Женската ракометна репрезентација на Норвешка петти пат во историјата стана светски првак. Норвешка, во финалето на 27-то Светско првенство, ја победи Германија со 23:20 (11:11). Со победата во Ротердам, Норвежанките ги обединија трите круни, сега се актуелни европски, светски и олимписки шампионки. Германките можат да бидат горди на она што го постигнаа бидејќи стигнаа до светскиот медал, прв од 2007 година.

Катрин Лунде имаше 15 одбрани, Хени Рајстад постигна шест, Тејл Дејл пет, Нора Мерк и Ингивлд Бакеруд по три гола. 45-годишната голманка Лунде, на јадобар начин ја заврши кариерата во националниот тим, совкупно 21 медал од големите натпреварувања, а од светските првенства има седум медали, три од нив се златни.

За Германија, Катарина Филтер имаше девет одбрани, Емили Фогел, Виола Летер и Алина Гриселс постигнаа по четири гола.

Норвешка стигна до финалето во стилот на казнена експедиција. Имено, само Црна Гора успеа да избегне пораз во четвртфиналето со разлика помала од десет гола.

Во финалето влегоа како големи фаворити, но Германките скапо ја продадоа кожата. Пред се одиграа фантастично одиграа во , особено во беа добри во првиот дел, кога Норвешка никако не можеше да најде ритам во нападот.

Стартот на вториот дел, првите седум минути беа клучни за конечниот исход, во тој период Норвашка направи серија 4:1.

Германија стигна до 17:17, но тогаш на сцена стапи Рајстад, голманката Лунде и десното крило Ауне. Таа ги постигна последните два гола на мечот за Норвашка.

Во борбата за бронзениот медал, Франција ја победи Холандија во Ротердам со 33:31, по продолженија.

Капитенот на Ливерпул, Вирџил ван Дајк го коментираше моменталниот статус на Мохамед Салах.

Египќанецот се врати во тимот на „Црвените“ откако не патуваше со тимот во Милано за натпреварот против Интер во Лигата на шампионите (1:0). Во саботниот натпревар против Брајтон, тој влезе во игра во првото полувреме и даде голем придонес, со асистенција во победата 2:0.

Познато е дека Салах претходно изрази незадоволство од својот статус на „Енфилд“, но тоа прашање беше решено по разговорите со менаџерот Арне Слот.

Сепак, останува отворено прашање дали дуелот со Брајтон беше последен за Египќанецот во дресот на Ливерпул. Тој сега оди на Африканскиот куп на нации и во зависност од резултатите што Египет ќе ги постигне, би можел да се врати дури кон средината на јануари.

„Му кажав на Мо Салах дека сакам да остане. Нема да ви го кажам останатото“, рече капитенот на Ливерпул и дополни.

„Факт е дека тој сега оди на Африканскиот куп. Сите се надеваме дека ќе се врати и ќе биде важен за нас до крајот на сезоната, но од друга страна, сите знаеме како функционираат работите во фудбалот и немаме поим што ќе се случи.“

Foto/ depositphotos

Четири натпревари од 16-то коло од Премиер лигата беа одиграни во истиот термин од 15 часот. Сити убедливо го доби малото дерби на „Селхерст Парк“ во Лондон благодарение на новиот гол на Ерлинг Холанд, висока победа забележа Форест против Тотенхем, „Црните мачки“ славеа во локалното дерби против Њукасл со автогол од најдобриот стрелец на гостите, а Вила направи голем пресврт во Лондон против Вест Хем.

Фудбалерите на Пеп Гвардиола не блескаа, но во мечот со Кристал Палас влегоа полни со самодоверба, по триумфот над Реал во Мадрид. Со овој триумф Сити ја продолжи потерата по лидерот Арсенал.

Сити имаше предност по првиот дел со голот на Халанд, во вториот Фоден ја зголеми предноста во 69-та минута, а точка на натпреварот стави Халанд од пенал во претпоследната минута.

Сандерленд, продолжи со добрите изданија оваа сеозна. Повратникот во Премиер лигата, го доби локалното дерби против Њукасл со 1:0. Интересно едниствениот гол го постигна напаѓачот на Њукасл, Волтемаде, кога во 46-та минута ја погоди сопствената мрежа.

Нотингем Форест, без поголеми проблеми славеше со 3:0 над Тотенхем. Во победата на „шумарите“, два гола постигна Хадсон-Одои (28, 50-та минута) и Сангаре во 79-та минута.

Највозбудливиот меч го одиграа Вест Хем и Астон Вила. Славеа гостите, со пресврт во второто полувреме, благодарение на Морган Роџерс. Вила ја продолжи победничката серија, на табелата се наоѓа на теретото место со само три поени помалку од водечкиот Арсенал.

Foto/ depositphotos