Спорт
Шарл Леклер ја презеде одговорноста за инцидентот
Шарл Леклер претрпе тежок судир во третата етапа од квалификациите за Големата награда на Холандија и ќе мора да стартува како деветти на утрешната трка, со која продолжува сезоната во Формула 1 по едномесечната летна пауза.
Тој влезе пребрзо во деветтиот свиок и не можеше да го контролира болидот на повлажниот дел од патеката. Тоа доведе до силен удар во заштитната ограда.
По сесијата, Леклер ја презеде вината за инцидентот, кој создаде многу работа за механичарите на Ферари. Многу е веројатно дека тие исто така ќе мора да го сменат менувачот, што може да резултира со казна од пет места, бидејќи Леклер веќе ги искористи своите дозволени четири преноси за сезоната.
Leclerc skidded off onto the grass and took a fairly hefty hit to the barriers 💥
Pride bruised, otherwise okay 👍#DutchGP #F1 pic.twitter.com/L7avBtLK9V
— Formula 1 (@F1) August 26, 2023
„Требаше да ги видам снимките од тимот бидејќи не направив ништо поразлично од нормалното. Овој викенд болидот е многу тежок за возење. Мораме да се обидеме да се подобриме што е можно побрзо. Сега е многу тешко да се разбере и предвиди однесувањето на болидот. Во свиоците 9 и 10 имаме проблеми уште од првиот круг вчера. Уште тогаш знаевме дека тоа се двата свиоци на кои треба да се фокусираме, но досега не најдовме ништо. За денеска немам оправдување. Го возев болидот и згрешив, но морам да кажам дека овој викенд болидот е многу тежок за возење“, изјави Шарл Леклер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино си заминува од Челзи
Од Англија пристигнуваат вести дека аргентинскиот тренер Маурисио Покетино ќе го напушти Челзи.
„Сините“ сезоната во Премиер лигата ја завршија на шестото место со 63 бодови.
Со ова изборија пласман во Конференциската лига, што секако не соодветствува со амбициите на клубот.
BREAKING: Mauricio Pochettino is leaving Chelsea as head coach after one season in charge 🚨🔵 pic.twitter.com/8Forlxrsdj
— Sky Sports Premier League (@SkySportsPL) May 21, 2024
Особено по огромните инвестиции кои ги имаше Челзи, а Покетино мораше да го плати цехот.
По завршувањето на сезоната, Аргентинецот имаше средба со челниците на клубот и со заедничка одлука беше решено двете страни да се разделат.
Се уште не е познато кој е во плановите на раководството на Челзи за негов наследник.
Спорт
Хезоња за својата иднина: „Немам идеја“
Кошаркарот на Реал Мадрид, Марио Хезоња изјави дека се уште нема поим што ќе се случува со неговата кариера во иднина.
Договорот на хрватскиот кошаркар со „кралскиот клуб“ истекува на крајот од сезоната, па прашање на сите прашања е дали тој ќе остане во Мадрид.
„Немам идеја. Флорентино Перез ми се заканува секој пат кога ќе ме види во трпезаријата дека морам да останам овде. Се надевам дека е така. Сите работиме да биде така“, изјави Хезоња за Ел Мундо.
Грчките медиуми го поврзаа со Панатинаикос, а има навестувања и за други потенцијални дестинации за најдобриот стрелец на Реал.
Хезоња сезонава имаше просек од 13,7 поени и 4,4 скока на 36 натпревари во Евролигата.
Хезоња и Реал во петок се соочуваат со фајналфорот во Евролигата, а во полуфиналето во Берлин ќе играат против Олимпијакос, што ќе биде реприза на ланското финале во кое подобри беа избраниците на Чус Матео.
Спорт
Англија со најголемите ѕвезди ќе настапи на ЕУРО 2024
Селекторот на Англија, герет Саутгејт го објави спискот на фудбалери за ЕУРО 2024. На спискот има 33. фудбалери, што значи дека до почетокот на првенството ќе седуммина од кои еден сигурно ќе биде голман.
На ЕП нема да патува долгогодишниот член на националниот тим, Џордан Хендерсон.
Списокот на Саутгејт:
Голмани: Дин Хендерсон, Џордан Пикфорд, Арон Рамсдејл, Џејмс Трафорд
Одбрана: Џеред Брантвајт, Луис Данк, Џо Гомез, Марк Гуеи, Езри Конса, Хари Мегваер, Лук Шо, Џон Стоунс, Киеран Трипиер, Кајл Вокер.
Среден ред: Трент Александар-Арнолд, Конор Галагер, Кертис Џонс, Коби Мајно, Деклан Рајс, Адам Вартон, Џерод Боувен
Напад: Џуд Белингем, Џерод Бовен, Еберечи Езе, Фил Фоден, Џек Гралиш, Ентони Гордон, Хари Кејн, Џејмс Медисон, Кол Палмер, Букајо Сака, Ајван Тони, Оли Воткинс.
Англија на ЕП е во Ц групата заедно со Данска, Словенија и Србија.