Спорт
Шкендија се намачи, но го доби Вардар и го зголеми водството

Тоа што некогаш беше големо дерби во македонскиот фудбал, пресметката помеѓу тетовска Шкендија и Вардар, оваа сезона нема на „сила“ колку во минатото поради состојбата кај актуелниот шампион по повлекувањето на спонзорот Сергеј Самсоненко. И покрај ова, младите фудбалери на Вардар дадоа достоен отпор на Шкендија, која се помачи да стигне до 2:1 победа со која го зголеми водството на врвот на табелата.
Мевљан Мурати им донесе водство на лидерите на табелата во 15-тата минута, но само две минути подоцна Мартин Мирчевски израмни на 1:1. Сепак, трите поени останаа во Тетово откако Арменд Алими во 62. минута постигна гол.
Откако Шкупи одигра само 0:0 против Академија Пандев, Шкендија сега има осум поени предност на табелата пред скопскиот клуб.
ПРВА ЛИГА, 20.КОЛО
Шкендија – Вардар 2:1
Беласица – Струга 1:2
Македонија Ѓорче Петров – Борец 0:0
Пелистер – Ренова 3:1
Шкупи – Академија Пандев 0:0
Табела: 1.Шкендија 45, 2.Шкупи 37, 3.Македонија ЃП 35, 4.Струга 32, 5.Работнички 28, 6.Вардар 26, 7.Борец 26, 8.Силекс 23, 9.Пелистер 22, 10.Ренова 19, 11.Академија Пандев 12, 12.Беласица 12.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Убедлив триумф на Литванија во првиот меч на ЕП

Европското првенство во кошарка, 42. по ред, започна со убедливата победа на Литванија против селекцијата на Велика Британија 94:70.
Балтичката селекција против Велика Британија ја оправда својата улога како фаворит во првото коло. Велика Британија даде се од себе, ослабена од отсуството на Гејб Оласени поради повреда на грбот.
Литванците лошо шутираа на овој меч, погодија само две тројки од 19 обиди, но одбраната и офанзивниот скок им обебзедија убедлива победа. Две третини од поените Литванците постигнаа од рекетот.
Британците добро се држеа три четвртини, се враќаа на едноцифрен минус, но потоана во последноте седум минути кога Литванците направија предност од 20 пеони.
Очекувано доминираше во рекетот Јона Валачиунас со 18 поени и девет скока, поен помалку со седум скока имаше Тубелис, а Јокубаитис и Нормантас забележаа по 12 поени.
на спротивната страна се истакна Јебоа со 17 поени, а двоцифрени, со по 10 поени беа Филип и Хенсон.
Foto/ EPA/KIMMO BRANDT
Спорт
Вулверхемптон одби уште една понуда од Њукасл за Ларсен

Фудбалскиот клуб Вулверхемптон ја одби и втората понуда од Њукасл за норвешкиот напаѓач Јорген Странд Ларсен, кој постигна два гола во вчерашната победа над Вест Хем во Лига купот.
Њукасл овој пат понуди 55 милиони фунти, откако претходно беше одбиена и понуда од 50 милиони фунти.
Управата на Вулверхемптон не сака да се откаже од 25-годишниот репрезентативец на Норвешка, пред сè поради краткото време за наоѓање замена, бидејќи шреодниот рок завршува за четири дена.
Странд Ларсен беше купен од Селта минатото лето за 23 милиони фунти и постигна 14 гола во Премиер лигата минатата сезона.
Спорт
Бојан Димоски се сели во ТСЦ

Левиот бек Бојан Димоски кариерата ќе ја продолжи во ТСЦ. Клубот од Бачка Топола ќе издвои 100.000 евра за неговиот трансфер од Акрон, дознава „Моцарт Спорт“.
Во ТСЦ процениле дека им е потребно засилуваеа на левата страна, бидејќи Немања Петровиќ сè уште не се вратил на теренот поради сериозна повреда од минатата сезона.
Димоски одигра четири натпревари оваа пролет за Партизан, на кој му се приклучи од Акрон како позајмен играч.
Пред тоа, ги бранеше боите на Брера од Струмица и на Вардар. Одигра 20 натпревари за репрезентацијата на Македонија.