Спорт
Сферопулос доби нов договор од Црвена звезда

Грчкиот тренер Јанис Сферопулос ќе потпише нов договор со Црвена звезда.
Како што дознава сајтот „Меридијан спорт“, Гркот ќе потпише нов договор со кој ќе биде обврзан во црвено-белиот тим до 2027 година.
Сферопулос оваа сезона одлично си ја врши работата со црвено-белите, особено во Евролигата, каде Црвена звезда по 19. коло има учинок од 11 победи и осум порази и моментално е на шестото место, што директно води во плеј-офот.
Кога станува збор за АБА лигата, Гркот по нешто полошиот старт успеа да го стабилизира тимот и да влезе во победничка серија која се уште трае.
Црвено-белите сега го делат првото место со Партизан и Будуќност со идентичен скор од 13 победи и два порази.
Минатата сезона, со Сферопулос на клупата, Црвена звезда успеа да освои три трофеи во АБА лигата, Купот Радивоје Корач и првенството на Србија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
МЗТ Скопје го крена Суперкупот, кај дамите славеше Баскет Кам

МЗТ Скопје повторно го крена пехарот во мак-баскетот, овојпат во Суперкупот на Македонија, совладувајќи го Кожув со 71-64. Иако важеше за аутсајдер, тимот од Гевгелија одигра храбро и му зададе многу проблеми на фаворитот, па исходот се решаваше во последните минути. За „штрковите“ ова е осмо трофејно одличје во натпреварувањето што ја отвора новата сезона.
Кожув одлично влезе во мечот и првата четвртина ја заврши со водство 11-18, а и на полувреме остана во плус (26-31). Но, МЗТ со серија преку Андоноски, Крстевски и Магдевски направи пресврт и замина на одмор со минимално водство (32-31).
Во продолжението, Парвис и Николоас беа движечка сила на Кожув и натпреварот остана неизвесен. Се менуваа водства (38-38, 43-44, 52-52), а пред последната четвртина МЗТ имаше тесна предност од три поени (55-52) благодарение на тројката на Војдан Стојановски.
Клучниот момент дојде во самиот финиш – при резултат 63-62, Стојановски повторно погоди од дистанца и донесе мир во редовите на аеродромци. Остатокот беше рутина – Дамјан Стојановски и Марин Петков од линијата за слободни фрлања ја потврдија победата.
Кошаркарките на Баскет Кам повторно го освоија Суперкупот на Македонија, откако во финалето беа подобри од Вардар со убедливи 63-44 и го одбранија трофејот.
Спорт
Сè погласни повици за суспензија на Израел од УЕФА и ФИФА, фудбалерите потпишуваат петиција

Сè повеќе се зборува за исклучување на Израел од сите фудбалски натпреварувања поради геноцидот што оваа држава го извршува во Газа, а УЕФА добива сè поголем притисок по тоа прашање.
Се очекуваше минатиот вторник УЕФА да донесе одлука за забрана за Израел, но тоа не се случи.
Сепак, исклучувањето на Израел е возможно во наредниот период бидејќи притисоците доаѓаат од сите страни.
Сега и фудбалерите го преземаат прашањето во свои раце.
Меѓу првите потписници на петицијата е 32-годишниот фудбалски ас Пол Погба, кој од оваа сезона го носи дресот на Монако, а на петицијата во моментов има уште 48 потписи од фудбалери.
Јасно е дека УЕФА ќе има голема работа, како и притисоци да не го исклучи Израел.
Сепак, како што стојат работите, сè повеќе се зголемува бројот на оние кои поддржуваат исклучување на Израел од фудбалските натпреварувања.
Како што пренесуваат медиуми од Англија, мнозинството претставници во УЕФА кои имаат право на глас се за тоа Израел да биде исклучен од сите натпреварувања под нивно покровителство, а истото се очекува да го направи и ФИФА.
Меѓународна група експерти од Обединетите нации пред неколку дена повикаа ФИФА и УЕФА да го суспендираат Израел од сите фудбалски натпреварувања, повикувајќи се на геноцидот во Газа.
Интересно е што УЕФА нема прецизна одлука што би се случило со бодовите за коефициенти кога станува збор ниту за клубовите ниту за репрезентацијата доколку натпреварите на Макаби Тел Авив бидат откажани во Лига Европа.
Веројатно репрезентациите би биле исклучени од тековните квалификации.
Спорт
Барса со пресврт до триумф против Реал Сосиедад и прво место во Ла Лига

Барселона со пресврт успеа да стигне до триумф против Реал Сосиедад, славејќи со 2-1 и преземајќи го врвот во Ла Лига со 19 бодови.
Гостите први се радуваа на овој дуел. Алваро Одриозола во 31. минута ја погоди мрежата на Барса и донесе предност за Реал Сосиедад.
Каталонците возвратија пред паузата. Жул Кунде по изведен корнер од левата страна со прецизен удар со глава израмни на 1-1.
Во продолжението, тренерот Ханси Флик го внесе Ламин Јамал, а младиот талент веднаш ја оправда довербата. Во 59. минута одлично му асистираше на Роберт Левандовски, кој ја реализираше шансата и ги постави конечните 2-1.
Со оваа победа, Барселона не само што ги освои трите бода, туку и ја презеде лидерската позиција во шампионатот.