Спорт
Семејството на Галтие го чуваат телохранители по обвинувањата за расизам
Семејството на тренерот на Пари Сен-Жермен, Кристоф Галтие е под заштита на телохранители откако доби огромен број на закани по неговиот живот по објавувањето на обвинувањата за скандалозно расистичко однесување минатата сезона додека беше тренер на Ница.
Адвокатот на Галтие, Оливие Мартин, преку соопштение „целосно го демантираше“ објавеното и најави тужба против новинарот Роман Молина кој ги објави вестите. Во објавеното се тврдеше дека Галтие велел дека има „премногу црни и муслимански“ играчи во Ница, барал од своите муслимански играчи да не го почитуваат Рамадан и одбил да донесе засилување поради религијата на фудбалерот.
Според Молина, ова е објавено во електронска порака од спортскиот директор на Ница, Жулиен Фурние, кој не бил во најдобри односи со Галтие. Сепак, самиот Фурние го демантира ова велејќи дека „тајмингот на овие вести ме разбеснува исто колку и содржината“.
Француските медиуми објавија дека Галтие добил над 5.000 пораки и телефонски повици, од кои дел му се заканувале на неговиот живот, по што биле ангажирани телоранители. Во ПСЖ пак сметаат дека овие обвинувања излегуваат во јавноста поради притисокот кој го чувствува Галтие по слабата сезона во која беа елиминирани во Лигата на шампионите и водството на табелата е „стопено“ на само шест поени по два домашни порази.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Навивачите му порачаа на Гвардиола: Сакаме да останеш
Навивачите на Манчестер Сити за време на денешниот натпревар против Фулам во Премиер лигата истакнаа транспарент со кој го замолија тренерот Пеп Гвардиола да остане во фудбалскиот клуб.
Навивачите на Сити кренаа транспарент на кој на каталонски пишуваше: „Pep Guardiola — Volem Que Et Quedis!“, (Пеп Гвардиола – Сакаме да останеш).
Pep Guardiola – we want you to stay. Message on banner in home end at the Etihad Stadium. pic.twitter.com/apqluoxmwp
— Paul Hirst (@hirstclass) October 5, 2024
Договорот на Гвардиола истекува на крајот од сезоната, а тој се уште не донел одлука дали ќе остане на „Етихад“. Гвардиола во Сити дојде во 2016 година.
Гвардиола се понуди да им ги покрие трошоците на навивачите кои за да го внесат транспарентот платиле 1.000 фунти.
„Нека ми ја донесат сметката јас ќе платам. Не сакам да трошат пари на вакви работи, што да кажам? Ви благодарам многу“, изјави Гвардиола.
Тој го постигна најголемиот успех во клупската историја на Сити, вклучувајќи четири последователни титули во Премиер лигата. Сити шест пати беше шампион во последните седум години, а во 2023 година ја освои тројната круна – Премиер лигата, ФА Купот и Лигата на шампионите.
Со Гвардиола, Сити освои и два ФА Купа, четири Лига Купа, три Комјунити Шилд, Суперкупот на Европа и Светското клупско првенство.
Вкупно освои 18 трофеи во осум сезони на „Етихад“.
Минатата година тој рече дека е „поблиску“ до заминување, но одби да биде конкретен за неговите планови.
Спорт
(Видео) Победи со пресврт на Сити, Арсенал и Вест Хем, осум гола на мечот Брентфорд-Вулвс
Во саботната попладневна сесија, во натпреварите од седмото коло на Премиер лигата, победи забелажаа Арсенал, Манчестер Сити, Лестер и Вест Хем, а Брентфорд во спектакуларен натпревар со осум гола го победи последнопласираниот тим на табелата Вулверхемптон.
Резултати, 7.коло:
Арсенал – Саутемптон 3:1 (0:0)
Хаверц 58, Мартинели 68, Сака 88 – Арчер 55
Брентфорд – Вулверхемптон 5:3 (4:2)
Колинс 2, Мбуемо 20, Норгард 28, Пинок 45+2, Карваљо 90 – Куња 4, Ларсен 26, Еит Нури 90+3
Лестер – Бурнемаут 1:0 (1:0)
Буананоте 16
Манчестер Сити – Фулам 3:2 (1:1)
Ковачиќ 32, 47, Доку 82 – Переира 26, Муниз 89
Вест Хем – Ипсвич 4:1 (2:1)
Антонио 1, Кудус 43, Бувен 49, Пакета 69 – Делап 6
Спорт
(Видео) Кил освои бод кај шампионот, Борусија падна во Берлин
Фудбалерите на Баер Леверкузен и Борусија Дортмунд по победите во Лигата на шампионите непријатно ги изненадија своите навивачи во Бундес лигата. Актуелниот шампион Баер, на домашен терен испушти предност од два гола против дебитантот Кил, а Борусија загуби во Берлин од Унион со 2:1.
Бундес лига, 6.коло:
Унион Берлин – Дортмунд 2:1 (2:0)
Фохт 26 (п), Фертесен 45 – Рајерсон 62
Леверкузен – Кил 2:2 (2:1)
Бонифас 4, Хофман 8 – Гашвил 45+5, Арп 69
Бремен – Фрајбург 0:1 (0:0)
Доан 75
Бохум – Волфсбург 1:3 (0:2)
Боаду 72 – Томас 21, Ветер 37, 88