Спорт
Шефот на Ред Бул тврди дека Хамилтон сакал да го напушти Мерцедес

Шефот на Ред Бул, Кристијан Хорнер, откри дека Луис Хамилтон разговарал со неговиот тим и Ферари пред да го продолжи договорот со Мерцедес.
Британските медиуми во мај објавија дека Хамилтон е во преговори со Ферари. Сепак, Хамилтон и шефот на Ферари, Фредерик Васер, ја демантираа оваа информација.
Претставниците на британскиот возач наводно стапиле во контакт со челниците на Ред Бул, бидејќи Хамилтон наводно сакал да вози во истиот тим со актуелниот шампион во Ф1, Макс Ферстапен.
Британските медиуми потсетуваат дека Хамилтон претходно неколку пати изјави дека Мерцедес е единствениот тим во кој сака да ја продолжи кариерата.
„Имавме неколку разговори во текот на годините за доаѓањето на Луис. Бевме контактирани во неколку наврати. Неодамна, на почетокот на годината, имаше прашања дали ќе има интерес. Тој исто така се сретна со (претседателот на Ферари) Џон Елкан. Мислам дека тие разговори беа сериозни… Тоа беше околу трката во Монако (во мај)“, рече Хорнер.
На крајот на август Хамилтон (38) го продолжи договорот со Мерцедес до 2025 година. Тој според новиот договор треба да заработи 100 милиони фунти за две сезони.
„Секако дека имало разговори, можеби и со Васер. Но Елкан секако имало. Не можам да ги видам Макс и Луис како работат заедно. Динамиката не би била добра. Ние сме 100 отсто задоволни од тоа што го имаме”, изјави шефот на Ред Бул.
Хорнер не сакаше да открие кој во име на Хамилтон контактирал со него.
„Дејли мејл“, шпекулира дека тоа би моќел да биде таткото на возачот Ентони или менаџерката, Пени Тау.
Хамилтон е член на Мерцедес од 2013 година, а во кариерата освои седум титули во Формула 1 шампионатот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Трагедија на финалето на Лигата на нации

Трагедија го засени напнатото финале на Лигата на нации што го играа Португалија и Шпанија во Минхен. По регуларниот дел и продолженијата, резултатот беше 2:2, па победникот беше решен со пенали. Португалија беше поуспешна и славеше.
Но, на крајот од првото продолжение се случи трагедија. Навивач, чија возраст и националност сè уште не се познати, падна од една од највисоките трибини на Алијанц Арената и почина.
„На стадионот во Минхен се случи ситуација во која беше потребна интервенција на службите за итна медицинска помош. И покрај напорите на лекарите да го спасат животот на жртвата, тој за жал почина во 00:06 часот. Нашите мисли се со неговите најблиски во ова тешко време“, објави УЕФА.
Шпанскиот селектор Луис де ла Фуенте, исто така ја коментираше трагедијата. По пристигнувањето на прес-конференцијата, тој рече: „Прво, сакам да изразам сочувство до семејството на навивачот кој почина“.
Шпанските медиуми пишуваат дека веднаш по падот, работниците од обезбедувањето и итните служби се упатиле кон навивачот и дека, покрај тоа што му помогнале, го покриле местото на несреќата со чаршафи за никој да не може да фотографира од жртвата. Иако за несреќата се знаело на трибините, натпреварот продолжил.
Спорт
Мастантуоно потпиша за Реал

Франко Мастантуоно, аргентинското чудо од дете, потпиша за Реал Мадрид. Фудбалерот на Ривер Плата, потпиша договор со мадридскиот клуб на шест години.
Мастантуоно брзо доби повик во репрезентацијата на Аргентина, за која неодамна дебитираше. Тој претставува врвен талент, а Реал мораше да потроши дури 45 милиони евра за да го доведе во своите редови. Мастантуоно ќе наполни 18 години во август, што би значело дека треба да игра на Светското клупско првенство.
Покрај Реал, заинтересиран за Аргентинецот бешеи ПСЖ.
Тој ја покрива позицијата играч од средниот ред, а многумина во Мадрид го гледаат како замена за сегашната легенда на клубот, Лука Модриќ, кој е на прагот да се пресели во Милан.
🚨🤍 BREAKING: Franco Mastantuono to Real Madrid, here we go! Argentinian top talent will join Madrid on six year deal.
$45m fee to be paid in installments. ⭐️🇦🇷
Formal steps to follow next week with River Plate now asking for Franco to play Club World Cup then leave in August. pic.twitter.com/PDgYV3u6g2
— Fabrizio Romano (@FabrizioRomano) June 8, 2025
Спорт
Левандовски ги шокираше Полјаците: Нема повеќе да играм за репрезентацијата

Напаѓачот на Барселона и капитен на полската репрезентација, Роберт Левандовски, објави дека повеќе нема да игра за националниот тим додека Михал Пробиеж е на нејзино чело.
„Поради моменталната ситуација и губењето на довербата во тренерот, решив да не играм за националниот тим сè додека тој е на таа позиција. Се надевам дека во иднина повторно ќе го носам дресот на националниот тим за најдобрите навивачи во светот“, изјави Левандовски преку социјалните мрежи.
Пробиеж ја презеде репрезентацијата во септември 2023 година, но под негово водство Полска беше елиминирана како прва екипа од Европското првенство во 2024 година. И покрај лошиот резултат, претседателот на Фудбалскиот сојуз Чежари Кулеша изјави дека селекторот ја има поддршката од Сојузот.
На најдобриот полски фудбалер во историјата очигледно тоа не му се допадна.
Левандовски дебитираше за националниот тим во 2008 година и досега постигна 85 гола, што го прави најдобар стрелец во историјата на националниот тим.