Спорт
Шекил ги стиша навивачите, па заедно пееја за Коби (видео)
Два дена по трагичната смрт на Коби Брајант, неговиот поранешен соиграч Шекил О’Нил ги предводеше навивачите собрани пред „Стејплс центарот“ во извици за неговиот пријател.
Снимките кои се појавија се од вторникот, откако 47-годишниот О’Нил се појави на специјалната емисија на „ТНТ“ за Брајант, во која имаше емотивно обраќање за својот поранешен соиграч.
Only right for @SHAQ to lead a chant for Kobe in LA ✊
(via omerdrinks/IG) pic.twitter.com/Tn0ImG0Jmo
— NBA on TNT (@NBAonTNT) January 29, 2020
Претходно, О’Нил, заедно со Двејн Вејд, Чарлс Баркли и Кени Смит се појавија на комеморацијата во чест на Брајант, кој загина покрај својата 13-годишна ќерка Џана во хеликоптерската несреќа во неделата. Тој беше емотивен во обраќањето и на крај заврши во солзи.
„Не сум почувствувал толку остра болка многу одамна. Веќе нема да можеме да се шегуваме за влезот во Куќата на славните. Тоа е единствено што ми недостасува да му кажам сега. Посакувам да комунициравме повеќе. Но, такви сме. Кога ќе се видевме имаше почит и љубов. Неговата ќерка Џиџи беше фантастичен кошаркар. Би сакал да е тука, да му кажам нешто“, изјави О’Нил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.