Спорт
Шевченко: Не треба да се плашиме од Англија, во фудбалот се е можно!
Селекторот на фудбалската селекција на Украина, Андриј Шевченко синоќа оствари голама победа со своите избраници против селекцијата на Шведска, па заслужено противникот на Македонија од групната фаза на ЕУРО 2020 е во четвртфинале.
„Одлучивме да ги осигураме страните, барав играчите од среден ред многу да работат, му ја променив улогата на Јармоленко. Се обидовме да ја контролираме играта, тимот ги почитуваше моите упатства. Двата тима одиграа одлично, беше интересен меч. Планот кој го избравме успеа. Благодарен сум им на навивачите кои дојдоа да не поддржат. Дојде моето семејство, навистина сакав да победиме“ рече Шевченко.
Следниот предизвик за Украина е Англија, четвртфинале на 3. јули во Рим.
„Англија е одличен тим, имаат врвни играчи и на клупата, неверојатен стручен штаб. Свесни сме колку ќе биде тешко. Ги гледав нивните мечеви во групната фаза, но не и оној против Германија затоа што тогаш се подготвувавме за нашиот натпревар. Многу е тешко да им дадеш гол, но нивната сила не треба да не плаши, туку да не мотивира. Се е можно во фудбалот, како и во животот“ – рече легендата на украинскиот фудбал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Кошаркарите во Даблин ја победија Ирска
Кошаркарска репрезентација на Македонија ја постигна втората победа во претквалификациите за Евробаскет 2029. Македонија, во Даблин ја совлада Република Ирска со 76:88 (27:20; 13:22; 22:19, 14:27).
Лоша прва, одлична втора и брилијнтан последна четвртина одиграа македонските кошаркари, во мечот од второто коло, во А групата.
Лошо влегоа во натпреварот играчите на селекторот Марјан Илиевски, имаа негатива од седум поени по првите 10 минути, а на почетокот на вториот период, Ирска ја оствари најфисоката предност (31:20).
Двоцифрениот минус ги разбуди макеоднските репрезентативци, кои во продолжението го презедоа водството благодарение на серијата 15:2.
Во третиот перио
д двете репрезентации се менуваа во водство, па Ирците во решавачката четвртина влегоа со предност од еден поен.
Македонија го заклучи мечот со серијата 18:5, ја забележаа втората победа со која се лидери во групата.
Андреј Јакимовски со 26 и Џејкоб Вајли со 20 поени беа најефикасни во македонската репрезентација.
Следниот натпревар, Македонија ќе го одигра на 27.февруари 2026 против Луксембург во Скопје.
Фото/ Кошаркарска федерација на Македонија
Спорт
Аталанта ја продолжи агонијата на Фиорентина
Во дуел меѓу два тима од кои се очекуваше многу повеќе оваа сезона, Аталанта успеа да ја победи Фиорентина со 2:0 (1:0).
Ова е прва победа на Аталанта во Серија А од 21 септември, а Фиорентина и по 13-то коло се уште е без победа.
Во првото полувреме немаше сериозни шанси, Аталанта беше малку поконкретна, но без реализација до 41-та минута.
Потоа, по сосема обична акција на Аталанта и вратена топка од Де Кетеларе, Косону се обиде да центрира, а на крајот топката заврши во мрежата за 1:0.
Веќе на почетокот на второто полувреме, беше 2:0, карамбол по изведен корнер, топката стигна до Локман, кој рутински постигна гол за 2:0.
Foto/ EPA
Спорт
(Видео) Челзи со играч помалку му зеде бод на Арсенал
Без победник заврши лондонското дерби на „Стемфорд Бриџ“, Челзи и Арсенал одиграа 1:1.
Исклучително добар натпревар одиграа Челзи и Арсенал, ма крајот освоија по еден бод. И двата тима можат да бидат задоволни, особено домашниот тим, со оглед на тоа што останаа непоразени, иако играа со десет играчи на теренот од 37-та минута кога Каиседо беше исклучен.
Првото полувреме не беше толку квалитетно, играчите на двата тима беа доста груби, а тоа резултираше со црвен картон за играчот на Челзи, Каиседа, по исклучително груб прекршок. Судијата Ентони Тејлор првично му покажа жолт картон, но по повик од ВАР собата и прегледано видео, заслужено го исклучи Еквадорецот во 37-та минута.
Во првото полувреме имаше уште две ситуации вредни за споменување, по кои Арсенал можеше да поведе. Прво, кога Сака имаше добра шанса во 13-та минута, но неговиот удар го одбрани Санчез без поголеми проблеми.
Потоа, на крајот од првиот дел од играта, „се обиде Рајс од од 17 метри, но интервенцијата на голманот на Челзи беше фантастична.
На почетокот од првото полувреме, во 48-та минута, голема радост за домашните навивачи. По корнерот на Џејмс, Чалоба ја испрати топката во противничката мрежа со глава – 1:0.
Сепак, Арсенал брзо израмни, веќе во 59-та минута, овој пат Сака создаде шанса, прекрасно центрираше од десната страна, а изедначи Микел Мерино.
Потоа немаше големи шанси, иако се играше во жестоко темпо. Повеќе напаѓаше Арсенал, логично поради нивната бројчена предност, но имаа само сериозна шанса за водство на крајот од натпреварот.
Поточно, во 89-тата минута, Мерино шутираше прецизно од 16 метри, а Санчез повторно брилијантно одбрани исто како на крајот од првото полувреме.
Арснеал остана лидер на табелата со 30 поени, пет повеќе од Манчестер Сити и шест од Ќелзи и Астон Вила.
Foto/ EPA

