Спорт
Шкендија во Словенија ќе проба да ја надополни домашната негатива против Мура

Фудбалскиот шампион на Македонија, тимот на тетовска Шкендија, денеска, со почеток во 20 часот, во Словенија против составот на Мура ќе го одигра реваншот натпреварот од првото квалификациско коло за пласман во фазата по групи во Лигата на шампиони н УЕФА.
Тетовските „црвено црни“ на реваншот одат по изненадување ако се знае дека на првиот меч одигран пред една седмица доживеаја минимален пораз од Мура со 1-0.
„Веруваме во пласман во следната фаза. Немавме среќа во првиот натпревар каде што промашивме многу шанси. Противникот е квалитетен ривал и посилен на физички план, но и ние имаме свои адути, кои верувам дека ќе ги искористиме на дуелот“ изјави тренерот на Шкендија, Ернест Ѓока.
Доколку успее тетовската екипа да направи подвиг, во следното коло ќе игра против подобриот од дуелот Солигорск (Белорусија) – Лудогорец (Бугарија). На првиот меч Лудогорец во Бугарија славеше со 1-0.
Натпреварот ќе се игра пред околу 4.000 гледачи.
Фото: ФБ – ФК Шкендија
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Штутгарт го изигра Атлетико – Мило на пат кон Саудиска Арабија

Францускиот фудбалер од редот за врска, Енцо Мило, долго време се поврзуваше со Атлетико Мадрид, но тој кариерата ќе ја продолжи во Саудиска Арабија.
Енцо Мило беше виден на стадионот „Метрополитано“, иако неговото пристигнување беше одложено поради Штутгарт, кој одолговлекуваше со условите за плаќање.
Се испостави дека „Швабите“, намерно ги одолжиле преговорите со шпанскиот клуб, чекале сигнал од Саудиска Арабија.
Мило беше поврзуван и со Тотенхем, но на крајот победи најбогатиот.
Усен договор меѓу Ал Ахли и играчот за врска веќе постои, и сè уште не е познато колку би можел да изнесува целиот договор. Се споменуваше дека Атлетико морал да плати 23.000.000 евра, па се очекува дека приближно иста сума ќе уплати Ал Ахли в касата на Штутгарт.
Спорт
Баер го продолжи договорот со Шик

Баер Леверкузен ја продолжи соработката со 29-годишниот централен напаѓач и чешки репрезентативец Патрик Шик, а голгетерот висок 191 см се обврза да остане во редовите на популарните „фармацевти“ до 2030 година.
Шик помина пет сезони во овој тим и значително придонесе пред две сезони, кога Баер ја освои Бундеслигата и ја прекина децениската апсолутна доминација на Баерн во германскиот фудбал.
Вкупно, Шик одигра 121 натпревар во Бундеслигата и постигна 64 гола, а постигна и девет гола во 33 натпревари во европските натпреварувања.
Кариерата на Шик започна во Спарта од неговата родна Прага, каде што не играше, а својата прва можност ја доби во дресот на Бохемијанс, каде што беше позајмен во сезоната 2015/16.
Следеше италијанската епизода, една сезона во Сампдорија и две во Рома, потоа неговото прво искуство во Бундеслигата во Лајпциг, каде што постигна 10 гола на 22 натпревари во елитниот ранг на германскиот фудбал во сезоната 2019/20.
Кога станува збор за чешката репрезентација, Шик постигна 24 гола на 46 натпревари.
Спорт
Реал го отпушти медицинскиот тим

Реал Мадрид имаше неуспешна сезона во која не освои ниту еден трофеј.
Шпанските медиуми наведуваат дека една од причините е тоа што голем број играчи се повредиле во последната сезона под водство на Карло Анчелоти.
За да се спречи ова повторно да се случи, новиот тренер Чаби Алонсо заедно со раководството одлучи да го отпушти целиот медицински тим.
Како што пишуваат шпанските медиуми, имало лоши односи во тимот задолжен за здравјето на играчите и тоа ги принудило луѓето во „кралскиот клуб“ да направат радикален потег.