Спорт
Семејството Димушевски се враќа на тркачкиот асфалт
Оваа сезона стартува новиот проект за првата македонска рели посада по пауза од повеќе од 20 години во состав Владимир Димушевски и Бранко Гушиќ
Едно од најпознатите македонски автомобилистички презимиња, членовите на семејството Димушевски, Александар и Влатко, повторно се враќаат на тркачките патеки. Со помош на Бранко Гушиќ како совозач, оваа сезона Влатко ќе настапи на рели шампионатот на Централно – европската зона (ЦЕЗ), а сето тоа под команда на неговиот татко и легендата на македонскиот автомобилизам, Александар како директор на тимот.
И покрај автомобилистичката традиција, рели натпреварите не заживеаа во нашата земја и досега, освен неколку индивидуални настапи во 90 – тите, Македонија немала меѓународна рели екипа.
„Целиот наш ангажман во македонскиот автомобилизам во изминативе 30 години секојпат ја имал пионерската улога како во тркачки, така и во организациски смисол. Релито како една од најтешките, најскапите и најкомплексните дисциплини во нашиот спорт остана како едно недополнето парче во нашиот мозаик. Ете, после долги години одлагања, конечно се одваживме на една ваква авантура. Оваа прва сезона ни е многу важно да учиме и да се подготвуваме за следната сезона да се обидеме со поконкурентно возило „да бркаме“ и добар пласман. Се надеваме дека ќе успееме да настапиме на неколку релија сезонава, се во правец на собирање на неопходното искуство“, изјави директорот на тимот Александар Димушевски.
Првата трка на која ќе настапи двоецот Димушевски – Гушиќ е овој викенд, односно на 10. јули на релито Мионица, Србија кое се бодува за ЦЕЗ рели шампионатот.
Димушевски, како поранешен трикратен првак на Македонија на кружни патеки и Бранко Гушиќ како негов долгогодишен тимски инжинер, ќе настапат како членови на тимот АКК Сити со рели возило „Hyundai i20 Coupe“ во класата „RC5“.
Возилото е подготвено од бугарскиот тим „MSA Motorsport Academy“ од Сливен кој воедно ќе ја дава и механичарската и логистичката поддршка за Влатко и Бранко. Со истото возило и со поддршка од бугарскиот тим, Димушевски и Гушиќ настапија и на релито Две езера кое во 2019 година се организираше во Охрид и Ресен.
„Да настапувам на рели трки отсекогаш ми било сон и предизвик, кој, еве конечно собравме храброст да го претвориме и во реалност. Сепак, и покрај големото искуство што го имам во текот на мојата кариера во натпреварите на ридски и кружни патеки, релито е сосема поинаков “ѕвер“ кој бара многу возачко искуство, поинаква возачка техника и стратегија. Затоа оваа прва година се решивме да се натпреваруваме со послабо возило во пониска класа пред се со цел да го собираме рели искуството кое ни недостасува“, вели Влатко Димушевски. На неговите зборови се надоврзува и совозачот Бранко Гушиќ.
„Долги години со Влатко сме биле нераздвојни во автотрките и заедно сме поминале преку стотина трки на ридски и кружни патеки, но да настапуваме заедно како екипаж на рели трки со вистинско рели возило отсекогаш ни било сон кој многу пати сме го разговарале и мечтаеле. Јас ќе ја имам улогата на совозач, првата проба ја имавме во 2019 година на релито Две езера во Охрид. Имавме амбициозен план, но за жал, поради ковид ситуацијата, продолжението на проектот се одложи дури за оваа сезона. Во Србија ќе се натпреваруваме против искусни рели екипажи кои веќе ја имаат традицијата на српскиот рели шампионат, но како што рековме, почнуваме со учење и со желба за наградба и напредок во овој проект“.
Релито Мионица е во вкупна должина од 200 километри од кои натпреварувачки се 69 километри,поделени во девет етапи, односно брзински испити. Сите етапи се возат во недела на 10.јули. На релито се пријавени 28 екипажи од три земји: Србија, Бугарија и Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Волтемаде со гол дебитираше а Њукасл, Борнмут победи и се изедначи со Арсенал и Ливерпул
Во петте натпревари од англиската Премиер лига одиграни од 16 часот, постигнати се само пет гола, од нив три на еден натпревар.
Повеќето работи што вреди да се споменат од денешните натпревари од четвртото коло се случија во Борнмут, каде што истоимениот домашен тим го победи Брајтон со 2:1.
Победата на Борнмут му ја донесоа стрелците Алек Скот и Антоан Семењо од пенал. Голот за Брајтон, за 1:1 во тој момент, го постигна Јапонецот Митома.
Ова беше трета победа на Борнмут од почетокот на сезоната и тие моментално го делат првото место со девет бода со Ливерпул и Арсенал, а „црвените“ имаат натпревар помалку.
