Манчестер јунајтед, синоќа, го победи Брентфорд со 3:1. Покрај триумфот, дуелот мина во знакот на незадоволството на Кристијано Роналдо, кој го напушти теренот во 71.минута. Менаџерот, Ралф Рангник, објаснил зошто го заменил Португалецот.

„Зошто јас? Зошто мене ме вадиш од игра?“, открил Рангник, што му рекол Роналдо и потоа ја образложил одлуката.

„Го направив тоа во интерес на тимот. Мислам дека тоа беше нормална одлука. Водевме 2:0, резултат што го имавме и во претходниот меч со Астон Вила (на крајот заврши 2:2). Почувствува дека е најдобро предноста да ја браниме со тројца централни дефанзивци. На клупата ги имавме Рашфорд и Марсијал. Зошто и нив да не ги искористиме? Роналдо е напаѓач кој сака да постигнува голови, но не треба да заборави дека за три дена не очекува нов натпревар“.

Манчестер јунајтед, викендов ќе го пречека Вест Хем.

Федералниот суд на Австралија, четири дена по пресудата со која му ја укина визата на Новак Ѓоковиќ, ги објави причините, зошто тројцата судии донеле таква одлука. „Присуството на Ѓоковиќ во Мелбурн би ги охрабрил оние кои мислат дека движењето против вакцинација е рационално“, смета судот.

Новак Ѓоковиќ, во 11 дена имаше две судења во Мелбурн. На првото визата му беше вратена, но откако министерот за имиграција, Алекс Хок, повторно му ја укина визата, судот ја потврди неговата одлука.

Присуството на Ѓоковиќ во Мелбурн претставувал ризик по јавното здравје.

„Парламентот јасно кажа дека во членот 116, министерот може да ја поништи визата, доколку смета дека носителот на истата, може да претставува ризик по здравјето на заедницата. Судот не ја разгледува мудроста на одлуката, ниту може да ја смени истата. Задача на судот е да одлучи дали министерот го почитувал законот кога побарал визата да биде укината. Се водеше голема дебата како да се пристапи кон оваа одлука. Министерот не е должен да ги образложи причините за укинувањето на визата, но тој сепак го направи тоа. Причините се внимателно наведени. Темите на охрабрување и однесувањето на спортскиот херој се провлекуваат низ наведените причини, предизвикуваат загриженост за здравјето и редот. И да не шампион на Австралија опен, господинот Ѓоковиќ, со своето присуство овде, со својот престој во Мелбурн, би ги охрабрил оние кои мислат дека движењето против вакцинацијата е рационално“.

Женскиот дел од турнирот во Мелбурн остана без третата носителка. Шпанката Гарбиње Мугуруса доживеа убедлив пораз од Ализ Корне, 61. на ВТА листата.

Француската тенисерка, со сигурна игра, победи во два сета со 6/3, 6/3. Корне, направи по еден брејк во двата сета, што во комбинација со одличниот сервис и беше доволно за победа. Мугуруса, во текот на целиот меч, немаше ниту една топка за брејк.

Корне, во третото коло ќе игра против Зиданшек или Вотсотн.

За разлика од Мугуруса, пласман во третото коло избори, втората фаворитка, Арина Сабаленка. Белорусинката мина низ пекол во дуелот со Ванг од Кина.

Сабаленка победи со 1/6, 6/4, 6/2. Неверојатен е податокот дека Сабаленка во првиот сет направи 12 дупли сервис грешки.

Противничка на Сабаленка, во третото коло ќе и биде 31. во светот, Маркета Вондрушова.