Спорт
Шефот на Ред Бул тврди дека Хамилтон сакал да го напушти Мерцедес

Шефот на Ред Бул, Кристијан Хорнер, откри дека Луис Хамилтон разговарал со неговиот тим и Ферари пред да го продолжи договорот со Мерцедес.
Британските медиуми во мај објавија дека Хамилтон е во преговори со Ферари. Сепак, Хамилтон и шефот на Ферари, Фредерик Васер, ја демантираа оваа информација.
Претставниците на британскиот возач наводно стапиле во контакт со челниците на Ред Бул, бидејќи Хамилтон наводно сакал да вози во истиот тим со актуелниот шампион во Ф1, Макс Ферстапен.
Британските медиуми потсетуваат дека Хамилтон претходно неколку пати изјави дека Мерцедес е единствениот тим во кој сака да ја продолжи кариерата.
„Имавме неколку разговори во текот на годините за доаѓањето на Луис. Бевме контактирани во неколку наврати. Неодамна, на почетокот на годината, имаше прашања дали ќе има интерес. Тој исто така се сретна со (претседателот на Ферари) Џон Елкан. Мислам дека тие разговори беа сериозни… Тоа беше околу трката во Монако (во мај)“, рече Хорнер.
На крајот на август Хамилтон (38) го продолжи договорот со Мерцедес до 2025 година. Тој според новиот договор треба да заработи 100 милиони фунти за две сезони.
„Секако дека имало разговори, можеби и со Васер. Но Елкан секако имало. Не можам да ги видам Макс и Луис како работат заедно. Динамиката не би била добра. Ние сме 100 отсто задоволни од тоа што го имаме”, изјави шефот на Ред Бул.
Хорнер не сакаше да открие кој во име на Хамилтон контактирал со него.
„Дејли мејл“, шпекулира дека тоа би моќел да биде таткото на возачот Ентони или менаџерката, Пени Тау.
Хамилтон е член на Мерцедес од 2013 година, а во кариерата освои седум титули во Формула 1 шампионатот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сполстра е новиот селектор на САД

Тренерот на Мајами Хит, Ерик Сполстра, е новиот селектор на кошаркарската репрезентација на Соединетите Американски Држави.
Сполстрај го наследи Стив Кер на клупата на националниот тим, а целта е злато на Светското првенство во 2027 година и Олимписките игри една година подоцна во Лос Анџелес.
Откако беше главен асистент на Кер за време на Олимписките игри во 2024 година во Париз, каде што Американците го освоија златниот медал, Сполстра сега е именуван за главен тренер за следниот циклус.
Сполстра, кој целата своја НБА кариера ја помина во Мајами, со кого освои две шампионски титули (2012 и 2013 година), се смета за еден од најпочитуваните тренери во лигата.
Неговото искуство, тактичка зрелост и работа со суперѕвезди како Леброн Џејмс, Двејн Вејд и Џими Батлер го прават логичен избор за национална репрезентација која секогаш се стреми кон златниот медал.
Стив Кер ја предводеше репрезентацијата на САД на Светското првенство во 2023 година кога ја освоија четвртата позиција и на Олимписките игри во 2024 година, но тој го објави своето пензионирање уште порано. Изборот падна на човек кој веќе е дел од системот, што значи континуитет и јасна визија за иднината.
Следните Олимписки игри ќе се одржат во САД, што дополнително ги зголемува очекувањата и притисокот.
Спорт
Арнаутовиќ за историја, „десетка“ на Австрија против Сан Марино

Фудбалската репрезентација на Австрија го декласира Сан марино со 10:0 во квалификациите за пласман на Светското првенство. Мечот го обележа Марко Арнаутовиќ кој стана најдобриот стрелец во историјата на австрскиот национален тим.
Марко Арнаутовиќ, фудбалер на Црвена звезда постигна четири гола. Тој ги постигна вториот, седмиот, деветтиот и десеттиот гол во натпреварот,што му беше доволно да влезе во историјата на австриската репрезентација.
Австрија води во Х групата со максимални 15 поени, БиХ има натпревар повеќе и два бода помалку од Авастријците, Романија е трета со седум бода, Кипар има пет, а Сан Марино е без освоен бод.
Спорт
(Видео) Басконија против ПАО се врати од -17 па загуби со звукот на сирената

Кошаркарите на Панатинаикос, на гостински терен, ја победија Басконија со 86:84, во третото коло, во Евролигата. Натпреварот со звукот на сирената го реши Кендрик Нан.
Тимот на Ергин Атаман водеше тимот од самиот почеток, а во третата четвртина имаше предност и од 17 поени.
Домашните не се предадоа, ја стопија разликата, а потоа во финишот на четири секунди пред крајот, Форест намерно го промаши второто слободно фрлање, фати офанзивен скок и израмни.
Сепак, Кендрик Нан беше побрз од сирената и погоди тежок шут од далечина за победа. Нејасно е зошто домашните не направија фаул, бидејќи беа надвор од бонусот.
Нан беше најефикасен со 30 поени и шест скока. Осман му се придружи со 20 поени и осум скока, додека Ернангомез постигна 15 поени со 10 скока.
Басконија имаше неколку играчи со двоцифрен број поени. Дијало и гореспоменатиот Форест (6ск, 6ас) имаа по 15 поени, додека Луваву беше најефикасен со 16 поени.
Kendrick Nunn is not from this world🐐☘️. AURA✨. pic.twitter.com/4r46uQpCka
— Ángel Egusquiza González (@AngelEgusquiz86) October 9, 2025
Евролига, 3. коло:
Басконија – Панатинаикос 84:86
Армани – Монако 79:82
Партизан – Ефес 93:87
Париз – Виртус 90:79
Реал Мадрид – Асвел 85:72
петок:
19.45 Фенербахче – Црвена звезда
20.15 Олимпијакос – Дубаи
20.30 Барселона – Валенсија
20.30 Баерн – Жалгирис