Исто така и во Њукасл, каде што „страчките“ го победија Вулверхемптон со 1:0 со голот на најскапото засилување во историјата на клубот, Ник Волтемаде.
Тоа беше првиот гол за поранешниот напаѓач на Штутгарт во неговиот прв натпревар за новиот клуб.
WHAT AN INSANE GOAL WOLTEMADE – BEAUTIFUL
BEST STRIKER WE'VE HAD IN YEARSpic.twitter.com/zwcItIjY8N
— Dell 🇮🇹 (@agbnufc_) September 13, 2025
Фулам исто така победи попладнево, и тоа во финишот на натпреварот со автоголот на Габриел Гудмундсон во петтата минута од судиското продолжение за 1:0 против Лидс.
На натпреварите Евертон – Астон Вила и Кристал Палас – Сандерленд немаше голови.
Победата на Борнмут му ја донесоа стрелците Алек Скот и Антоан Семењо од пенал. Голот за Брајтон, за 1:1 во тој момент, го постигна Јапонецот Митома.
Ова беше трета победа на Борнмут од почетокот на сезоната и тие моментално го делат првото место со девет бода со Ливерпул и Арсенал, а „црвените“ имаат натпревар помалку.
Спорт
(Видео) Реал со играч помалку победи во Сан Себастијан
Фудбалерите на Реал Мадрид славеа како гости против Сосиедад (2:1), во четвртото коло од Ла Лига.
Чаби Алонсо, кој е особено поврзан со Сан Себастијан каде што порасна, имаше големи проблеми да триумфира со својот тим.
И покрај фактот дека „кралскиот“ клуб имаше водство од 2:0, отежнувачка околност беше црвениот картон за Дин Хајзен веќе во 32-та минута.
Во тој момент, Реал имаше предност благодарение на голот на Килијан Мбапе во 12-та минута.
Французинот асистираше за вториот гол кој го постигна Арда Гулер во 44-та минута.
Во раната фаза на второто полувреме Сосиедад добија пенал по играњето со рака на Дани Карвахал во сопствениот шеснаесетник, Микел Ојарзабал беше од белата точка во 56-та минута.
До крајот на мечот Тибо Куртоа ја сочува својата мрежа па Реал, кој се бранеше во текот на целото второ полувреме, ја запиша четвртата победа во исто толку натпревари. Негов следен ривал ќе биде Еспањол.
Сосидад остана на само два бода и моментално го зазема разочарувачкото 17-то место во првенството.
Спорт
Чебет златна на 10.000 метри, Краузер неприкосновен во фрлање ѓуле
Неверојатната трка и победа на Беатрис Чебет на 10.000 метри и демонстрацијата на моќ на Рајан Краузер во фрлање ѓуле го одбележаа првиот ден од Светското првенство во Токио.
Повеќе од 65.000 луѓе ја гледаа трката на 10.000 метри за жени на Олимпискиот стадион. Кенијките Чебет и Нгетич, Етиопјанките Цегај и Таџе и Италијанката Надја Батоклети се одвоија во раната фаза на трката.
Расплетот се случи во последниот круг. Чебет, актуелната светска рекордерка и олимписка шампионка, го забрза темпото, но на општо изненадување само Батоклети ја следеше. Кенијката, сепак, имаше поголема сила и го освои светскиот трон со време од 30:37.61.
Пресреќната Батоклети беше втора, 62 стотинки зад победничката, додека Чегај, која ја бранеше круната од Будимпешта, заврши на третото место.
Рајан Краузер, светскиа и олимписки шампион и светски рекордер не фрлаше никаде цела година. Тој дојде на Светското првенство во Токио и речиси рутински победи со 22,34 метри. Дури и неговиот втор најдобра резултат 21,99 ќе му донесеше уште едно светско злато. Ова е негов трет последователен триумф на светските првенства.
Сензација на денот е Мексиканецот Узиел Муњоз, кој го освои среброто. Во последната серија го фрли ѓулето на далечина од 21,97. Италијанецот Фабри стигна до бронзата со три сантиметри полошо резултат од Мексиканецот.
Новозеланѓанецот Волш исто така имаше 21,94, но поради полоша серија, остана без медал.
Денот заврши со победа на мешаната штафетна екипа на Соединетите Американски Држави на 4 x 400 метри. Дидмонд, Ирби-Џексон, Мекивер и Холмс се искачија на највисокото скалило на подиумот со време од 3:08,80.
Во финалето, среброто и го донесе на Холандија големата Фемке Бол, додека Белгија ја освои бронзата благодарение на одличниот финиш на Елен Понет, која ја престигна Понет од Полска во фото-финишот.
Foto/ EPA
Електронскиот отпад што гори во Трубарево ќе се гасне со песок
Електронскиот отпад што гори во Трубарево ќе се гасне со песок, информира директорот на Дирекцијата за заштита и спасување, Стојанче...
