Спорт
Шифрин алпска „кралица“ во Шладминг, го урна рекордот на Стенмарк

Американката Микаела Шифрин победи на славната патека во Шладминг во последниот слалом од Светскиот куп пред Олимпијадата во Пекинг, за да го урне рекордот на Ингемар Стенмарк за победи во една дисциплина.
До епската победа Шифрин дојде од петтото место по првото возење, за на крајот да биде за 0.15 секунди побрза од својата најголема ривалка, Петра Влхова и да ја забележи својата 47. победа во слалом, една повеќе од легендарниот Стенмарк, кој победи во 46 велеслаломи во 1970-тите и 1980-тите.
„Многу плачам во последно време. Ова како да не се случуваше вечерва, навистина нереално“, изјави Шифрин, која исто така има вкупно 73. победа во Светскиот куп со што е на третото место на вечната листа, на 13 од рекордот на Стенмарк.
Шифрин најави дека ќе учествува на сите пет индивидуални трки на Олимпијадата во Пекинг, каде што ќе е меѓу фаворитките во слаломот, велеслаломот и алпската комбинација.
"Mikaela Shiffrin says: '???? ???? ?? ??? ???!'"
The American skier takes the lead in the Schladming slalom ?#FISAlpine pic.twitter.com/6CGFTnx6G2
— Eurosport UK (@Eurosport_UK) January 11, 2022
⛷#FISAlpine | #Schladming ??
MIKAELA #SHIFFRIN ?? SCRIVE LA STORIA!
La statunitense diventa l'atleta più vincente di sempre in una specialità dello sci alpino! ?
47 vittorie in slalom, superato Ingemar Stenmark ?? (46 in gigante).pic.twitter.com/KUxpjYHRdX
— Vita Sportiva (@vitasportivait) January 11, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
ФИФА листа: Македонија е на 63-то место

Македонската фудбалска репрезентација назадуваше на новата ранг-листа на ФИФА за најдобрите селекции во светот.
Македонија се наоѓа на 63-то место, што во однос на претходното рабгирање, преставува пад од една позиција.
Фудбалската репрезентација на Македонија, на почетокот на овој месец загуби од Саудиска Арабија (2:1) во пријателски натпревар и го победи Лихтенштајн (5:0), о квалификациите за пласман на СП.
Пред Македонија, меѓу другте на листата се Јордан, Република Ирска, ДР Конго, Саудиска Арабија, Ирак, Чиле, Мали, Јужна Африка…
На новата ранг листата на ФИФА има промени на врвот. Аргентина повеќе не е број 1, „гаучосите“сега се на третата поцизија. Нов лидер е Шпанија, пред Франција, додека Англија ја задржа четвртата позиција.
Португалија напредуваше за едно место и моментално е петта репрезентација во светот. Бразил падна на шестото место, по што следат Холандија и Белгија.
Хрватската фудбалска репрезентација го подобри својот пласман за едно место и сега е деветта на ранг-листата на ФИФА, додека италијанската репрезентација е на десеттата позиција.
Следната ранг-листа на ФИФА ќе биде објавена на 23 октомври.
Foto/ ffm.mk
Спорт
Сити домаќин на Наполи, Барселона гостува кај Њукасл

Вечерва со нови шест натпревари ќе биде комплетирано првото коло во Лигата на шампионите. Погледите на фудбалската јавност ќе бидат насочени кон Англија, во Манчестер, Сити ќе го пречека италијанскиот првак Наполи, а во Њукасл ќе гостува Барселона.
Натпреварот на „Етихад“ стадионот во Манчестер ќе биде емотивен за домашниот клуб и неговите фанови, Кевин Де Брујне ќе го предводи Наполи. Бегиецот минатото лето по 10 години го напушти Сити, откако клупските челници не му понудија нов договор. Де Бријне ја прифати понудата од Наполи и веќе се наметна како лидер во тимот.
Менаџерот на домашниот тим Пеп Гвардиола подели комплименти за противникот од Неапол.
„Тимот што ја освои Серија А – тоа значи дека тренерот и играчите завршија неверојатна работа. Кога ќе ја освоите титулата, секој играч секогаш игра максимално. Каде и да бил Антонио Конте, тој оставил свој белег. За мене, титулата на Наполи не е изненадување“, додаде Гвардиола.
Сити игра променливо од почетокот на сезоната, стартуваше со победа во Премиер лигата, потоа загуби два натпревари, а викендов лесно славеше над градскиот ривал Јунајтед. Од друга страна Наполи дојде во Англија во одлично расположение. Шампионот на Италија забележа три победи во Серија А против Фиорентина, Каљари и Сасуоло.
Сепак, Конте повикува на претпазливост, но исто така истакнува дека е среќен што се враќа на стадионот на Манчестер сити.
„Секогаш е емотивно бидејќи ова е најважното европско натпреварување и ни овозможува да се вратиме на фантастични стадиони како овој. Бев тука и претходно со моите клубови Челзи и Тотенхем, но ова ми е прв пат да играм против Манчестер сити во Европа“, рече Конте.
Манчестер сити го победи Наполи двапати во 2017 година, со 2:1 и 4:2.
„Не го знаев тоа! Секако ќе биде тежок натпревар, бидејќи Манчестер сити освои практично сè што беше можно да се освои во последните неколку години. Зборуваме за врвен клуб со врвен тренер. Доаѓаме тука со голема скромност, но и желба да разбереме не каде сме сега, бидејќи ова е само почеток на проектот што го започнавме минатата година, туку дали растеме според планот“, објасни Конте.
Лига на шампиони, 1.коло:
Бриж – Монако 18.45 часот
Копенхаген – Баер Леверкузен 18.45
Ајнтрахт Франкфурт – Галатасарај 21.00
Манчестер сити – Наполи 21.00
Њукасл – Барселона 21.00
Спортинг Лисабон – Каират 21.00
Спорт
Иџе овој викенд во Хрватска ќе одбележи голем јубилеј – 200. трка во својата кариера

Игор Стефановски – Иџе, најтрофејниот македонски автомобилист, овој викенд во Хрватска ќе одбележи голем јубилеј – 200-та трка во својата кариера.
На патеката во Бузет ќе се вози последната трка од ФИА Европскиот шампионат на ридски патеки (EHC) за 2025 година, каде Иџе ќе настапи со својот Ферари 488 B8, автомобил специјално подготвен за овие патеки. На оваа трка се пријавени дури 241 возач, а Стефановски ќе настапи со бројот 32.
Годинава, во генералниот пласман од првата група на шампионатот, Иџе се наоѓа на втората позиција, а само за потсетување, тој веќе е носител на европската титула во ова натпреварување, во група 1.
„Со силна возбуда, сакам да најавам дека очекувам добра трка. Посакувам да постигнеме одличен резултат и во овој шампионат. Благодарност до мојот неверојатен тим, тимот на Ферари, до моите спонзори и до сите Вас кои ни давате безрезервна поддршка. Оваа трка е посебна, затоа што со неа одбележувам 200 настапи во кариерата – предизвик кој ме мотивира уште повеќе“, изјави Стефановски.
Иџе ја започна својата кариера во 2001 година на патеките во Скопје, а повеќе од две децении подоцна зад себе има богато искуство, титули и победи што го вбројуваат меѓу најдобрите европски возачи на ридски патеки. Во изминатите 199 трки има 83 победи и 122 подиуми.
фото: фејсбук