Спорт
Шеиците наредиле „чистка“ во ПСЖ, заминува и Серхио Рамос

ПСЖ и оваа сезона нема да ја освои Лигата на шампионите. Откако минатата сезона беше елиминиран од Реал, оваа сезона Баерн Минхен беше подобар од францускиот шампион со вкупни 3:0. Така, по којзнае кој пат од доаѓањето на катарските инвеститори се повтори сценариото во кое ПСЖ релативно рано испаѓа од Лигата на шампионите.
Тоа значи и нова реконструкција на тимот. Се очекува Нејмар да го напушти клубот на крајот на сезоната, но тој најави дека сака да остане. Клубот посакува останатите две големи ѕвезди Килијан Мбапе и Лионел Меси да останат во тимот и следната сезона, а „Л’Екип“ откри кој ќе мора да си замине.
Најпознатиот француски спортски медиум пишува дека на трансфер листата се наоѓаат играчите од средниот ред Карлос Солер, Ренато Санчес и Фабијан Руиз. Сите дојдоа во клубот минатото лето, но не ги оправдаа очекувањата и шеиците му наредиле на спортскиот директор Луис Кампос да се ослободи од нив за да се направи простор за нови капитални засилувања.
Освен нив, отпишан е и левиот бек Хуан Бернат, а најверојатно ПСЖ на крајот од сезоната нема да го откупи договорот на Хуго Екитика, младиот напаѓач кој настапуваше во Париз како позајмен играч на Ремс. Најголемото име кое ќе го напушти клубот на лето секако е Серхио Рамос. На шпанскиот стопер му истекува договорот, а ПСЖ не е подготвен да му понуди нов, па ќе го пушти бесплатно да си замине.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Тадиќ се договорил со Црвена звезда?!

Шампионот на Србија, фудбалскиот клѕб Црвена звезда, по трансферот на Марко Арнаутовиќ, подготвува уште една „бомба“ на трансфер пазарот. Медиумите во оваа земја тврдат дека часови го делат Душан Тадиќ од трансфер во црвено-белиот клуб.
Тадиќ треба да им се придружи на црвено-белите пред двомечот со полски Лех во квалификациите за Лигата на шампионите.
Со Тадиќ и Марко Арнаутовиќ во тимот, црвено-белите би имале повеќе од респектабилен тим дури и за концептите на европската елита.
„Генералниот директор на црвено-белите Звездан Терзиќ успеа во она што се обидуваше да го направи во претходните недели, бидејќи Тадиќ се согласи на сите понудени услови во среда вечерта и потпиша договор со актуелниот шампион на Србија“, пишува „Мондо“.
Терзиќ неодамна откри дека ако Тадиќ се согласи на понудата на Звезда, ќе стане најплатениот фудбалер во историјата на српскиот фудбал. Се шпекулира дека со бонусите плата на Тадиќ би била три милиони евра.
„Тој е паметен човек, многу размислува за фудбалот, тактиките, кога го слушам како размислува, ќе биде одличен тренер, сè ќе му биде полесно ако ја заврши кариерата во Звезда“, рече Терзиќ пред неколку дена.
Тадиќ пристигнува во Црвена Звезда откако ја заврши двегодишната соработка со турскиот гигант Фенербахче, а пред тоа го носеше дресот на Ајакс, Саутемптон, Твенте, Гронинген и Војводина, каде што ја започна својата сениорска кариера.
Се шпекулираше дека и Атлетико Мадрид бил заинтересиран за него, но двете страни не успеале да постигнат договор, а Војводина од Нови Сад исто така се надеваше дека ќе го врати во своите редови.
Во својата кариера, Тадиќ постигна 231 гол со 265 асистенции во 770 натпревари. За Србија има рекордни 111 настапи и 23 гола и 40 асистенции.
Спорт
Манчестер jунајтед почна преговори за потписот на Шешко

Претставниците на Манчестер јунајтед одржаа првични разговори со колегите од Лајпциг околу трансферот на Бенјамин Шешко, објавија денес британските медиуми.
Јунајтед е заинтересиран да го потпише напаѓачот во летниот преоден рок, а 22-годишниот словенечки репрезентативец е на врвот на нивната листа на желби, објави „Скај спортс“.
Прелиминарни разговори се одржаа и со менаџерот на Шешко, но нема да биде лесно да се постигне договор за финансиите.
Њукасл е исто така заинтересиран за Словенецот, но се верува дека напаѓачот на Лајпциг претпочита да се пресели на „Олд Трафорд“. Јунајтед е заинтересиран за Шешко веќе неколку години и го следи неговиот развој.
Покрај Шешко, клубот од Манчестер е заинтересиран и за Оли Воткинс од Астон Вила и Николас Џексон од Челзи.
Сепак, цените и структурата на плаќање за овие играчи се сметаат за превисоки во оваа фаза, објави „Скај спортс“.
Иако Шешко би можел да чини повеќе од Воткинс, се верува дека може да се постигне поповолна структура со Лајпциг.
Скај објави дека се очекува Лајпциг да ја искористи трансферната сума на Уго Екитике, кој замина во Ливерпул, како референтна вредност во преговорите за Шешко. Екитике му се придружи на Ливерпул за почетни 69 милиони фунти со дополнителни 10 милиони фунти во бонуси.
Се вели дека Шешко има џентлменски договор со Лајпциг и клубот нема да му застане на патот доколку пристигне соодветна понуда.
Foto/ EPA
Спорт
Поранешен играч на Барса сериозно повреден – го каснало куче за гениталиите

Поранешниот фудбалер на Барселона, Карлес Перез, беше хоспитализиран, по бизарен инцидент. Куче го каснало за гениталиите додека го шетал својот миленик.
Перез, играч на Арис од Солун, бил во прошетка кога неговиот миленик бил нападнат од друго куче. 27-годишникот се обидел да ги раздели, во обид да спречи евентуални повреди, но наместо тоа, тој го извлекол подебелиот крај.
Се здобил со длабока рана во препоните, откако кулето скитник го каснало за гениталиите. Итно бил префрлен во болница и, како што е наведено, е во сериозна состојба.
Информациите од Солун покажуваат колку е сериозна ситуацијата, според кои лекарите размислуваат за можна операција за санирање на штетата.
Во меѓувреме, успеаја да го стабилизираат, но иако неговиот живот не е загрозен, состојбата на фудбалерот Арис е опишана како сериозна.
Перез кариерата ја започна во колата на Барселона. Дебитираше за првиот тим во сезоната 2019/2020, одигра 11 натпревари и постигна еден гол. Следеа периоди во Рома и Селта, а потоа и траен трансфер во клубот од Виго. Потоа помина една година во Хетафе, а оваа сезона беше позајмен на петтопласираниот тим од грчката Суперлига, Арис.
Фото/ Принскрин