ветеранот Данило е херојот – Фламенго го освои Копа Либертадорес
Фудбалерите на Фламенго го победија Палмеирас со 1:0 во финалето на Копа Либертадорес и испишаа историја – тие се првиот бразилски тим со четири титули во најсилното клупско натпреварување во Јужна Америка.
Искусниот дефанзивец Данило му донесе победа на тимот од Рио со гол во 67-та минута, со што го запиша своето име во историските алманаси на светскиот фудбал, станувајќи првиот играч кој двапати ја освоил Лигата на шампионите и Копа Либертадорес.
🚨🏆 | GOAL: DANILO OPENS THE SCORING FIR FLAMENGO IN THE COPA LIBERTADORES FINAL!
Palmeiras 0-1 Flamengo.
— TheGoalsZone (@TheGoalsZone) November 29, 2025
Со Реал, тој двапати се искачи на врвот на Европа, додека на фудбалскиот подиум во Латинска Америка се искачи прво со Сантос во 2011 година, а сега со Фламенго.
Ова е третата титула на Фламенго во Копа Либертадорес во последните седум години и трета откако беше променет форматот на финалето, така што се игра само еден натпревар за трофејот.
Од 2019 година, кога Фламенго ја освои првата титула по 1981 година, до денес, бразилските клубови ги освоија сите седум трофеи „Копа“, од кои Палмеирас два, а Ботафого еден.
Големото финале се играше на стадионот „Монументал“ во Лима, каде што беше како кошница, што го потврдува фактот дека натпреварот беше одложен 15 минути поради сообраќајниот метеж.
Заедно со Данило, најзаслужен за победата на Фламенго беше Уругваецот Араскаета, чиј корнер беше „половина гол“, тој совршено ја испрати топката во шеснаесетникот каде што Данило беше најснаодлив и најдобар во скокот, и го постигна веројатно најважниот гол во својата кариера.
И уште некои интересни работи…
Тренерот на Фламенго, Филипе Луис, е деветтиот тренер кој го освоил најважниот клупски куп во Јужна Америка како играч и тренер.
Поранешниот играч на Атлетико Мадрид беше дел од тимот што го победи Атлетико Паранаенсе со 1:0 во 2022 година.
За Бразилците, можеби најважниот факт е што конечно ја достигнаа Аргентина по бројот на освоени трофеи од Копа Либертадорес – сега двете нации имаат по 25 титули.
Со оглед на хегемонијата воспоставена од бразилските клубови во последната деценија, се чини дека е само прашање на време кога ќе го преземат првото место на оваа листа.
Спорт
Мајами го освои Истокот, ќе се бори за титулата во МЛС лигата
Фудбалерите на Интер Мајами го победија Њујорк Сити со 5:1, станаа шампиони на Источната конференција и се пласираа во финалето на плејофот од МЛС лигата.
Таму ги чека Ванкувер, предводен од германската легенда Томас Милер. Тимот од Канада го победи Сан Диего со 3:1 и ќе се бори против Меси и неговата компанија за најважниот трофеј следниот викенд во Флорида.
Меси овој пат не беше централна фигура на натпреварот, не постигна гол, но со додавањето за третиот гол стана најдобар асистент на сите времиња.
Славниот Аргентинец дојде до 405-та асистенција во својата кариера, а сега има една повеќе од легендата на Реал Мадрид, незапирливиот Унгарец Ференц Пушкаш.
Во својата кариера, Меси одигра 1136 натпревари, постигна 896 голови и заабележа 405 асистенции.
🚨 Official: Lionel Messi becomes the player with most assists in football history.
🥇 Leo Messi — 4️⃣0️⃣5️⃣
🥈 Ferenc Puskas — 4️⃣0️⃣4️⃣
🥉 Pelé — 3️⃣6️⃣9️⃣ pic.twitter.com/C1OPMmNK01— Fabrizio Romano (@FabrizioRomano) November 30, 2025
Интересно е што тој го достигна рекордот со асистенцијата за момчето родено во истиот град како него, Росарио, 19-годишниот Матео Силвети, кој пристигна во Мајами од матичниот клуб на Меси, Њуелс Олд Бојс.
Аргентинската ноќ во Мајами ја комплетираше тројниот стрелец Тадео Аљенде, кој, пред сè, беше најзаслужен за големата победа и пласманот на Мајами во големото финале, прво во историјата на клубот.
Стрелец на уште еден гол за домашната екипа беше Телеско Сеговија на крајот од натпреварот.
Мајами на патот до големото финале ги елиминираше Нешвил (2:1), Синсинати (4:0) и Њујорк (5:1).
