Спорт
Шчесни: Изборивме место на ЕП, во спротивно ќе се повлечев од репрезентацијата
![](https://makfax.com.mk/wp-content/uploads/2024/03/501990.jpg)
Полскиот голман Војчех Шчесни изјави дека ќе се пензионирал од националниот тим доколку неговата репрезентација не се пласирала на Европското фудбалско првенство.
Во вторникот вечерта, на натпреварот меѓу Полска и Велс во Кардиф, по 120 минути игра немаше голови, па победникот беше решен по изведувањето на пенали. Шчесни ја однесе ПОлска на Европското првенство откако го одбрани пеналот на Ден Џејмс во петтата серија.
„Нема психологија, ги анализирав изведувачите на пенали, што не направи разлика, бидејќи сите почнаа да шутираат во средината, а никој од нив претходно не шутирал така“, изјави голманот на Јувентус, пренесуваат италијанските медиуми.
Полска на пенали го победи Велс со 5:4.
„Кога ќе дојде до решавачкиот пенал, тогаш притисокот е врз изведувачот, а не врз голманот. Има огромен притисок врз играчот при изведувањето на решавачкиот пенал, мислам дека овој пат беше на Џејмс“, изјави Шчесни.
За голманот на Полска ова ќе биде четврто последователно Европско првенство на кое настапува, а досега во дресот на националниот тим се појавил 81 пат.
Европското првенство ќе се одржи од 14 јуни до 14 јули во Германија, а Полска е во групата Д со Холандија, Австрија и Франција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Фишер го урна светскиот рекорд на 3.000 метри во сала
![](https://makfax.com.mk/wp-content/uploads/2025/02/Untitled-1-12.jpg)
Американскиот атлетичар Грант Фишер испиша историја на „Millrose Games“ во САД.
Фишер го собори светскиот рекорд во трката на 3.000 метри во сала со време од 7:22.91.
Со тој подвиг го собори рекордот на Ламеча Гирма од Етиопија (7:23.81).
Второпласираниот Кол Кукер истрча неверојатни 7:23.14, исто така побрзо од претходниот рекорд.
Третото место му припадна на Џими Гресие од Франција со 7:30.18, поставувајќи нов национален рекорд.
Каи Робинсон го собори австралискиот рекорд со време од 7:30.38.
Спорт
(Видео) Дејвис се повреди во дебито за Далас – Маверикс го победија Хјустон
![](https://makfax.com.mk/wp-content/uploads/2025/02/1739053613-Entoni-Dejvis.jpg)
Далас Маверикс во првиот меч пред домашната шублика, по трејдот на Лука Дончиќ, во дербито на тексас го победија Хјустон со 116:105. Спектакуларно деби имаше Ентони Дејвис.
Ол стар играчот, кој како дел од размената за Дончиќ пристигна во Далас, за нешто помалку од 31 минута на теренот забележа 26 поени, 16 скокови, седум асистенции и три блокади. Особено импресивен беше во првото полувреме, кое го заврши со 24 поени, 13 скокови, пет асистенции и три блокади.
Она што може да биде проблем за Далас е што Дејвис се повреди во третиот период. Замина во соблекувалната не се врати на теренот.
Anthony Davis went to the locker room after suffering a non-contact injury on this play.
(via @BleacherReport)
pic.twitter.com/X1sSp5LvTC— Yahoo Sports (@YahooSports) February 8, 2025
Далас фуриозно го отвори натпреварот, во еден момент, во втората четвртина, Маверикс водеа со 21 поен разлика, а во првиот дел постигнаа 65 поени.
Хјустон успеа да се врати во мечот, ја намачли разликата на четири поени, но Далас сепак до крајот успеа да ја задржи контролтата. Во последната четвртина лесно ја одржуваа преноста помеѓу седум и девет поени.
Покрај Дејвис во тимот на Далас најефикасни беа Кристи со 23 и Маршал со 16 поени. Ирвинг и Томпсон постигнаа по 13 поени.
За Хјустон Шенгун постигна 30 поени со осум скока, Грин 24 поени, а Томпсон 20 со седум украдени топки.
Далас сега има биланс од 28 победи и 25 порази, Хјустон има 32 победи и 20 порази.
Спорт
(Видео) Брајтон го елиминира Челси од ФА купот
![](https://makfax.com.mk/wp-content/uploads/2025/02/Untitled-1-11.jpg)
Фудбалерите на Брајтон успеаја да направат големо изненадување и да го елиминираат Челзи во четвртото коло на ФА Купот.
„Галебите“ беа подобри на домашен терен по пресвртот од 2:1.
Челзи поведе по само пет минути игра кога голманот на Брајтон, Вербурген, ја смести топката во сопствената мрежа.
Сепак, предноста на Челзи не траеше долго, бидејќи Брајтон успеа да израмни во 12. минута кога погоди Жоржињо Рутер.
Со тој резултат играта отиде во долга пауза, за во второто полувреме да дојде до пресврт.
Победата на Брајтон му ја донесе асистентот за првиот гол, Јапонецот Митома во 57.минута.