Спорт
Шестмина сигурно ќе останат во Јунајтед, сите други се на продажба

Манчестер јунајтед секојдневно е тема во англиските медиуми. Славниот клуб Божик го дочека на 13.место во Премиер лигата, што е најлош пласман од 1986 година.
Шок терапијата на „Олд Трафорд“, заминувањето на Ерик Тен Хаг и ангажманот на Рубен Аморим, барем сасега не донесе резултат. Португалецот Аморим досега забележа четири победи и порази и едно реми.
Јасно е дека Аморим подготвува промени во тимот кој не го селектираше. Најголем дел од играчите дојдоа во мандатот на Тен Хаг.
Според медиумите во Англија, Аморим составил листа на играчи кои мора да останат во клубот, сите останати можат да си заминат. Листата е кратка, на неа се: Андре Онана, Матијс де Лихт, Лени Јоро, Нусаир Мазрауи, Коби Мејно и Амад Диало.
Аморим верува дека тие се иднината на клубот и дека сака тимот ќе го гради околу нив.
Познато е дека први во редот за заминување се Маркус Рашфорд, Хари Мегваер, Виктор Линделоф, но интересно ќе биде доколку пристигнат понуди за досега незаменливите Бруно Фернандеш, Лисандро Мартинез, Диого Далот, како и скапо платените Антони, Расмус Хејлунд и талентираниот Алехандро Гарначо, кој исто така падна во втор план.
Се шпекулира дека Џошуа Зиркзе би можел да се врати во Италија во зимскиот преоден рок, а исто така сигурно е дека последните денови во Манчестер ги бројат Касемиро, Кристијан Ериксен…
Нема сомнеж дека 2025 година веројатно ќе биде најтурбулентната година на „Театарот на соништата“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Миовски се враќа во Шкотска, ќе потпише за Глазгов Ренџерс

Македонскиот репрезентативец Бојан Миовски се враќа во Шкотска. Џирона и Глазгов Ренџерс го договориле трансферот. Миовски ќе гоо стави потписот на договорот со „полицајците“ кога ќе ги мине лекарските прегледи, кои се најавени до крајот на денот.
Бојан Миовски две сезони блескаше во дресот на Абердин, во кои постигна 44 гола. Минатото лето реши да се пресели во Шпанија, за да игра во Лигата на шампионите. Џирона за него на Абердин му плати 8.500.000 евра.
Во Каталонија немаше добра сезона, постигна четири гола во 25 натпревари во сите натпреварувања, но речиси не играше во вториот дел од сезоната, поради повредите, но и поради одлука на тренерот.
Неговиот статус не се смени ниту во новата сезона и покрај тоа што беше стартер во првото коло против Рајо Ваљекано (0:2). Миовски одигра 45 минути, а потоа беше заменет кога голманот Газанига доби црвен картон.
Во второто коло и убедливиот пораз од Виљареал, Миовски воопшто не беше во составот на Џирона и тогаш беше јасно дека во клубот повеќе не сметаат на него.
Џирона реши да го продаде напаѓачот и покрај тоа што имаше до јуни 2028 година.
Глазгов Ренџерс за Миовски на Џирона ќе и плати 5.000.000 евра.
Foto/ EPA
Спорт
Челниците закажале состанок со Аморим

Манчестер јунајтед, во средата доживеа шокантна елиминација од Лига купот од членот на Четвртата лига Гримзби.
Поразот во медиумите беше означен како најголем срам во клупската историја. Логично е дека елиминацијата предизвика потреси во клубот.
Рубен Аморим не успева да ги спроведе своите идеи, а за време на репрезентативната пауза се очекува да разговара со клупските челници, објавува „Дејли меил“.
Португалецот истакна дека нешто мора да се промени, но да се сменат 22 играчи е невозможно. Медиумите оваа изјава ја протолкуваа како знак на заминување.
Сепак, во клубот не размислува за такво сценарио, иако Аморим нема победа во првите две кола од Премиер лигата. Ќе видиме дали оваа шлаканица во Купот ќе ги раздвижи „црвените ѓаволи“, кои потрошија повеќе од 200.000.000 евра во овој преоден рок.
Фото/ Принтскрин
Спорт
Шкендија ги дозна противниците во Конференциската лига

Македонскиот шампион Шкендија ги дозна противниците во главната фаза во Конференциската лига.
Софтверот на УЕФА одреди Шкендија да игра дома со Слован Братислава, Јагиелонија и Шелбурн, а клубот од Тетово ќе гостува кај Рајо Ваљекано, Дрита, АЕК Ларнака.
Распоредот на натпреварите и станицата УЕФА ќе го објави во недела.
Првото коло е закажано за 2 октомври, а шестото коло ќе се игра на 18 декември. Првите осум екипи на крајот од лигашката фаза директно ќе влезат во осминафиналето од натпреварувањето, а екипите од 9-то до 24-то место ќе ја играат плеј-оф за пласман во осминафиналето.
Финалето на Конференциската лига ќе се игра на 27 мај во Лајпциг.
Foto/ dailysports.net