Спорт
Шест клуба од Премиер лигата се соочени со одземаење бодови
Неколку клубови од Премиер лигата се во трка со времето за да ги усогласат своите операции со регулативите за финансиски фер-плеј на натпреварувањето.
Според прописите кои беа воспоставени уште во 2013 година, клуб кој акумулира долг од повеќе од 105 милиони фунти за период од три години, се санкционира со одземање бодови.
Шест клуба во моментов се изложени на ризик: Евертон, Нотингем Форест, Њукасл, Челзи, Астон Вила и Лестер.
Сите тие имаат рок до 30 јуни да продадат еден или повеќе играчи, во зависност од тоа колку должат, за да не ја започнат следната сезона во Премиер лигата со минус на бодовното салдо.
Минатата сезона, Нотингем Форест и Евертон беа казнети поради истата причина, но успеаја да го сочуваат статусот во Премиер лигата.
На „шумарите“ им беа одземени четири бода, а на Евертон шест бода.
Интересно е што на крајот Евертон помина подобро од Нотингем, иако сумата што ја должи клубот над 105 милиони е поголема од онаа што Форест ја прикажа како долг.
За споменатите клубови продажбата на играчи не е проблем како таква, туку тоа што треба да ги продадат во најкус можен рок.
Затоа, најверојатно ќе мора да ја намалат цената како што се приближува последниот ден од тековниот месец. Ова е повторно добра можност за заинтересираните клубови да пазарат по одреден попуст.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пикси: Не бевме вреќа за удирање
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.
Спорт
Српските фудбалери со концерт од свирежи испратени од стадионот во Минхен
Фудбалската репрезентација на Србија го заврши настапот на Европското првенство. Во конкуренција на Англија, Данска и Словенија, Србите освоија два бода и завршија на последното место во групата.
Во последното коло, на Србите им требаш победа над Данска, но не успеаја. На крајот од натпреварот со концерт од свирежи беа испратени од околу 30.000 свои навивачи на стадионот во Минхен.
Репрезентативците на Србија по завршувањето на натпреварот сакаа да им се заблагодарат на повеќе од 30.000 српски навивачи кои ги бодреа, но добија свирежи, навреди, а во еден момент навивачите фрлаа пластични чаши кон нив.
Спорт
Ц групата го изедначи негативниот рекорд на ЕП
На шест натпревари во групата Ц, во која партиципираа Србија, Англија, Словенија и Данска, беа постигнати само седум гола, што на ЕП се случило само уште еднаш од воведувањето на групната фаза (1980).
Во првото коло Англија ја победи Србија (1:0), а Данска и Словенија ремизираа (1:1). Во второто Словенија и Србија, односно Данска и Англија одиграа 1:1. Последното трето коло во оваа група донсе два натпревари (Србија-Данска и Словенија-Англија) без голови.
Претходно, во 2016 година беа постигнати седум гола. Интересно и тогаш во прашање беше Ц групата. На ЕУРо 2016 во Франција во групата играа Германија, Полска, Северна Ирска и Украина.