Барселона денес го пречекува Виљареал на својот стадион во рамките на 37-то, претпоследно коло од Ла Лига. Натпреварот нем никаква жаност за Каталонците бидејќи тие веќе ја обезбедија титулата, додека Виљареал со триумф, во пресрет на последната рунда ќе си обезбеди место во Лигата на шампионите.

Тренерот Ханси Флик потврди дека ќе има ротација во тимот и ја најави можноста за почетен состав кој би можел да влезе во клупската историја.

Каталонскиот гигант ја обезбеди титулата на две кола до крајот, со победа од 2:0 над градскиот ривал Еспањол. Откако, во петокот го прослави освојувањето на шампионската титула, како и трофеите во Купот на кралот и Суперкупот на Шпанија, Флик на прес-конференција објави промени во тимот.

Тој откри дека размислува да го започне тимот исклучиво со играчи кои произлегле од Ла Масија, познатата младинска академија на Барселона.

„Разговаравме за потенцијалниот состав со сите 11 играчи од Ла Масија. Постои шанса да го направам тоа, но сè уште не сум донел конечна одлука“, рече германскиот стратег.

Доколку оваа ротација навистина се случи, Барселона прв пат во клупската историја, во официјален натпревар, по започнале со сите единаесет играчи во стартниот состав кои се продукти на Ла Масија.

Манчестер сити ќе ја заврши сезоната без трофеј, исто така ќе остане и без капитенот Кевин Де Брујне, кој сè уште не знае каде ќе ја продолжи кариерата.

Веќе е познато дека белгискиот фудбалер ќе го напушти Сити и ќе започне ново поглавје во својата кариера, но сè уште не е познато каде ќе биде тоа. Чикаго Фаер и Наполи покажуваат интерес, меѓутоа, постои интерес и од клубови од Англија.

Де Брујне, зборуваше за на оваа тема по поразот во финалето на ФА Купот против Кристал Палас (1:0).

„Дали ќе останам во Англија? Зависи од тоа кој би дошол со понуда… Имам семејство, деца, морам да донесам одлука штоќе им одговара на сите. Одлуката е комплексна“, рече Де Брујне.

Постои интерес од северно-американската МЛС лига, а Де Брујне вели дека сè уште сака да игра фудбал на највисоко ниво.

„Разговарам со други клубови, да. Сакам да играм добар фудбал, каква и да е одлуката.“

Де Брујне го напушта Сити по десет години на стадионот „Етихад“.

Лионел Меси и Кристијано Роналдо ќе бидат запаметени како едни од најдобрите играчи на сите времиња. Нивната борба во Ла Лига траеше со години, а Аргентинецот се осврна на споменатото ривалство.

Во интервјуто што го даде за официјалната веб-страница на наградата „Златна топка“, Меси истакна како соперништвото со Роналдо влијаело врз двајцата:

„Против него, секогаш беше борба. Спортски, беше прекрасно. Се туркавме еден со друг да бидеме подобри бидејќи двајцата сме исклучително конкурентни. Тој (Кристијано) секогаш сакаше да победи во сè, како и јас. Беше прекрасно време за нас, како и за луѓето кои го сакаат фудбалот.“

Во периодот од 2008 до 2023 година, тие освоија дури 13 награди „Златна топка“, осум пати лауреат беше Меси, пет пати Кристијано.

Меси и Роналдо ја одбележаа ерата на „Ел Класико“ во 21 век. Тие му дадоа на натпреварот помеѓу Барселона и Реал Мадрид една нова димензија, а одиграа еден против друг дури 30 натпревари во Шпанија.

Последниот судир во кој беа еден против друг беше кога Интер Мајами гостуваше кај Ал Наср во Саудиска Арабија.

8️⃣🌕 for Messi & 5️⃣🌕 for Ronaldo.

Messi reflects on his immense rivalry with Ronaldo for the Ballon d'Or. Between 2008 and 2023, they won the trophy 13 times! What is your favourite memory of the battle between the two most successful Ballon d'Or winners?#ballondor pic.twitter.com/9CVkK1pqwn

— Ballon d'Or (@ballondor) May 17, 2025