Спорт
Сензација во Каиро, Аргентина ја победи Хрватска

Аргентина забележа сензационална победа над Хрватска 23:19 (12:12), во Групата 2, на 27.Светско првенство во ракомет. Хрватските медиуми веќе го прогласија овој натпревар за најлош на оваа генерација ракометари и еден од најлошите во историјата на хрватската репрезентација. Со овој натпревар Хрватите на минимум си ги сведоа шансите за пласман во четврт-финалето.
Аргентина изненадувањето го најави во воведната фаза од натпреварот, кога поведе со 5:0. Хрватите првиот гол го постигнаа во 11.минута. До крајот на првиот дел, благодарение на варадровиот играч Иван Чупиќ, Хрватска успеа да дојде до 12:12. Чупиќ во првиот дел постигна седум гола од исто толку обиди.
Хрватска, на стартот од вториот дел, го имаше единственото водство на натпреварот, по што повотрно падна во „црна дупка“. Аргентина одговори со серија од три гола и до крајот не ја испушти предноста.
Доколку сакаат да играат во четврт-финалето, во последното коло Хрватите мора да ја победат Данска и во исто време Катар да забележи победа над Аргентина. Овие натпревари на програмата се во понеделник.
Чупиќ со седум гла беше најефикасен играч на натпреварот. Кај Аргентина шестмина се запишаа меѓу стрелците, најефикасен со четири гола беше Писаро.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Пулишиќ промаши пенал – Нула во дербито Јувентус-Милан

Фудбалерите на Јувентус и Милан одиграа без голови во натпреварот од 6-то коло на Серија А.
Ова беше 245-та средба меѓу двата тима, која на крајот заврши со најнепопуларниот резултат. Милан петти меч по ред не успеа да постигне гол против Јувентус, последен пат росонерите, постигнаа гол против екипата од Торино во мај 2023 година.
Кристијан Пулишиќ не ја искористи најдобрата шанса на натпреварот, промаши пенал во 53-та минута.
Неколку минути пред пеналот на Пулишиќ, нјдобрата шанса за Јуве не ја искористи Гати, неговиот удар од пет метри брилијантно го одбрани Мењон.
Милан беше многу поблиску до победата, имаше повеќе шанси, беше поконкретен од ривалот кој, освен гореспоменатиот обид на Гати, не направи речиси ништо конкретно во нападот.
Спорт
(Видео) Пресврт на „Марадона“ – Наполи ја победи Џенова

Фудбалерите на Наполи ја победија Џенова со 2:1 во натпреварот од 6-то коло на Серија А.
Наполи успеа да ја оствари својата петта победа оваа сезона во Серија А, откако по пресврт ги победи гостите од Џенова.
Џенова поведе во 33-та минута преку Екатор. Напаѓачот на Џенова постигна спектакуларен гол со петица.
Во второто полувреме, Наполитанците ја обезбедија победата. Изедначи Самбо Ангиса во 57-та минута за израмнување и надеж дека Наполи може да ја продолжи трката со Рома.
Голот за победа го постигна Расмус Хојлунд во 75-та минута. Данецот игра како прероден во Наполи, каде дојде на позајмица од Манчестер Јунајтед. Во средата, со два гола му ја обезбеди победата на наполи над Спортинг во Лигата на шампионите.
Наполи со оваа победа се изедначи со Рома на челната позиција, двата тима имаат по 15 поени.
Foto/ EPA
Спорт
(Видео) Лесно му е на Сити кога го има Халанд

Фудбалерите на Манчестер Сити го победија Брентфорд со 1:0 во последниот натпревар од седмото коло од Премиер лигата.
„Граѓаните“ беа големи фаворити пред натпреварот, добро го отворија натпреварот, делуваа сигурно во првиот дел, но во вториот не направија буквално ништо пред голот на противникот. Сепа за тимот на Гвардиола најважна е победата.
Единствениот гол на натпреварот беше постигнат во деветтата минута, кога голманот на Брентфорд го совлада Ерлинг Халанд.
Сити го забележа четвртиот триумф во сезоната, сега се наоѓа на петтото место на табелата со 13 бода, три помалку од лидерот Арсенал.