Foto/ EPA
Скопје утрово се разбуди со температури под нулата
Најниска температура утрово е измерена со во Скопје – Петровец – 2 степени, во Штип, Струмица, Крушево, Маврови Анови –...
Поплавени дворови, подруми и ниви во Општината Чешиново – Облешево, не се чистеле каналите
Во Општината Чешиново – Облешево во повеќето од населени места се поплавени дворови, подруми, ниви со неожнеан ориз и житни...
Марш на ангелите“ во Кочани: До кога ќе се одложува правдата и вистината за „Пулс“
Родителите и блиските на загинатите во пожарот во „Пулс“ одржаа уште еден „Марш на ангелите“ во Кочани, кој почна од...
Анализите покажаа дека нема тешки метали во водата што ја пиеле затруените деца од ОУ „Димо Хаџи Димов“
Институтот за јавно здравје (ИЈЗ) денеска информира дека целосно се завршени анализите на мострите од вода земени од ОУ „Димо...
Поголем дел од Скопје утре без вода
ЈП „Водовод и канализација“ – Скопје информира дека утре, 30 ноември (недела), поради два одделни зафати на водоводната мрежа, повеќе...
Бесплатни уролошки прегледи денес во амбулантата на Специјализираната болница за геријатриска и палијативна медицина
По повод Месецот на машкото здравје – Мовембер, во амбулантата на Специјализираната болница за геријатриска и палијативна медицина „13 Ноември”...
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти. Градоначалникот...
Преговорите со САД за мировниот план за прекин на конфликтот со Русија ќе почнат наскоро, вели Зеленски
Украинскиот претседател Володимир Зеленски изјави дека на преговорите со Соединетите Американски Држави за мировниот план за прекин на конфликтот со...
Во притвор се сите осомничени за грабежот во Лувр во Париз вреден 88 милиони евра
Четворицата наводни главни извршители на кражбата на скапоцености во Лувр во Париз сега се зад решетки, соопшти вчера јавниот обвинител...
ЕУ ѝ постави ултиматум на Украина
Киев мора да преземе решителни мерки за гонење на корумпирани политичари и бизнисмени ако Украина сака да се приклучи на...
Главниот советник на Зеленски поднесе оставка
Андриј Јермак, моќниот шеф на кабинетот на украинскиот претседател Володимир Зеленски, поднесе оставка. Оставката дојде откако агенти од Националното биро...
Трамп му ги предава окупираните украински територии на Путин, пишува Телеграф
САД наводно се подготвени да ја признаат руската контрола врз Крим и другите окупирани украински територии со цел да се...
Во мусаката од првата смена пронајдени бактерии, истите откриени и на чешмите во училиштето „Димо Хаџи Димов“
По стомачните тегоби кај десетици ученици во „Димо Хаџи Димов“, инспекциите утврдија нехигиена на чешмите во училниците и кујната. На...
Од 1 декември поскапува парното: сметките повисоки за околу 130 денари
Регулаторната комисија за енергетика, водни услуги и управување со комунален отпад (РКЕ) ја информира јавноста дека од 1 декември цената...
Мицкоски: Имам информации дека судија известител ставил потпис на извештајот со кој се укинува линеарното покачување на пензиите
„Ќе кажам дека вчера за време на пратеничките прашања бев многу прецизен и кажав дека имам информации дека е отпочната...
Mаж најден починат утрово на тротоар на „Илинденска“
Утрово околу 07:00 часот, во полицијата било пријавено дека на тротоар на булеварот „Илинден“ во Скопје бил пронајден починат Т.К....
(Видео) Мицкоски: Без ефикасна и чесна даночна администрација нема силна економија и одржливи јавни финансии
Без ефикасна и чесна даночна администрација нема ниту силна економија, ниту одржливи јавни финансии, ниту држава што може да планира...
Струмичанецот што со шприц сакаше насилно да ѝ вшприца на сопругата пестицид ќе одговара за обид за убиство
Струмичанец со шприц сакал насилно да ѝ вбризга на сопругата пестицид. Таа почнала да вика, а двете малолетни деца слушнале...
Водата во ООУ „Димо Хаџи Димов“ е исправна и може непречено да се употребува, велат од „Водовод“ по труењето во училиштето
Од ЈП „Водовод и канализација“ – Скопје информираат дека по извршениот вонреден мониторинг, водата во ООУ „Димо Хаџи Димов“ во...
(Фото) Отстранета дивоградба на улицата Орце Николов, Герасимовски најави расчистување на бесправните објекти
Во рамките на обемната акција за отстранување дивоградби, Општина Центар ја урна нелегалната доградба на деловен објект на улица „Орце...
