Реал Мадрид во Тенерифе го пронајде првото засилување за следната сезона. Станува збор за Дејвид Крамер, 28-годишен германски бек шутерски.

Момчето родено во Словачка оваа сезона игра брилијантно на Канарските острови, па тимот од шпанската престолнина го гледа како идеален наследник на легендарниот Американец Џејси Керол.

Феноменалниот шутер од Вајоминг играше за Реал од 2011 до 2021 година, со исклучителни 42 отсто успешност во шутот за три поени. Тој заработи репутација на еден од најдобрите шутери на Стариот континент, а оваа сезона во АЦБ лигата, Крамер има подобри бројки од оние што го прославија Керол.

Иако минатата сезона во дресот на Сарагоса упати само 31% од своите удари надвор од линијата 6,75, поранешниот кошаркар на Улм и Брауншвајг сега експлодира.

Тој во моментов има просек од 12 поени и два скока во АЦБ лигата, со исклучителни 44 отсто шут за три поени. Сепак, во тековната кампања во Лигата на шампионите, со слична статистика (12,6 поени, 2,1 скока), тој погодува неверјатни 55 отсто од обидите за три поени.

Каталонскиот весник „Мундо Депортиво“, објави дека веќе е постигнат договор меѓу 28-годишниот кошаркар и клубот предводен од Чус Матео и дека тој сигурно на лето ќе стане член на Реал.

Крамер сезонава беше во центарот на вниманието кога постигна 43 поени во поразот на Германија од Шведска (72:73) во квалификациите за Евробаскетот.

По дебаклот на сите домашни фронтови, на Манчестер јунајтед му останува само Лига Европа да се бори за трофеј. Интересно е што тренерот на „црвените ѓаволи“, Рубен Аморим во моментов тоа не му е главна тема.

„Црвените ѓаволи“ во четврток, во Баскија ќе го одиграат првиот осминафинален натпревар против Реал Сосиедад.

Лига Европа не само што е единствената шанса за трофеј, туку е и единствената шанса за пласман во Лигата на шампионите.

Судејќи според она што го пренесува „Football Insider“, Португалецот му се доверил на пријател дека жали што го презел Манчестер јунајтед и дека играчите мислат дека се многу подобри отколку што навистина се. Станува јасно дека Аморим има поголеми грижи отколку да се подготвува за мечот против Реал Сосиедад во Сан Себастијан, што и самиот го призна на прес-конференцијата.

„Луѓето на Лига Европа гледаат како на натпреварување кое можеме да го освоиме, но и како на полигон за пласман во Лигата на шампионите. Но, да бидам искрен, мислам дека имаме поголеми грижи. Знам дека е ова звучи чудно, но мора да се обидеме да изградиме нешто овде и тоа треба да биде поважно во овој момент од триумфот во ова натпреварување“, изјави Аморим.

Легендарниот голман Петр Чех откри од кого се плашел од редовите на Манчестер јунајтед, дури и во неговите најславни денови…

„Вејн Руни отсекогаш бил тој. Кога игравме против Јунајтед, тој беше вистински кошмар. Можеше да ме лобува од половина терен, беше немилосрден. Тој е секогаш агресивен во пресингот, никогаш не се откажува и не ви дава ниту момент“, изјави поранешниот голман на Челзи и Арсенал и додаде: „Дури и тренерот на голманите секогаш ми го потенцираше Руни. Има многу начини да си „играте“ со противниците и да им го нарушите ритамот, но најдобрите секогаш успеваат да најдат начин да се справат со тоа. Токму затоа сакав да се натпреварувам во Лигата на шампионите и во Премиер лигата.

Чех и Руни во кариерата се сретнале 27 пати, а најдобриот напаѓач во историјата на „црвените ѓаволи“ славел 10 пати. Чешкиот голман триумфираше во 11 наврати, а шест дуели завршија без победник.

Поранешниот менаџер на Плимут му даде 10 гола на сегашниот голман на хокеарскиот клуб Оксфорд Сити Старс, од кои седум во Премиер лигата. Ниту еден друг играч не постигнал толку голови против Чех.