Спорт
Шакира и Пике пред разделба? Фудбалерот на Барса „фатен“ во неверство
Шпанските таблоиди тврдат дека долгата љубовна врска помеѓу ѕвездата на Барселона, Жерард Пике и колумбиската поп-дива, Шакира е завршена, откако Пике бил фатен во неверство.
Според весникот „Ел Периодико“, Шакира дознала за неверството на Пике, по што тој живее сам во стан во центарот на Барселона, каде што честопати бил виден на ноќни забави со соиграчот Рики Пуиг.
Пике и Шакира беа заедно од 2011 година и иако не се во брак, имаат две деца заедно – деветгодишниот син Милан и седумгодишната ќерка Саша. Тие се сретнаа за време на снимањето на песната „Вака Вака“ на Шакира како официјална химна на Светското првенство во 2012 година.
?? [ @elperiodico ] Shakira caught Pique in an affair with another woman, and they will separate soon. Pique now lives alone in an apartment in Barcelona and he goes to a lot of parties at nights with Riqui Puig. #fcblive pic.twitter.com/HneFHJDjqs
— BarçaTimes (@BarcaTimes) June 1, 2022
??Exclusiva de ‘Mamarazzis’: “Shakira ha pillado a Piqué con otra”
➡@Laura__Fa y @lorena_vazquez desvelan todos los detalles de la crisis sentimental que viven el jugador del Barça y la cantante https://t.co/QT0vi2qFW4
— El Periódico (@elperiodico) June 1, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Премиер лигата им забрани на собирачите на топки да ја враќаат топката во игра
Премиер лигата воведе ново правило кое се однесува на момчињата кои ги собираат топките, пишуваат англиските медиуми. Тие повеќе нема да смеат да им ги фрлаат топките на играчите, туку ќе мора да ги ставаат на одредени места до теренот. Оваа измена е воведена за домашните екипи да не имаат неправедна предност.
Во последниве години, тренерите почнаа да им придаваат се поголемо значење на собирачите на топки, некои од нив дури лично да им даваат инструкции како да ја вршат својата работа.
Најчесто акцентот се ставаше на побрзо фрлање на топката кон играчите за да се забрза играта во обид да се изненади противникот. Исто така, собирачите на топки знаеја да прават мали опструкции кога нивниот тим ја има предноста.
Со воведувањето на оваа промена, Премиер лигата се обидува да создаде еднакви услови и за домашните и за гостинските екипи.
Спорт
Чаби Алонсо ги одби гигантите ќе остане во Леверкузен
Чаби Алонсо потврди дека и наредната сезона ќе го предводи Баер Леверкузен. Шпанецот со „фармацевтите“ е на добра пат да ја освои првата Бундес лигата во клупската историја. Неговиот тим, во сите натпреварувања од почетокот на сезоната, нема доживеано ниту еден пораз.
Чаби Алонсо долго време се поврзуваше со Ливерпул и Баерн Минен, клубови за кои играше во кариерата, но денес стави крај на тие шпекулации.
„Имав многу добри разговори со челниците на клубот и им кажав дека сакам да останам во Баер. Ова е најдоброто место за мене “, изјави Чаби Алонсо и продолжи:
„Нема да коментирам за Ливерпул или Баерн. Тие се големи клубови и јас сум поврзан со нив. Сепак, сега сум таму каде што сакам да бидам. Сега не е време да зборувам за иднината, сакам да се развивам понатаму во Баер. Веќе им ја соопштив одлуката на играчите “, рече 42-годишниот тренер.
Алонсо го презеде Леверкузен во октомври 2022 година, а пред тоа го тренираше вториот тим на Реал Сосиедад.
Спорт
Шекил: Сакам Симонс да ме научи како за 55 натпревари заработи 80 милиони долари
Изјавата на Шекил О’Нил во еден подкаст, во пресрет на почетокот на плеј-офот во НБА лигата, привлече големо внимание во САД.
Еден од најдобрите центри во историјата на кошарката, саркастично одговори на прашањето за кои играчи би платил карта да ги гледа во живо.
„Бен Симонс, затоа што сакам да научам како можеш да заработиш 80 милиони, а да одиграш само 55 натпревари. Научи ме човеку. Научи ме како можеш да одиграш 55 натпревари во три сезони и да добиеш 30 милиони, 40 милиони и уште 40 милиони само за да рекол дека го боли грбот“, рече четирикратниот шампион во НБА.
Симонс во 2016 година беше прв пик на драфтот, го избра Филалделфија, во чии редови беше до 2022 година кога се пресели во Бруклин Нетс. За Бруклин во првата сезона одигра 40 натпревари, а оваа само 15.