Дуелот на „Сантијаго Бернабеу“, Реал Мадрид-Манчестер Сити, беше централниот настан на шестото коло од најелитното европско натпреварување. Манчестер сити, по пресврт, го победи Реал во Мадрид со 2:1. По овој пораз судбината на Чаби Алонсо на клупата на Реал е неизвесна.

Реал натпреварот го одигра без својот најдобриот играч и стрелец, Килијан Мбапе, кој се повреди во неделата во поразот од Селта.

„Кралскиот клуб“, се обидуваше, дојде до предност со голот на Родриго во 28-та минута. Бразилецот го прекина осум месечниот пост, односно постигна гол по 32 натпревари.

Сити, до крајот на полувремето направи пресврт. Најпрвин О’Рајли изедначи во 35-та минута, а потоа погоди и Халанд од пенал во 43-та минута.

Во вториот дел двата тима имаа некои свои шанси, најдобрата за Реал ја пропушти Ендрик во 85-та минута кога ја погоди гредата.

Сити заслужено дојде до првата победа над Реал во Мадрид, по пауза од пет години. „Гражаните“ истрчаа речиси осум километри повеќе од своите противници, имаа седум удари во рамките на голот, Куртоа имаше шест интервенции, додека Реал упати само еден удар кон Донарума и тој заврши во голот.

Реаултати, 6.коло:

Карабаг – Ајакс 2:4 (1:1)
/Дуран 10′, Силва 47′ – Долберг 39′, Глук 79′, 90′, Гај 83’/

Виљареал – Копенхаген 2:3 (0:1)
/ Комесања 47′, Олувасеји 56′ – Ељунуси 2′, Ачури 48′, Корнелиус 90’/

Атлетик Билбао – Пари Сен Жермен 0:0

Баер Леверкузен – Њукасл 2:2
/Гимараеш 13 аг, Грималдо 88′ – Гордон 51’пен., Мајли 74’/

Бенфика – Наполи 2:0
/Риос 20′, Бареиро 49’/

Борусија Дортмунд – Боде Глимт 2:2
/Брант 18′, 51′ – Алесами 42′, Хауге 75’/

Клуб Бриж – Арсенал 0:3
/ Мадуеке 25′, 47′, Мартинели 56’/

Јувентус – Пафос 2:0
/Мекени 67′, Дејвид 72/’

Николас Пепе, фудбалер на Виљареал, крна „прашина“ во јавноста, со интервјуто кај еден алжирски инфлуенсер. Големо внимание привлекоа неговите изјави за фудбалската репрезентација на Мароко и Кристијано Роналдо.

„Ние имаме три ѕвезди, а колку имате вие? Две? Мораме да внимаваме на Мароко на Купот на африканските нации. Колку ѕвезди имаат тие? Една? Можда ја освоија 1818 година. Не се сеќавам на таа нивна ѕвезда“, рече Пепе коментирајќи го бројот на освоени титули во африканските шампионати, кои се означени со ѕвезди на дресовите.

Со оваа изјава го навлече гневот на Мароканците. Пепе доби илјадници закани и навреди на социјалните мрежи. Многу од нив беа расистички бидејќи поделбата на Африка на „арапска“ и „црна“ носи со себе повеќе расизам отколку во некои области каде што за проблемот се зборува повеќе.

Мароканците му ветија топло добредојде на Купот на африканските нации, кој го организираат од 21 декември до 18 јануари. Сепак, поради оваа изјава Пепе не доби покана од селекторот за Купот на Африка.

Пепе имаше и некои други контроверзни изјави во тоа интервју. Тој, исто така, ја навлече омразата на фановите на Кристијано Роналдо.

„Роналдо дава многу интервјуа и често го споменува Меси во нив. Тука можете да забележите зошто е број два. Тој замина во Саудиска Арабија за да даде 200 пенали и да достигне 1.000 гола во својата кариера. Дали го знаете цртаниот филм „Змејот Кгула“ и ликовите од него? Вегета е лик кој секогаш е лут и зборува многу, Гоку е оној кој зборува малку, но секогаш е најдобар. Јасно ви е тогаш кој е Вегета, а кој е Гоку.“

Foto/ depositphotos

Фудбалерите на Ајакс, во шестото коло, ја забележаа првата победа во Лигата на шампионите. Холандскиот тим победи во Азербејџан, кај Карабаг со 4:2. Во термиот од 18.45 часот се одигра уште еден натпревар, Копенхаген го шокира Виљареал во Шпанија, со победата 3:2.

Ајакс ги освои првите бодови во Лигата на шампионите и се искачи на 33-то место, додека Карабаг е на 21-во место со седум бода.

Клубот од Амстердам го започна натпреварот подобро, но тимот на Карабаг поведе.

По добро додавање од Џафаргулиев, Дуран реагираше брилијантно од левата страна на шеснаесетникот и го доведе својот тим во водство.

Ајакс успеа да израмни до крајот на првото полувреме, со голот на Каспер Долберг.

Штом започна второто полувреме, Карабаг по втор пат поведе, кога со малку среќа, Матес Силва потугна гол.

Ајакс сепак успеа да слави, откако фуриозно ги одигра последните 15 минути од натпреварот. Во 79-та минута изедначи Оскар Глук, а четири минути подоцна Антон Гаеи, со брилијантен удар го комплетираше пресвртот. Точка на победата стави Глук со својот втор гол.

Виљареал, уште еднаш непријатно ги изненади своите навивачи во Лигата на шампионите. Тимот кој игра изворедно во Шпанија оваа сезона, во ЛШ во првите шест кола освои само еден бод и се наоѓа на претпоследното место на табелата.

Копенхаген среде Шпанија ја потопи „жолтата подморница“ со голот на Корнелуис во 90-та минута.

На „Ла Керамика“, данскиот првак два пати водеше, Виљареал два пати се врати во мечот, но на крајот не можеше да го поништи голот на Кормелуис.

Мохамед Елјунуси ја погоди мрежата на Виљареал во втората минута, изедначи во 47-та Комесањ, а веќе во следниот напад Ачури му ја врати предноста на Копенхаген.

Олувасени изедначи на 2:2 во 56-та минута.

Foto/ EPA