Спорт
Шампионскиот прстен на Милвоки преполн со дијаманти, смарагди и злато

Новата сезона во НБА лигата започна минатата ноќ. Минатосезонскиот шампион, Милвоки Бакс играше против тимот на Бруклин Нетс, аспирантот сезонава да стигне на пиедсталот во лигата. Сепак, популарните „елени“ не се предаваат така лесно.
Пред почетокот на натпреварот, традиционално Јанис Адетокумбо и другарите ги добија шампионските прстени како награда за освоената титула минатата сезона.
Прстените ги изработил Џејсон Арашебен од фирмата „Jason of Beverly Hills”.
Толку се големи прстените што се препорачува да се носат околу вратот. Спаѓаат меѓу најскапите во историјата на лигат, преполни со дијаманти, смарагди и злато, а секој детал има своја симболика.
Најважната новина е воведувањето на QR код, со чие скенирање се добива снимка од најважните моменти од походот кон титулата.
"Bucks in 6" ?
The Milwaukee Bucks' 2021 NBA championship rings are too clean. pic.twitter.com/OVByP5aJK9
— ESPN (@espn) October 19, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(ВИДЕО) Штутгарт обезбеди три гола предност против Хамбургер во битката за опстанок

Штутгарт го победи Хамбургер со 3:0 на домашен терен во првиот меч од плеј-офот за опстанок во Бундеслигата. Реваншот се игра на 5 јуни во Хамбург, а Штутгарт ќе замине со убедлива предност.
Мавропанос уште во првата минута донесе водство за Штутгарт, а Гираси потоа не реализира пенал.
Вагноман и Гираси на почетокот на второто полувреме постигнаа уште два гола за Штутгарт кој стигна до убедлив триумф.
Хамбургер од 69.минута играше со фудбалер помалку поради исклучувањето на Сухонен.
Borna Sosa takes the corner kick, and Serhou Guirassy takes the ball to the net from the lower right corner with an accurate headshot, making it to the top of the goal area. VfB Stuttgart 3-0 Hamburgerpic.twitter.com/WUnptvqLPb
— FootColic ⚽️ (@FootColic) June 1, 2023
Спорт
Бензема ќе остане во Реал Мадрид, тврди „Марка“

Францускиот ас Карим Бензема и неговото наводно заминување од Реал Мадрид и преселба во Саудиска Арабија, го кренаа светот на нозе. Саудискиот клуб Ал-Итихад го мами со неверојатна понуда од 400 милиони евра за две сезони, а дојдоа информации дека тој веќе прифатил, иако има устмен договор со Флорентино Перез да остане уште една сезона во „кралскиот клуб“.
Сепак, Бензема во интервју за „Марка“ изјави дека тоа што се пишува на интернет е далеку од реалноста, а сега влијателниот шпански медиум тврди дека Французинот ќе остане на „Сантијаго Бернабеу“ и следната сезона.
Спорт
Спалети е избран за тренер на годината во Серија А

Стратегот на Наполи, Лучијано Спалети, е прогласен за најдобар тренер во Серија А за сезоната 2022/23. Наградата ќе му биде врачена пред натпреварот од последното 38. коло во италијанското првенство, кога „партенопеите“ на 4 јуни ќе играат против Сампдорија.
Оваа сезона, Наполи стана шампион на Италија за првпат од 1990 година.
#LucianoSpalletti è l’allenatore dell’anno in Serie A https://t.co/FgCWPR2gII
— Il Mattino (@mattinodinapoli) June 1, 2023
Спалети претходно потврди дека го напушта тимот на крајот на сезоната.
Жирито кое ја додели наградата за најдобар тренер во Серија А беше составено од директори на спортски весници во Италија. Тие ги оценуваа тренерите индивидуално според спортско-техничките критериуми и квалитетот на играта на нивните тимови, како и однесувањето/фер-плејот за време на натпреварите.