ИЈЗ објави препораки: Ако сте во непосредна близина на пожар останете дома и затворете ги прозорците
Институтот за јавно здравје, во насока на заштита на здравјето и благосостојбата на сите граѓани, соопшти дека во случај да...
Опасен отпад гори во Трубарево, нема насоки од властите за заштита од чадот
Во Трубарево горат електронски отпад и пластика, во делови од главниот град се чувствува силна миризба, а засега нема предупредувања...
Во Трубарево гори и пластичен отпад, Ангелов рече дека пожарот е подметнат и нема повредени лица
Директорот на Дирекцијата за заштита и спасување, Стојанче Ангелов, изјави дека големиот пожар кој денеска избувна во фабриката „Ф –...
(Видео) Драматични снимки од пожарот во Трубарево кадешто горат објекти за складирање на електронски отпад
Сериозен е пожарот што избувна во Трубарево и ги зафати објектите на Ф – ГРУПАЦИЈАТА која се занимава со електронски отпад....
(Видео) Ангелов: Се затрупува изворот на чад во Дрисла, термални камери и патроли во Вардариште, нов пожар избувна во Трубарево
Директорот на Дирекцијата за заштита и спасување, Стојанче Ангелов, денеска информираше за повеќе паралелни интервенции поврзани со пожари на скопските...
(Видео) Гори фабрика во Трубарево, црн чад се издигна над Скопје
Голем црн чад се издигна над главниот град, алармираат граѓаните од повеќе скопски населби. Директорот на Дирекцијата за заштита и...
ВМРО-ДПМНЕ со готови листи за советници и кандидати за градоначалници
ВМРО-ДПМНЕ објави дека целосно ги комплетирала листите за советници и кандидати за градоначалници за претстојните локални избори. Генералниот секретар на...
Тајлер Робинсон – од стипендист со блескава иднина до осомничен за убиството на Чарли Кирк
Тајлер Робинсон (22) од Јута, кој некогаш важел за одличен ученик и добитник на претседателска стипендија на Универзитетот „Јута стејт“,...
Агелер по повод 30 години дипломатски односи: Македонија и САД покажаа што значи вистинско пријателство
Оваа година се одбележуваат 30 години од воспоставувањето на дипломатските односи (13 септември 1995) меѓу Република Северна Македонија и Соединетите...
ВМРО-ДПМНЕ го прозва Коцевски: Не молчете за незаконското следење на Мицкоски
ВМРО-ДПМНЕ побара Јавното обвинителство и обвинителот Љупчо Коцевски веднаш да реагираат и да спроведат темелна и транспарентна истрага за, како...
Шабан Салиу – кандидатот за градоначалник на Шуто Оризари официјално е во коалиција со ВМРО-ДПМНЕ
На свечена церемонија во Скопје, претседателот на Демократските сили на Ромите (ДСР), Шабан Салиу го стави својот потпис на документот „Декларација...
(Видео) Вдовицата на Чарли Кирк: Немате поим што ослободивте
Ерика Кирк, сопруга на убиениот десничарски активист Чарли Кирк, одржа емотивен говор во седиштето на „Трнинг поинт УСА“ во Аризона....
Бабата на убиецот на Кирк тврди дека нејзиниот внук е невин: Збунета сум, немаме демократи во семејството
Бабата на 22-годишниот Тајлер Робинсон, уапсен под сомнение дека е одговорен за убиството на десничарскиот активист Чарли Кирк, тврди дека...
Денес топло време, од утре нестабилно со локален пороен дожд и грмежи
Времето денес ќе биде сончево и топло со мала до умерена локална облачност. Ќе дува слаб до умерен ветер претежно...
(Видео) Трамп: Ја решив војната меѓу Албанија и Азербејџан
Американскиот претседател Доналд Трамп, во гостување на „Фокс њуз“, изјави дека успеал да реши војна меѓу Албанија и Азербејџан –...
Имало три нови обиди за палење на „Дрисла“, Ангелов најави засилено обезбедување, полицијата разговара со вработените
Криминалистичката полиција разговара со вработените за можни потпалувачи, чадењето сè уште активно. Криминалистичката полиција денеска разговара со вработени во ЈП...
Собранието ја усвои Декларацијата за фер, слободни и демократски избори
Собранието на денешната пленарна седница ја усвои Декларацијата за одржување фер, слободни и демократски избори за членови на советите на...
Трамп: Губам трпение со Путин
Американскиот претседател Доналд Трамп изјави дека му снемува трпение со рускиот лидер Владимир Путин поради неговиот неуспех да ја заврши...
Убиецот го критикувал Кирк на вечера, на куршумите изгравирал „Еј фашист“ и „Бела чао“
ФБИ и гувернерот на Јута, Спенсер Кокс, потврдија дека уапсен е 22-годишниот Тајлер Робинсон за убиството на Чарли Кирк. Клучна...
